[突發][唔係蛋黃哥]大撚鑊_我一起身發現變左做粒蛋黃: （三十）
「仆你個街，道門駛唔駛咁撚堅硬！撞極都撞唔開！」
我和于強不斷嘗試對這扇門拳打腳踢，又試過互相把大家推向門上，務求把門撞開！
但可惜的是，所有嘗試都失敗了！
而在嘗試開門期間，我發現于強的精神狀態愈來愈不穩定！
即使我在他面前，他也好像認不出我來！
而且更會突然變得呆滯，像不知道自己是誰似的！
「于強！于強！」我用力搖晃著他！
「咦？做……做咩呀？我點解係度嘅？」他如夢初醒般回答我。
「頂住呀于強，你家姐等緊你架！打開呢度門我地就走得架啦！」
我努力的繼續撞向門上，我實在擔心于強撐不到開門的一刻！
「無……無錯！我仲要見返我家姐，我無事，我……我頂得住！」
我們不斷努力嘗試開門，又不斷找尋其它方法離開，卻始終不得其法！
而更糟糕的是，于強在中途突然倒在地上！
雖然我不斷跟他說話，以維持他的意識，卻好像不太有效似的！
「于強！你頂住呀！就得架啦！」我大叫！
「小明，如果你成功走到，又見到我家姐，唔該你幫我同佢講聲，就算我唔係度，我嘅靈魂都會好好守護住佢！」于強勉強說著。
「痴線啦你！家陣同你好熟咩？你要講自己同佢講，我唔會揹飛架！再講，我同果把黃于傘唔係好熟架Ja，唔好諗住我會見到佢呀！」
「得架啦，我信得過你！如果我真係無左意識，你記得綁住我，如果唔係，我都唔知俾瑪門控制左之後，會對你做D咩！」
「痴線！要綁你自己綁，我對SM無興趣！黃于強！你打死都唔好訓呀！屌你老母，呢度乜撚野門黎！仆街，用中國貨咪好囉，一腳伸爆你！」
我感到于強的力量愈來愈少了，我更像發了瘋般撞向門上！
「仆街，邊個都好啦！快撚D黎救我地呀！仆街阿爾，你老味又話咩叫我唔好放棄，你都搵人幫下我好喎，屌你！」
突然，那扇門像被甚麼從外開啟了一樣，一道光線從外面照射進來。
「陳小明，求救咪求救囉，唔駛講咁多粗口嘅！你快D抬呀于強過黎啦，遲左連我都幫佢唔到！」
在我面前出現的，是阿爾的樣子，他那綠色的左眼和紅色的右眼，使我很快便認出他來。
我收起了所有髒話，跑到于強旁邊，快速的推他到門口的位置，總算是報了被他推得暈頭轉向的仇了！
只見阿爾伸手把我們接著，然後把于強放進一個真空透明保鮮袋中，並把所有空氣都排出！
「喂，你搞咩呀，你咁樣會唔會整死佢架？」我驚問。
「整死你個頭，我等佢嘅意識唔好再向外流Ja！于珊小姐都未出聲，你驚咩者！」阿爾把那真空保鮮袋收好，把我放到床上。
「于珊？哇，點解你會係度架？咪住，呢度邊度黎架？我係咪走甩左啦？點解我仲係雞蛋咁架！仆街啦，係咪變唔返做人啦？唔係喎……」大慨是太長時間沒有看見正常的人類吧，我像瘋了般亂說著話。
「小明，你冷靜D先！呢度係你住果個單位！我尋日朝早發現搵你唔到，之後就直接黎搵你，阿爾佢就帶左我黎呢個空間搵你啦！詳細情形唔講咁多住啦，我地要馬上離開呢個地方！阿爾，我細佬佢……」
于珊雖然表現冷靜，但明顯地感到她不安的情緒。
「你細佬暫時無事，不過再留係度就好難講！佢地比我預期中用左更多時間，相信瑪門已經發現左佢地逃走，同埋發現左我入侵左佢嘅空間！所以我地要即刻……走！」
阿爾說出最後一個字時，把于珊整個人按在床上！
「搞咩呀你？」我剛把話罵出口，然後便看見牆上出現了一支黑色的箭！
若于珊剛剛沒有被阿爾按在床上，恐怕已被這支箭貫穿了身體！
「發生咩事？」于珊還沒有意識到有危險，她抬起頭望向阿爾！
