［人性/有甜］- 屍•家•馬鞍山（隔日更新）: Chapter 666 - 無賴大叔

「我... 我哋仲有其他隊員家嘛！」在我的威逼下，男人終於肯多道出一點情況，「有啲輕傷同冇受傷嘅隊員，咪同佢哋一齊走囉！」

事實，真的如此？

「佢講大話！」我正想繼續追問，冷不防阿紫竟快一步搶答道。

「喂𡃁妹，你咪 L 亂講嘢喎！」男人見狀，便凶狠的喝止。

怯於男人的威勢，阿紫頓時變得沉默。



「阿紫妳放心講啦～ 我同阿 Roy 都會盡全力保護妳！」Vicky 見狀，立刻摟著對方說道。

「嗯... 你哋會唔會帶埋我走？」阿紫低頭問道。

「會！妳放心，我哋一定會！」未待我回答，Vicky 已經搶先答應了她的請求。

「係咪呀，阿 Roy？」幸好，她亦懂得回頭詢問我的意見。

「當然冇問題啦！」她這樣問，我當然不會反對。



「喂！妳小心啲講嘢吓，比我捉到你呢...」男人一邊掙扎，一邊恐嚇着阿紫。

「我勸你都係乖乖哋唔好出聲，如果唔係，唔好怪子彈無情...」我把槍管指向他的頭顱說道。

「佢... 其實啲人係俾佢殺曬...」阿紫慢慢道出真相，「佢襯人哋訓咗，就一個一個咁殺曬佢哋...」

「喂！我都係幫妳報仇咋喎！」男人不忿地叫道，「如果唔係，妳仲比嗰幾條友輪緊大米呀！」

「妳條八婆恩將仇報！」男人再度掙扎，似要向阿紫作出攻擊。



「啪！」「我咪叫咗你咪嘈囉！」我用槍柄狠狠地往他後腦擊去，頓時導致他頭破血流。

我之所以作出攻擊，其中一個目的，是要令他安靜下來。但更重要的是，我的直覺告訴我，這人並不是他說得的那樣大義懍然。

我真的討厭他這一副嘴臉。

而受到攻擊的他，終於也不再哼聲。

「阿紫，妳繼續吖...」我向阿紫示意。

「佢殺曬啲人之後，就叫我幫手搬佢哋上手推車，然後再推去坑渠揼咗佢哋...」阿紫敘述道。

我聽得不是太明白，小小的坑渠又怎樣能棄屍？

這我又有點懷疑...



「妳如果唔信，我可以帶你去睇㗎！」看來阿紫亦留意到我的表情，「嗰度應該係一條污水渠嘅渠蓋嚟，所以都可以講佢將的死屍，掟晒落污水渠入便...」

原來如此，這聽落比較有道理得多。

「你條友仔都幾 PK 㗎喎！」我用腳蹬著男人說道，「同伴你都捨得落手殺...」

「我都話咗，係為咗幫呢條八婆報仇㗎囉...」男人一臉無奈地解釋道。

「你個衰人吖，係你搞得我最多呀～」阿紫不忿地叫道，「講到唔關自己事，淨係替天行道咁！」

「你個人真係好無恥呀！」她罵道。

「咁睇嚟，你呢個無恥之徒，都係冇得留低...」我再次用槍管對着他，準備扣下板機。



「咪住、咪住！」豈料男子突然大聲求饒，「我知係我衰，好抵死！不過你可唔可以放過我呀？」

「今時今日，係男人都會犯啲咁嘅錯㗎啦！」男人說道。

他好像，也說得有點道理。

換轉是我，也難保不會犯同樣的錯。

甚至，這真的是錯嗎？這個男人又真的有罪嗎？

在平和時候訂下的價值觀，在亂世中仍是有效嗎？

「原因... 比一個我放過你嘅原因。」我需要一個說服自己，和其他人的理由。

在生死關頭的男人，正絞盡腦汁的想著。



「如果冇嘅話，你就唔好怪我喇～」看來，天意如此。

「咪... 咪住！」男人好像想到了什麼似的，「你頭先咪講過，要離開呢度嘅咩？」

「咁又點呢？」我開始有點不耐煩，「我警告你，唔好再故弄玄虛喇吓！」

「你放心啦！我知道點樣行，你哋可以冇穿冇爛咁離開呢度！」他答道。

如果他所言非虛，確實有點利用價值。

「不過，你要放咗我先！」他竟然向我提出條件...