他與她[校園] [愛情]: 第四章

望住坐係我對面的女神，好專注咁望住佢手上嗰本"愛麗絲夢遊仙境"， 我只係夠膽不時輕輕咁樣偷望下佢， 就咁樣持續咗半個鐘， 好快午膳就完咗， 而我亦都要放低本書， 準備落去上堂。

就係我擺低本書之際， 突然有把好溫柔嘅聲線同我講:「 其實你係咪都好鍾意睇呢啲參考書架？」

我另轉頭一望，咦！ 竟然係女神同我講緊嘢， 我即係停曬咁， 完全唔識俾反應， 所以就口窒窒咁講:「係....係呀....」


佢就話「哦～我就比較鍾意睇故事書多啲囉。」








尷尬嘅我，淨係答咗句:「嗯。」， 為免氣氛太尷尬，之後我就急急腳咁走咗喇， 我仲要感覺到我嘅雙頰，突然變得好熱......


返到課室，我就坐低係自己位，一路諗：「女神都算係高冷型呀，平時好少見佢同人講呀，估唔到今日佢竟然會主動同我講野。」


之後？！之後我就梗係繼續ff落去啦！梗係諗緊點追佢，我地一齊嘅個啲嘢啦！






不過，我估唔到嘅事，竟然發生左！




原來我頭先趕着走得滯， 竟然唔記得攞返張學生證，當我不停喺度揾嘅時候，有一隻纖幼嘅手拎着我張學生證


心急嘅我，就梗係飛身埋去，拎返我張學生證，點知..........