［人性/有甜］- 屍•家•馬鞍山（隔日更新）: Chapter 715 - 不結便分？

「我阿爸已經咁樣，我真係唔想你都...」Vicky 聲淚俱下般答道。

「我知道... 但係...」我已經不知該如何說起。

「我明白嘅...」Vicky 無奈地答道，「我只係希望，我哋可以平平安安...」

「放心，我一定會保護妳，亦都會保護自己...」我安撫著她道。

「唉～ 咁聽日我唯有同牧師講，結婚嘅事我哋遲的先再決定啦...」我心情低落地說道，「不過，難得可以搵倒有人幫我哋見證...」



「呵～ 唔緊要啦～」有點睡意的 Vicky，好像沒有認真聽到，「聽日再同牧師解釋清楚啦～」

「好啦！妳都攰㗎嗱，休息吓先啦～」我示意她上床休息。

「嗯...」卷進床舖入面的她，隨即步進了夢鄉。

看著她徐徐睡去，可我卻沒有半點倦意。

望向窗外，晨光正慢慢出現在天際。



天亮了...

我小心翼翼地從 Vicky 的身旁移開，生怕會把她弄醒。

離開房間，我獨自走到了教堂外面...

是為了散心，也為了認真思考一下未來的路。

我經過閘門前，看到阿君手下的不友善眼神，使我只好轉而走到幼稚園空地閒逛。



這個時候，真的要拿出一根煙點起。

可是，我沒有...

我看著那微紅的天際，百般滋味湧上心頭。

我是否該就此抽身離開？

但是這可對得住我，那些已經犧牲了的同伴們嗎？

我只好盡快了結一切，讓 Vicky 盡快安心，才是比較妥當的做法。

一直向前走，卻發現了另一個單薄的身影。

是 JoJo...



單薄的身影，正唏噓的看著天際。

「JoJo？」我趨前問道，「妳... 好似有啲心事咁喎～」

「嗦嗦... 阿 Roy？」正紅著眼的她，看到我感到有點驚訝，「我... 我冇嘢...」

「妳... 冇事吖嘛？」我主動去關心她。

「吖... 冇嘢呀，做乜咁問？」JoJo 竭力去掩飾情緒。

「哦！冇... 我見妳晨咁早一個人喺度諗嘢，一定有啲心事嘅...」我想深入打探一下，「係咪，擔心妳男友呀？」

我剛剛說完，她的淚已經奪眶而出。



「佢... 佢哋已經兩日冇返嚟...」JoJo 說道，「之前從來未試過。」

她這樣說，我已經知道後續發展...

我已經想清楚，如非必要，我不會再作出不必要的冒險。

「我知道你有能力救返 Miki 老豆返嚟，唔知... 你可唔可以...」JoJo 誠懇的問道。

「唔得！」我堅決地拒絕，「我應承過人，唔會再去做事不關己嘅嘢...」

「阿 Roy... 就當我...」JoJo 打算進一步哀求我道。

「唔洗問喇，Miki 老豆已經係最後一次...」我沒有改變主意。

「咁我要點做你先肯幫我呀？」JoJo 仍是那樣堅持。



「妳可以做嘅，就只係等...」我冷漠地道出真相，「如果佢冇事嘅，自然就會返嚟㗎啦！」

「相反，就搵都無謂...」我補充。

「佢哋可能... 可能只係被困，一時返唔倒嚟啫！」她反駁道，「所以... 所以... 你肯幫手嘅話...」

「佢哋就會有一線希望...」她誠懇地說道。

「妳咁樣講都只不過係假設...」我再推翻她的推論，「我唔會因為咁，就貿然出去冒險㗎喇～」

「阿 Roy～ 就當我求吓你啦～」JoJo 再三哀求道，「最多... 最多... 你救返佢返嚟，我就答應你一個要求...」

我看著她，卻又突然感覺到，那已經放下了的色心，又再度被她燃起。



「真係嘅？做咩事都得？」我趨前問道。

「係... 係嘅...」她好像有點猶豫。

「如果係咁，為表誠意...」我打量著她說，「會唔會落咗啲訂先？」