<< 那年初夏，我們在微信釣的狗公 >> 再釣一次?: Part 4 序章 - 孤獨，然後…

呼一一一



甫剛出閘，迎面而黎既係一股帶有濕氣既熱風，夕陽餘暉映射下來，整個荃灣地鐵站都染上瑰紅。



初夏既傍晚永遠是最美好的，望著像在燃燒般的鮮紅天空，心突然覺得隱隱作痛。果種痛唔係話係高登見到有po寫住「馬賽對波圖」，滿心期待一click入去，原來係班波台痴線佬係度講「馬賽 對 波圖」果種落寞感；又唔係見到topic寫住「齊做hihi仔fb自拍流出」，入左去一睇，原來係你望著人地做到hihi仔而自己冇份果種被排斥感。而係到左一日將盡之時，你發現原來自己是個零，乜都冇做過就戇傻的嗎勁又一年果種既無助感。









「又一日…」









望向地鐵站門口，唔係一雙一對既情侶係度打情罵俏，就係一家人係度曬天倫之樂咁小手拉大手。頂，平時多到好似為左準備「犬決」而餓左幾個月既下班族竟然一個都冇，顯得我一個人形單隻影，特別礙眼。



但係作為一個打從係16歲就看破紅塵既巴打，依Ｄ情況已經係司空見慣，對我完全構成唔到威脅。



隨著呼吸既節奏，我純熟地揮動鍛練左20年既「左右手」，交替穿梭；左手姆指有如蝴蝶般飛舞，不停在sony黃芒上般鍵入搜尋字眼；右手食指猶似黃鋒般精準，敲打並拖拉著螢光幕上的虛擬按扭尋找想要留名閱讀既文章，配搭sony z無限1%既電力續航，整個過程行雲流水，絲亳沒有半點停頓。







正當我為自己高超而又華麗既技巧又更上一層樓而感嘆既時候，一剎那間，我停了下來。