【陸月添故事系列】《等一個人茶走》: Ch3 新開始
到了晚上7時，我決定再去一次那間茶餐廳吃晚飯，因為我在整個下午都在想台灣姐姐，莫非是一見鍾情嗎
我再一次駕車去到那地方，但這次是晚上，亦不知道台灣姐姐放工了沒有。
「睇下台灣姐姐係唔係到先，如果唔係到就食第二間」我在店鋪外慢駕著車子，試圖看看台灣姐姐是否還在店內工作。
結果就是，台灣姐姐還在工作。
我馬上在車子停好，然後再一次走到這間茶餐廳門口，玻璃門亦再一次為我打開。
我又見到了老闆，老闆問：「一位？」
我：「係，一位」
老闆便帶我到卡位坐，再拿了一杯熱茶和餐牌放到餐桌上。
我看了一看餐牌便揮手召喚侍應，我最期待的畫面出現了，走過來的是台灣姐姐。
我滿懷歡喜地說：「要一個海南雞飯和一杯“茶走”」
台灣姐姐：「好的，還有其他嗎？」
我：「沒有啦謝謝」
台灣姐姐便收回餐牌，把下單紙遞給廚房然後回到自己的崗位。
我留意著台灣姐姐，大家一有眼神接觸亦會一起閃避。
不久，台灣姐姐送來一碟海南雞飯和一杯茶走「海南雞飯和“茶走”」她說
我：「Thank you」
其實我很想和她多聊幾句話，但覺得很尷尬，沒有多說一句便開始拿起餐具用餐。
我很快便清空了整碟海南雞飯，以前我小時候會先吃完餸菜再吃剩下來的餘飯，喜歡先甜後苦。但現在我會控制好，一口餸菜一口飯，可以很平均地吃完，剛剛好最後一片肉和一口飯放進口裡。
我吃完飯後在享受著這杯茶走，我連接了這間茶餐廳的免費wifi，瀏覽著youtube和高登。話說我只是一個高登CD-ROM，而我最常瀏覽的是講故台和創意台，我看過很多巴打們的故事作品，自己亦想寫一些故事，特別是有關時空穿越的。
我喝完了就起身去結帳了，亦是台灣姐姐幫我收錢。
台灣姐姐：「Ten dollars fifty cent」
我從銀包裡淘出一張十塊錢和五十仙硬幣，然後遞給台灣姐姐。
台灣姐姐接了錢後問：「你有帶那張集點卡嗎？」
此時我才醒覺自己忘記了這張卡。
我：「我忘記帶了」
她：「沒關係，我再給你一張吧」
然後，台灣姐姐拿了一張集點卡，她在上面打了兩個洞，簽上了名字再給我。我拿了卡後笑了。
她：「不要跟其他人說喔，哈哈」
我點頭表示答應她，然後跟台灣姐姐說聲byebye便拿著卡走了。
我歸家後感到很愉快，沒想到台灣姐姐竟然會記住我，還私人幫我。
我看著這張新卡，上面簽了兩個名，但這次的名字看起來像是Eva，我仍然搞不清楚台灣姐姐的英文名。到底是Eva，Ceci，還是Cici，又有可能是Choi。
接下來這兩天，我上午至中午要上學，面對新的學校環境。而我晚上都會準時7時去到蘇基茶餐廳吃晚飯，不過只有一晚遇到台灣姐姐。
我記著她上班的日子，現時知道她逢星期二和星期四會在餐廳工作。
再過了一天，我的好友恆輝和健華終於回來澳洲，我早上開車到國際機場接他們。
我泊好車子在停車場，有半小時免費，然後我便走到接機大堂等候恆輝和健華出來。
「頓打燈～」我的電話信息聆聲響起，我從褲袋拿出手機，然後打開whatsapp看，是恆輝傳來的信息。
恆輝：「我地等緊拎行李」
我：「ok，我係出面等緊你地」
過了五分鐘，我終於看見恆輝和健華，他們推著行李出來東張西望。我向他們揮手，恆輝和健華亦注意到我。
恆輝和健華來到我前，然後異口同聲地說：「呀天～」
我：「等左你地幾日啦」
健華：「鬼叫你間u咁早開學咩」
我：「唔講住，快啲走人，停車場得三十分鐘free parking，依家仲有5分鐘時間炸」
恆輝：「下，咁快d走啦」
我：「window98！」
我們立即進著行李車跑向停車場方向。
大約跑了兩分鐘到了車旁，我們把行李箱掉進車尾箱，但車尾箱不夠位子因為他們每人有兩個行李箱，總共有四個。最後需要放兩個行李箱在後坐。
順利免費出閘後立即一路向家。
在回家途中，健華說：「頭先好正呀」
我：「咩正呀？啲空中少爺好正？」
健華：「係空中少姐呀，我唔係基架」
我：「sosad我果班係空中少爺，仲要有啲係少少肥」
恆輝：「我地見到有個鬼妹好鬼正」
健華：「係呀，坐係我地隔離行，細細粒咁」
我：「正又點，between 圖呢？」
我繼續說：「話說我搭飛機坐我隔離係女仔」
健華：「咁你有無問人拎電話先」
我：「無呀，係佢問我拎左電話號碼，但我無佢電話，佢到依家都未搵我」
恆輝：「wow，圖呢？靚唔靚架？香港人黎架？」
我：「樣唔錯嘅，係香港女仔黎，佢又係讀你地間u架，讀獸醫，無圖呀」
恆輝：「咁我同健華咪可以認識下佢」
健華：「我淨係中意鬼妹嘅姐」
我：「知你中意鬼佬啦」
健華：「頂你我唔係基架」
我：「between我同佢係飛機傾左好耐計，幾好」
恆輝：「但人地無搵番你喎，點算」
我：「唉算啦，佢搵我先算」
恆輝：「咁你呢幾日做過啲咩？」
我：「呢幾日勁hea，番學好悶」
恆輝：「你未識到人咩？」
我：「有兩個上年已經識」
健華：「有無鬼妹先？」
我：「無呀！一個女仔都無呀！」
恆輝笑著說：「哈哈咁慘」
我：「係喎，我地屋企附近個square開左間港式茶餐廳，你地可以去試下」
恆輝：「係咩，咁要試下啦」
我：「唉一陣番到屋企我又要番學」
⋯⋯
三人又在一起開始瘋癲生活了。