【愛情小品】【已完結】 《Chapter C》番外篇．最終回: 「其實你這麼帥，為甚麼沒有女朋友？」

「其實你這麼帥，為甚麼沒有女朋友？」

二零一四年，夏。

「跟住你有冇應承佢啊？」我問道。

阿淳吐了一囗氣然後說，

「梗係…冇啦！我當時以為佢發緊開口夢， 費事我會錯意我，我等到到巴士到站時就先扮叫醒佢 」





錢成功不解地問道， 「下！ 一定唔會係開口夢呀！」

「唔知呢？佢落咗車之後就冇再同我講嘢啦。」

「抵你你死啦！ 難得有女仔主動同你告白，你仲無視佢，拒絕都唔講聲，係我都唔想理你啦」

「如果佢真係唔理我 就唔會發生之後嘅事情，」

二零－三年，十一月。





不知道她究竟是在發開口夢，還是說出真心話。

那怕我百份之九十九肯定那是她的心底話，我也都沒有回應。

因為我怕我會應付不來四周的閒言閒語，都說我是狗公、賤人、玩家，

其實我只不過是在吵㗎前，分了手；

只不過是在感情淡了前，分了手。





失去了戀愛的感覺，前分開，難度我有錯嗎？

與其花時間去彌補逝去的感覺，不如找個新的更好。

自問我也對六位前度付出過真心，我真的不是為求玩弄她們才與她們拍拖。

大家拍拖都只不過是尋開心，何需太認真對待一次半次的分手。

我不像那些所謂的「長情男」，勉為其難地維繫著已碎片化的愛情，

我會勇敢地站出來，把一切僅餘的情絲切斷。

不知道是否因為那天我無視了她的問題，在之後幾天，無論我發任何信息給她，

她也只是輕輕地帶過，或者給我一兩個「笑到喊出嚟」的表情符號就算了。





莫名其妙地我而又有了失落感，不是找不到的那種失落感，

而是後悔自己所做過的決定的失落感，為何我那天不直接答她，

我究竟是在考慮什麼？

明明她都說出了最難開口的那幾個字，我沒有理由可以拒絕他。

這幾天我心情也因此而變得低落，不知道自己每天日復日年復年是在做什麼，

幸好我還有最好的朋友，最最最最要好的朋友－毒証。

他的樣子毒毒的，臉上暗瘡的位置比皮膚還要多，頭髮油淋淋似的，也經常駝背。 除了對著熟悉的人以外，說話 總是陰聲細氣，眼神不敢直視對方。





正因為他這種「一世做a0」的人， 我才能在他的面前放下了戒心， 將在別人面前 彬彬有禮 有禮貌的形象 放下 變回最真實的自己。

他也從我這幾天反常的行為中看到了一些端倪，於是他用skype call了我。

我按下了綠色的 按鈕接聽了，

「喂揾我做咩事呀」

「冇乜嘢，想搵下你傾計啫。」

「傾計？有咩好傾呀。」

「你呀呢排唔講嘢，做咩事呀？係咪之前搵唔到條女，溝女失敗，對你呢個死狗公造成心理陰影，搞到以後唔夠膽再溝女。」

「唔係呀～我邊有咁脆弱呀。」





「咁你講啦～你講你發生咩事呀」

「其實我都唔知呀～點解自己拍咗拖咁多次、追女仔咁多次，為獨今次會有咁大嘅失落感」

「咁又係我見你咁多次溝女都冇一次好似咁，就算散咗都 都冇咁大反應。」

「係囉，一直都冇咁樣事情發生過。」

「冇發生...冇發生，唔係喎。你記唔記得有一個特別例子，就係一個係你死都唔肯當佢係初戀， 但係明明係你嘅第一次同拍得最耐拖曖昧得最耐嘅人」

「你講嗰個女仔唔好提喇，嗰個先係我嘅最大心理陰影。」

「其實我唔明一個女仔嘅嘢外貌究竟有幾重要，仲要到其實你好鍾意佢 。你同佢曖昧咗半年，拍拖咗半年。 成年啦。點解你仲要死都唔肯幫佢做初戀？」





「一個崩牙妹，都唔緊要。一個肥少少嘅女仔，都唔緊要。最大件事嘅係佢係一開頭就呃咗我。」

「但假如佢唔係呃你你又點會同佢一齊開始曖昧。 其實係唔係你自己承受唔到 旁人嘅目光，因為其他人覺得佢外表樣衰，所以你唔想畀人攞嚟做笑話就放棄佢？」

「係呀～係呀～係呀～咁又點呀？其實我都真係忘記唔到佢，雖然佢真係其貌不揚，但係佢係我咁多次拍拖之後發現最夾嘅人。不過就算有幾夾都好， 樣衰就係樣衰， 豬扒點啃都咁唔落，」

「咁如果佢由豬扒程度上返到average，又得唔得呀？」

「如果佢可以將排唔整齊嘅牙箍返好， 減下肥，都係…冇可能㗎， 因為？或者？我都唔知。」

「一句講到尾，其實你都係嫌佢樣衰姐」

就這樣我和他傾了整晚， 我的心情也好了些

奇怪的是，之後的一天她主動地找我

「有冇興趣去鐘聲泳棚， 一齊睇日落」

「下？邊度係鐘聲泳棚？」

「你唔係住西區嘅咩？ 一個住東區嘅人都仲了解過你」

其實我知道鐘聲泳棚是在哪裏，只不過我 扮傻了一陣子 可能我們的話題能持續多一些 ， 希望和他多聊幾句說話。

「鐘聲泳棚係域多利道附近，去泳棚 影日落之前，仲可以去埋西環之鏡度睇下。」

「好呀～好呀，就照你意思啦! 」

雖然景色很美，不過已經曾到訪過這裏數次，並沒有感到什麼大分別。

可是最大的分別就是我一起來的是他

過程中都只不過是拍拍照，匆忙地找最佳的影相角度。

而真正令我對今天難以忘懷，認定今天是我的幸運日。

是由她的這番話開始

「其實你咁靚仔，點會冇女朋友呀」

「靚仔唔等於求其搵女朋友」

「講到自己咁認真、專一，咁你有啲咩擇偶條件？」

「樣靚、身材好啦、 心地善良、冇港女feel…」

「咁我每樣都符合曬。」

「就算符合曬，唔通你想做我女朋友咩」

「可以呀」！

不要再等了，就由我做一次主動。

「嗱！你講㗎」

說罷， 我以光速的速度 往她臉頰的方向吻下去。

他頓時紅了臉， 說不出聲。

「你係咪玩我㗎？」她的第一個反應是這樣的。

「傻妹，如果畀我揀，我會選擇一世玩你。」

「係咩，我都願意一世畀你玩。」

太陽落下的速度是緩慢的

但在天空上瀰漫的深黃色，卻是迅速而不後退。

我沒有了後退的機會，只能在未知的將來和她走下去。 //待續