【天使之戀-II】《妳是天使，我也要與妳醉在愛河》: 天使畫廊

 
一年前 大埔伯家
 
「何伯近排幾好啊嘛你?」：阿琴關心地問道
 
「幾好啊，冇野做，都係畫下畫咁囉」：何伯笑說
 
何伯的家比起其他獨居老人來說，並不是十分雜亂，牆上還掛著不少畫作，有油畫，水彩畫，板畫和國畫等不同種類的作品。
 
「咦，何伯，啲畫全部你畫架?」：我問道




 
「係啊，我後生果陣畫既」：何叔嘆道
 
這...這世界還真是露相非真人，真人不露相啊!這麼多不同種類的畫，且幅幅都畫功精湛，他一人能用多少種畫筆啊?!
 
「何伯你好勁啊!」：阿琴讚道
 
「好多都係後生果陣畫既姐，老啦而家」：何伯笑說
 
「個Love好靚啊，周圍好似咁眼熟既，咩黎架?」：紫琴指著一幅素描畫問道




 
「呢個係起沙田大會堂果邊呢，個百步梯下面擺住個Love字，果時好多人去影相架架」：何伯陶醉地說
 
「哦...沙田黎既，唔怪得咁熟面口啦，但我以前日日放學都經過大會堂，都冇見過喎...」：紫琴疑惑道
 
「可惜啦，你兩個都未出世果陣，舊字就搬走左啦」：何伯嘆道
 
「呢個摩天輪好靚喎，邊到黎架?」我指著另一幅藍色的油畫。
 
「Franz梗係唔知啦，」何伯問道：「Luey你知唔知?」




 
阿琴認真地看了看後，疑惑地答道：「中環摩天輪?」
 
「冇錯，」何伯微笑道：「佢一開幕果陣我就即刻去記低呢個時刻」
 
比我們多活幾十年就是不同，何伯見證過的人生精彩時刻的確是比我們多。
 
何伯帶著我們觀賞一幅幅畫作，跟我們解析畫中的構思和意義。
 
直到我們走到一間房間前...
 
這裡既不是主人房也不是書房，就是一間何伯的小畫房。
 
房間的牆壁上掛著三幅特大的水彩畫，而且每幅都是一位女孩的畫像，畫功十分精細，每位主角身上的每一個細節都明顯是有經過精心描繪，想必這三幅作品都是何伯最重要的心血結晶。
 




「好...靚啊」我呆道：「咩黎架?」
 
何伯嘆道：「我起夢中有時會見到一啲異象，見到天使降臨既影像...」
 
「咁奇妙?...」我認真地分析著這幾幅畫...
 
最左邊的一幅畫像，是從側面描繪著一位留著棕色長髮，穿著白裙，身處在玫瑰園中，拉著古木小提琴的女孩，那動作優雅而動人，可謂傾國傾城。畫的右下角寫著四個小字「玫瑰天使」...
 
中間的那幅晝，周圍是一片清幽的薰衣草田，一位穿著淡粉色裙的女孩背向著我們，她那淺棕色的長髮均勻地散在肩上，身材曼妙而修長的她正坐淡紫色的琴前舞動著纖柔的手指。畫的下方寫有「薰衣草天使」五個小字。
 
而右方的那幅畫是三幅中最為注目的一幅，因為畫中的女孩正站在盛開的櫻花樹下，吹著口風琴，以正面面向我們。她長著一頭深棕色的長髮，貌美如花，雙瞳楚楚可憐，讓人看上一眼就感到憐憫，心神蕩漾，她穿著一身淡藍色的校裙，配上櫻花，更使她顯得美如畫...
 
「哇...三幅畫都畫得好靚、好特別啊」：紫琴讚道
 
「何伯啊，咁點解頭果兩張都唔畫樣，剩得第三張畫正面既?」：我好奇地問道




 
何伯聽後呆呆地看著最右面的那幅畫，臉上的表情百感交集、感慨萬千，想必是想起了某段刻骨銘心的往事...
 
「因為我識佢…...」：何伯黯然地答道
 
「你識佢，而且佢係一個天使?邊個黎架?」：紫琴好奇地問道
 
何伯嘆道：「其實我唔算好識佢，係我阿哥」
 
「原來何伯你仲有個阿哥架?」我問道：「咁佢同呢個咩咩天使做咩啊?」
 
何伯回憶道：「本身好地地成家人一齊返教會，但我阿哥Form3果年居然歸信左第間教會，所以至會撞到佢」
 
「咁姐係咩事啊?」：我更好奇地問道
 




何伯深呼吸了一口，嘆道：「從頭講起既話，要由一位媽媽開始……」
 
何伯讚道：「一位好偉大既媽媽!」
 
紫琴和我都認真地聽起故事來。
 
「佢其實有精神病，佢當年係起油麻地比一個內地人拖左入條巷仔到強暴左，所以先至生左個女落黎……而佢就算有病都好，都好努力咁養個女」：何伯越說越激動
 
「個侵犯佢既大陸人賤格，但佢身邊既香港人仲加賤格!啲人口沒遮攔，幾核突既野仲講得出，啲人……」何伯情緒激動地拍了拍桌子，罵道：「啲人居然笑佢『買大送細』!」
 
......
 
----------待續----------