<< 那年初夏，我們在微信釣的狗公 >> 再釣一次?: Part 1 序章 - 那年初夏

  




















Part 1 序章 - 那年初夏



『隆…隆…隆…』耳邊不斷傳來地鐵在行駛既低鳴聲，作為一個典型毒男既生活態度，每日返學等放學，放學等返學既輪迴式生活就係我既全部。


『隆…滋滋…』 雖然打從小學雞既時代就聽慣聽熟，但每逢放學時段個陣聽到，都總會令我有覺得自己有「生存」既實感…






而當你結束一天工作，想係地鐵度眠下果陣，都總會比某Ｄ人阻頭阻勢。


以科理角度黎分析，車廂除左好似我依Ｄ空氣咁既存在，仲充斥著大量污染緊現今香港既懸浮粒子，氮氧化物等等，而當依種化學物質物質擬人化，你會發現佢地果Ｄ死人淫底聲會令你想請法官大人出黎扑Seven佢。



「Hi 堅系真架，咪話左冇呃你囉 bb豬」



經典忘了愛mix迅雷頭髮型，身穿淘寶光棍節半價既Aape棒球外套，頭戴余文樂灰NewYorker既棒球帽加上大大隻寫著Free Fuck兩個英文字刺繡再配埋「團購」既廠貨馬汀醫生 ，一個港產mk仔坐係優先座到大大聲咁講緊電話。







「你唔係唔信我丫? 小傻蛋 hehe」



先唔理mk仔知唔知hehe其實係咩野意思，但係本人平生真係未聽過有人會用小傻蛋去稱呼其他人。暗戀你，傻鴨我就識姐，傻蛋？唔通係傻鴨扑椰樹獸所生既新品種ト街mon? 究竟同佢傾緊計果個係ト街mon定係大木博士呢?



仲有好話唔好口都夏天啦，條死mk仲著套秋冬季出黎托Seven咩，可能佢以為自己係楚留香，渾身散發自然體香。荷爾蒙濃度仲濃過8.2特濃牛奶糖，連坐係佢對面既我都聞到佢陣陣「香薰」。見佢隔離個七旬妙齡少婦，口吐白泡，

好似索k high大左仲暈理咁，估計八成都係香精中毒…唉，寧願索到暈鬼左都唔企起身行下，耍返套太極，真係膠都廢事派。







「吊 慌死冇人知佢有女溝咩」雖然本人內心對依個MK行為感到可恥，但作為一名小毒男又不得不承認打從心底有少許羨慕依個有女溝既mk…