[突發][唔係蛋黃哥]大撚鑊_我一起身發現變左做粒蛋黃: （二十四）
「無錯，王馬門的確係死左！而且佢嘅死狀實在太恐怖，所以我地先會咁激動！」蓮姐說。
「無可能架，不過……魔鬼……蓮姐，我有無辨法入去間屋度睇下？」我問。
「呢個我都答你唔到，不過你可以搵下負責呢楝大廈嘅經紀！」蓮姐邊說邊找尋她的抽屜。
「嗱，呢張係佢卡片，你可以試下搵佢！」
「好，唔該晒你蓮姐！呀，另外我想問，天台係咪無鎖架？因為我果日俾王馬門整暈左，想上去睇下有無咩線索！」我拿了卡片，對蓮姐說。
「其實……頭先我地都奇怪架啦，雖然你話上過天台！但係……我地呢度天台度門係焊死左，打唔開架！」蓮姐說。
「吓？咁……唔緊要啦，我搵左個經紀先，唔該你！」
我離開蓮姐的房間，慢慢的向大廈的頂層走去！
「真係鎖死左！」我看著通向天台的門，發現真的完全給焊死了！
算了，那些不重要，還是先找經紀把門打開吧！
我離開了大廈，並根據卡片致給那經紀！
「你所打嘅電話暫時未有用戶登記……」
不是吧？這個經紀該不會失踪了吧？
我看了看地址，發現距離這裏不算太遠，便直接往那地產公司走去。
「小姐你好呀！想租樓定買樓呢？呢度有D新樓盤可以介紹返俾你喎！」經紀見我快速的進入店內，臉上立即掛上燦爛的笑容迎接我。
為了避免麻煩，我把那大廈的名稱和單位告訴了他們，但那些經紀卻露出了不安的情緒，像很害怕似的。
然後，只看見他們商議了一會後，一位看來像是負責人的物體向我走來。
「小姐，其實我地仲有好多其它單位！甚至比佢平嘅都有，不如你話我知你想租咩類形嘅屋，同埋預算大概係幾多？我再幫你睇下有無其它適合嘅單位啦！」
「唔駛啦，我就係想要果個單位！」我堅持。
「小姐，其實咁架，因為果個單位原本負責果位經紀就離左職，所以果個單位暫時無放租住架！」他再解釋。
「無放租，我聽果度D類居講，話Keep住都有帶人上去睇樓架喎！定你唔想做我生意呀！」我提高了聲線，有點動怒。
「小姐，唔係咁嘅意思，不過……」他尷尬的說。
「唔好不過啦！間屋條匙仲係唔係度？係度嘅話麻煩你搵人帶我上去！如果你唔想做我生意就算啦，我自然會出去同人講！」
「咁……咁……條匙係度嘅！不過……」他向後看了其它人一眼，只見他們的目光馬上迴避，裝出一副事不關己的樣子。
「不過乜野呀？」我說。
「無，我要D時間搵下條匙者！因為真係好耐無人上去睇！」他尷尬地解釋。
「咁唔該你快D搵！我就企係呢度等你，你一日搵唔到我一日都唔會走！」我走這樣站在他店鋪的門口前，像門神般守護著這間店。
那負責人看起來沒有辨法，心不甘情不願的走向其中一個抽屜，尋找著那串鑰匙！
我等了又等，過了差不多十分鐘，只見他們竟在竊竊私語，我內心頓時無名火起，正想對他們發作！
「小姐，唔好意思，我地差D唔記得左，我地有位新同事負責呢個單位，串鎖匙係佢度！」負責人說。
「咁點呀？你唔係想同我講佢無返，叫我遲D黎過呀？我唔受呢套架！」我已立下決心，今天進不到那單位便不罷手！
「唔好誤會呀小姐，我地係以客為先嘅！岩岩我同事打左俾負責果位經紀架啦！果位經紀叫阿爾，佢依家返緊黎架啦！我諗……過多五分鐘左右啦！」負責人看了看錶說。
「好！我就等佢五分鐘！佢未黎嘅話我就唔睇啦！我會係出面同其它人講你地唔肯做我生意！」我就多等他五分鐘！
「明白嘅明白嘅！我再催催佢！」負責人緊張的說。
我不斷看著電話上的計時器，時間一分一秒的溜走！
只見計時器變為0！
「嘟嘟嘟嘟！嘟嘟嘟嘟！」這響聲提示著時間的到來！
我看了看負責人，只見他不安的看著我，像害怕我會做出些甚麼的時候，一個人推門進到店內！
「Boss，我返黎啦！」
