［人性/有甜］- 屍•家•馬鞍山（隔日更新）: Chapter 679 - 沙井出口

「Vicky，喺呢度爬入去，就可以沿住個沙井爬上去地面...」我向 Vicky 簡單敍述一下，「不過我一個人冇辦法將佢帶入去，要一個人負責拉、另一個人喺後面幫手推先至得...」

「嗯...」Vicky 表示明白，「咁你入先，我殿後？」

我有點猶豫，因為我不想剛才的情況再次發生。

我反覆地回頭照往渠道的深處，以確定後方是否安全。

「得喇，而家我冇暈到，感覺又冇之前咁辛苦，我應該可以應付得嚟...」Vicky 說著，不忘拿著手槍示意。



「嗯... 咁妳自己小心啲...」始終盡快離開才是上策，於是我只好再三叮囑道，「記住，一見倒有咩唔妥就開槍！」

「得喇長氣！你估我係細路女咩？」Vicky 笑著說，「就算我有咩事，你都一定會嚟救返我㗎啦！」

「所以，我從來都冇擔心過...」Vicky 充滿信心地答道。

「咁... 好啦...」雖然有點不放心，我還是開始爬進小渠口裡面。

我一邊慢慢的向後退，一邊拉著女子往後拉。我更不忘回看 Vicky 的情況，直至確認她已經爬進了渠道中，我才稍為安心。



無驚無險，我們終於都爬到了小渠的另一邊。

可是，四周卻漆黑一片。

我先放下那女子，然後著 Vicky 拿起我的電筒往上照射。

果不其然，KK 哥把渠蓋放回了原位。

可能，他是害怕怪物會由這裡衝出去襲擊他。



那個貪生怕死之徒...

沒有辦法，我們只得依靠自己。

「我爬上去打開個蓋，妳幫我照住上面。」我向 Vicky 指示道。

「嗯...」Vicky 點頭微笑示意，「上面咁高，你爬嗰陣小心啲。」

我小心翼翼地，沿著牆邊突出的腳踏往上走，準備打開上面的渠蓋。

可是，我完全無法把它推開。

「咚、咚！」我猛力地向上推，卻仍然沒有移動分毫。

看來，有東西壓在渠蓋上面。



「喂～ 上面有冇人呀？」我想，這可能是 KK 哥為了防止怪物突破而出的方法，於是我竭力向外面叫道。

「......」但卻沒有得到回應。

「咚咚...」我一邊敲打著渠蓋，一邊大叫著，「喂～ KK 哥～ 我係阿 Roy 呀～ 幫我哋搬開個蓋吖～」

「......」上面依舊沒有任何聲音。

「頂！」我怒不可遏，但只能無奈的咆吼著，「KK 你條 PK～～～」

徒勞無功的我，只好返回原地。

「係咪有咩誤會呀？」Vicky 看到這情況，仍不解地問道。



「誤會？我只好怪自己信錯咗條友仔！」我不忿地叫道。

「不如... 我哋再試吓叫佢哋吖！」Vicky 看來沒有打算放棄，「可能佢哋咁啱行開，或者訓著咗呢～」

她雖然說得有點道理，但就我觀察所得，那人出賣我們的機率還是比較高。

「嗯...」但眼下卻看不到其他的方法，我亦只好先行應允。

「KK 哥～ 我哋係 Vicky 同阿 Roy 呀～ 你幫我哋打開個渠蓋吖！」Vicky 用力叫道。

情況，跟剛才一樣...

「KK 哥～」Vicky 仍是繼續叫道。

「小... 小姐...」女子突然蘇醒，氣若游絲地說道，「妳... 妳唔洗嗌喇...」



「哦？妳... 係咪同我講呀？」Vicky 有點不明所以，「我唔係好明喎～」

「嗰個... 嗰個賤人... 根... 根本就... 唔會幫我哋...」女子補充。

「吓？乜妳都識 KK 哥㗎咩？」Vicky 問道。

「乜... 乜嘢 KK 哥呀？」豈料女子卻激動地叫道，「佢正賤人嚟㗎！」

我看著她說得聲嘶力竭，大概也感受到她的怨恨。

「我同家姐... 之所以... 攪成咁...」女子眼有淚光地叫道，「都係因為... 因為呢個... 賤人咋！」