《再來一次，然後成為英雄》: 9.另一位隨心

「各位同學，而家已經係五點四十五分，凡沒有老師帶領嘅活動須立即停止，同學請整理衣服回家，以免父母擔心。」

 「我要返去啦，聽日見啦。」詩詩站了起來。輕輕的整整了一下裙擺。 

「我送你啦。」

 「唔洗啦，我驚比爸爸媽媽發現我地咩呀。」

 也對呀，我們只是中三的學生，中學生是不應談戀愛的，加上詩詩的父母真的十分嚴格。





 「咁好啦，拜拜。」

 「拜拜。」

 詩詩吻了我額頭一下，就離開了。

 我伸了一個懶腰，也準備回家，可是卻發現樓梯我角落有一個熟悉的身影。

 「星儀？」 





星儀抬起了頭，雙眼通紅，面上還留有淡淡的淚痕淺影。

 我蹲下了身子「你做咩事呀？」

 星儀望向了我，眼淚更是有如黃河缺提......

 更突然的是......

 她握著了我的頸，就吻了下來，緊緊的抱著我，宛如世界末日的最後一吻般，愈吻愈深，令我再一次想起那一個夢。連夢中的對話都慢慢想起來了......





 淡淡的百合香，柔軟的身段，纏綿的雙唇，一切一切都是多麼似曾相識......多麼的懷念。

  可是，我還是推開了她。

 「你做咩呀？」我捂著了我我嘴，驚訝地說。 

可是星儀卻宛如放了氣的皮球一樣，一語不發，呆呆的坐在地上。 

我實在是放不下心，只好默默的伴著她。 

「你走啦。」星儀說 

「你咁樣我點放心走呀。」我望著頹然的星儀，實在不是能放著不管的狀態。 

「我唔想再見到你呀，你嘅姓名、外貌甚至性格都冇變過，點解偏偏你對我變左？ 點解要離開我.....點解要抱著第二個......唔係嘅，或者如果佢冇死到，你都唔會屬我，我可能由頭到尾都係外人，一個唔知醜嘅女人。」星儀抱著了雙膝喃喃自語著。





 看到了這樣的星儀，不知為何我的心很痛很痛……痛到有一下恍神了。

  當我回過神來已經抱著了星儀，輕輕的撫著她顫抖著的玉背，身體不受自己控制，感覺就跟做夢一樣。 

 抱著星儀的感覺有一種安心和懷念的感覺，跟詩詩不一樣，不會使我緊張，取而代之的是無比的安心以及濃濃的愛意由心深處湧出來，仿佛是身體在告訴我，我愛的到底是誰…… 

 我迷惑了……

  「點解仲要咁做……你咁樣係對唔住詩詩。」星儀整個人脫力的依偎在我的懷裡。 

 「我……我都唔知道，身體自己抱著左你……我真係唔知呀。」淚又流下來了，而且不自覺的抱得更緊，身體像是訴說著我離不開這女孩。

  「我係咪一早識你?」下意識就問了出口。





  「又點止係識咁簡單……但事到如今……有用咩……」星儀推開了我打算轉身離開。

  可是我握著了她的手，拉了她回來……「唔好走……」點解我會咁做? 我都唔知，只可以講係本能反應。 

 「你想我點呀? 話要照顧我一生一世，愛我生生世世嘅係你，自己扮英雄去送死然後剩返我嘅係你，然後推開我又抱著嘅都係你……我真係好累啦，樂平冇左啦，我嘅隨心都冇左啦……不如比我去陪佢地啦。」

  「對唔住。」我跪下了，心中泛起了無盡的內疚和悲傷……腦中閃過一些不屬於我的記憶，或是說另一個葉隨心的記憶……然後意識中斷了。沉在心深處看著另一個我在用我的身體，而心中竟覺得沒所謂。

  星儀好像察覺到我的異常…… 

 「你到底係邊個。」星儀捉著了我的肩。  「我係葉隨心囉，屬於你嘅葉隨心。」我微笑著，幫星儀擦乾了淚。

  星儀沒有絲毫的懷疑，只是輕輕撫著我的臉。

  「呢一身校服，呢一個你……真係好懷念，好靚。」我望著她，她望著我，然後是一個久別重逢的吻。





  「我話過我一定會返嚟，而家我．返．嚟．啦。」

  「衰人，岩岩先花心完仲敢講話自己係屬於我。我嬲。哼」星儀口裡說不，身體卻一直依偎著我。

  「你知唔知我頭先有幾心痛呀，你知唔知你走左之後我有幾難過呀，衰人。」星儀抱緊了我。

  「對唔住呀……但要拎返肉身嘅主導權我花左啲時間。」



  「即係話鍾意詩詩嘅隨心仲係入面?」 

 「嗯，其實佢會係度嘅原因真係好長，而且我唔可以講。」  「佢會唔會出返嚟?」





  「答案係我都唔知，我同佢係同一個人，只係記憶唔同，所以佢鍾意詩詩，我係未遇到你之前鐘意嘅人，但，我好記得月老講過我地係只要有緣相見就會共墮愛河，只要佢仲係葉隨心就一定會愛上劉星儀，呢樣嘢係任何時空都唔會變。」

  「佢就係由一個冇我嘅時空嚟架，我唔理呀，你一定要羸呀，唔係我就死比你睇。除左你以外嘅葉隨心我都唔要!」星儀大概不是開玩笑…… 

而且我都不想再失去她了……