只見阿爾從他的手中，變出了一塊很大的斗篷，把我和于珊完全包裹著！
然後，我感到背部被甚麼東西狠狠的撞了一下！
我回頭一看，又是一支黑色的箭矢！
「大膽嘅人類，居然夠膽呃我！搞到我俾瑪門大人鬧左餐勁嘅！我要將你地全部殺死！」
只見一隻魔鬼，從冷氣機那處飛了出來，然後身形漸漸變大！
我認得這隻魔鬼，便是在熔岩房內的那隻白痴魔鬼！
此劇雖然他散發出無形的壓力，但他的台詞仍然是那麼的白痴！
感覺上就是那些出場用來送死的嘍囉一樣！
「阿爾，呢隻白痴野我之前見過，佢戇鳩鳩咁俾我呃左，依家唔服氣想黎搞我地呀，你快D搞掂佢啦！」我指著那魔鬼說。
「就係你！我今日唔殺死你，誓不為魔鬼！」看，仍是那老土白痴的台詞。
只見阿爾站了起來，右手不知甚麼時候變了一把劍出來！
劍身被紅光和綠光纏繞著，一時間我被它完全吸引了目光！
「你係咩人？點解會有神器係手？凡是狙礙瑪門大人嘅，都要死！」好，他說出了即將被消滅的台詞了。
果不期然，阿爾也懶得回話！
只見他右手輕輕一揮，兩種光芒瞬間向那頭魔鬼襲去！
就在光芒碰到他的一剎那，他的體內發出強烈的光芒，然後身體像跌破了的花瓶般，慢慢碎裂開來！
「無……無可能，我點可能輸！瑪門大人萬歲！」
他還真的貫徹了他的角色，由始至終都這樣老土！
「好，時間無多，我地要快D走啦！其它分身都遇到唔同嘅魔鬼，瑪門黎到只係時間嘅問題！」
阿爾把那斗篷重新披在于珊身上，催促著她逃離這裏！
阿爾拿著那個真空保鮮袋，于珊則抱著我瞬速的逃離了這楝大廈！
看著這個畫面，真有點像剛在超市偷了兩隻雞蛋，兩名雞蛋賊迅速逃離現場的樣子！
但來到樓下，那種搞笑的感覺油然散去，換來的是無盡的緊張感！
原因是，在樓下的大街上，我們看見已有五頭魔鬼守在大廈前，一看見我們踏出大樓，那五頭魔鬼便拿著黑色的利箭向我們襲來！
「哼！」阿爾看來完全瞧不起眼前的魔鬼，冷哼了一聲後，再次右手一揮，光芒所到之處，所有箭矢像被淨化了般，失去了力量！
而那些魔鬼的下場，跟那頭白痴魔鬼一樣，全身變成了碎片狀！
想真一點，那死狀還挺可怕的！
「阿爾，依家點做好？」于珊問。
「其實分開搵先有效率，不過依家太危險啦，我地都係一齊行啦！陳小明，依家靠你啦！」阿爾說。
「吓？靠我？唔係卦！」我大驚。
「係！你無聽錯，我無講錯，依家就係靠你！快D決定點走啦！瑪門就追到黎架啦！」阿爾說。
「屌，咪撚玩我啦，你咁揪得，肯定係D乜乜乜天使啦！你帶路好喎，咁大隻鑊我揹唔黎架！」我哪來的能力去決定啊！
「你咁講係因為你唔知自己係邊個者！屌，又派D蝦兵蟹將過黎阻頭阻勢！」在我們說話期間，天空又飛來十多頭魔鬼！
但雜兵再多也不會是阿爾的對手，下場也只是化作塵土罷了！
「喂，陳小明你快D決定，如果唔係唔單止救唔返于珊細佬，連我地都唔駛旨意離開呢度！」阿爾大叫。
「吓？就算你咁講……我都……」現在可不是決定吃豆腐火腩飯還是火腩豆腐飯啊，足足四條人命，我決定錯了怎辨！
「小明，你冷靜D！無論最後發生咩事都好，我都會相信你！你肯揀未必有事，但唔揀就肯定死架！小明，求下你決定啦！」于珊對我說。
「你……你……唉，死就死啦！阿爾，西九龍中心，去你間鋪度！」我大叫。
「吓？西九龍中心，瑪門咁大膽將個出口攞係我地盤度？好！陳小明，我地即刻出發！于珊，跟住我，有咩危險就唸主禱文，件斗篷會幫到你！」阿爾馬上帶領我們向西九龍中心進發！
西九龍中心！希望這不是我人生中最後的選擇吧！