由於我背對著門，看不到那人的樣子，但聲音卻有點耳熟！
我向後一看，感到十分驚訝！
「噢，于珊小姐，又見面啦！」他向我打招呼。
「阿爾？原來就係你，點解你會係度做地產經紀嘅？」我還是不能相信，眼前就是那混血兒拉婓爾先生。
「點都好啦，你係咪想去果個單位度望下？我地依家去啦！Boss，咁我帶佢去睇啦！」
「好，唔該晒你啦，阿爾！小姐，睇黎你地都識，咁你跟佢去就得架啦！」負責人小心地說。
「好，咁我地行啦！頭先唔好意思啦！」我拉著阿爾離開了。
「估唔到咁快會見面呀，于珊小姐！」阿爾笑說。
「係咩？我以為你已經知道我會去果個單位！」我試探的問。
「係無錯，我早知你會去果個單位，亦都知道小明會失踪！估唔到佢地會急到不惜破壞契約，咁快捉走佢！」阿爾繼續說。
「果然，你一早已經知道晒事情將會點發展！點解你要由得佢地捉走小明，你同佢地……又係咩人？」我問。
「于珊小姐，呢件事本來唔應該俾普通人插手太多！不過，你已經參與其中，我就破例話俾你知！究竟我同王馬門，其實係咩人！咦？到啦喎！」
來到大廈前，我和阿爾進入大樓內，來到小明的房間前面！
只見有好些住戶推開了門，看著我和阿爾，神情都帶點不安！
大慨是王馬門之死，對他們影響太深了吧！
「于珊小姐，我準備開門啦！」阿爾拿出鑰匙，向我詢問。
我緩緩的點了點頭，心中難免有點緊張，畢竟蓮姐形容得如此恐怖！
「咔嚓」一聲，阿爾開了門鎖，慢慢的把房門打開！
我定睛看著眼前的房間，內裏卻普通得教人失望！
基本上完完全全和小明的房間是一樣的！
而那些在偷看的住戶，房門打開了後，仿佛害怕受到咀咒似的，紛紛回到他們的房間，不再湊熱鬧了！
「呢間房……無咩特別者！」我進入房間後，四處觀看著，然後阿爾把門關上了！
「咁梗係啦，王馬門都死左咁耐，業主又想租出去，所有野緊係執返好晒啦！」阿爾說。
「既然呢間房無特別，你可以開始講返我知，究竟小明同埋我細佬，佢地究竟經歷緊D咩？同埋，你地究竟係咩人？」我隨意坐了下來，然後看著阿爾，要求他說明一切。
「可以係可以嘅，不過，我諗要快D先得！因為……時間無多啦！」阿爾抬頭看著天花板，不知道在注視著甚麼！
「好，首先，俾你睇下，呢個事件嘅開端究竟係點啦！」只見阿爾口中唸唸有詞，然後，一陣強烈的光芒從他體內發出，覆蓋了整個房間。
光芒徹底消失後，房間變成了一片漆黑！
咦？不對，剛進來時明明已經把燈光打開了，為甚麼會這樣！
然後，我發現自己的水平視線高了許多，我看見了本應是在天花板上的電燈！
不對，不是我長高了，而是因為我正飄浮在空中！
阿爾剛剛究竟做了些甚麼啊？
「阿爾！點解會咁架？我係咪死左呀，點解我會飄浮係空中架？」我四處搜尋著阿爾。
「于珊小姐，你冷靜D先！你無死到，呢度係大約一年前，王馬門仲未自殺嘅時間點！因為你有身體嘅限制，我無辨法帶你返到黎呢個時間，所以我淨係帶左你嘅靈魂過黎呢度，等你親眼見證返，究竟事情係點樣發生嘅！」阿爾忽然在我面前出現，他也是半透明的狀態，在半空中飄淨著。
「事件嘅……開端？」我不解的問。
「咔嚓」，房門被打開了，而電燈也被打開了，突然而來的燈光令我不自覺的閉上眼！
當我再次睜開眼時，我看見了一個熟悉的臉孔！
是王馬門！
我不會認錯的，就是他襲擊了我！
「于珊小姐，請你作為唯一有記憶嘅人類，去見證呢一切係點樣發生嘅！依家係你面嘅，係真正不幸嘅王馬門，而唔係你所知道嘅地產經紀王馬門！接落黎，你將會睇到，佢係點樣自殺，同埋，佢自殺嘅原因，究竟係咩！」阿爾向我解釋著，我則目不轉睛的盯著眼前的王馬門，深怕走漏他每一個動作！
究竟，王馬門身上，究竟發生了甚麼事？