［人性/有甜］- 屍•家•馬鞍山（隔日更新）: Chapter 648 - Carey 的想法

「做乜啫？唔係我一個女人仔都驚吖嘛？」巧兒見我沒有反應，便進一步向我遊說道，「而家都叫一人讓咗一步吖，不如就咁算啦好冇？」

這提議好像仍不夠完美，但為了盡快進行下一步，我還是打算答應。

「嗯... 既然妳哋答應借部車出嚟，我都無謂再強人所難...」我應允道，「不過，我諗妳都要解釋吓，我朋友身上嘅喪屍病毒，係乜嘢一回事！」

「吖... 我... 我會解釋，你放心...」巧兒回應道，「不過，可唔可以比婆婆起身先？」

「唔得！妳哋信唔過！」我當然不會輕易放棄手上的棋子，「妳即刻比條車匙我，一手交一手！」



「Okay... 我而家就去攞...」她無奈地答道。

果然，她一早知道車匙的所在

「喂！妳唔好玩嘢吓！」我認真的向她作出警告，「如果比我知道妳玩嘢，就唔好怪我心狠手辣！」

「我... 我點會呢？」巧兒有點尷尬地答道。

「嘿嘿！最好啦！」我冷笑著，也是最後的警告。



而不消一會，巧兒便拿著車匙來到。

「嗱... 而家可以放人啦～」巧兒將車匙遞上後，便向我要求道。

「未得！」我當然沒有那樣輕易放過這機會，「妳好似仲未講我知，個病毒係咩一回事...」

「吖... 你放心，我一定話你知...」巧兒看來沒有打算回應，「啲藥真係好緊要，不如我哋出咗去先，我再慢慢解釋比你聽？」

很明顯，她要先把我帶離這裏。



反正我亦不想在這裏逗留得太久，以免浪費找尋 Vicky 的時間，所以我也不妨讓她得逞。

「好！出咗去再講...」我隨即答應。

「妳準備好未？準備好就跟我嚟！」我向巧兒示意，順道解除她雙手的束縛。

「可... 可唔可以比我換件衫先？」巧兒戰戰兢兢地問道。

這吸引我再次打量著她，令我重新留意到她當下的處境。

「唔得！妳哋太鐘意出古惑喇！」我想起她們的誠信問題，「要換就喺呢度換！」

「Okay......」雖然無奈，但巧兒亦別無他法。

只見巧兒從抽屜中拿出一件內衣，外加一件普通的圓領衞衣。



穿上一條緊身牛仔褲後，巧兒便走過來示意準備好。

「妳夠㗎嗱？」我對她的輕裝表示有點奇怪。

「水好珍貴...」巧兒冷冷地答道，「所以冇乜必要，就洗少啲衫...」

之後，我便把阿賢和婆婆的手腳綁好，然後把他們關進洗手間中。

一切準備就緒後，我便穿上阿賢的戰術盔甲，帶著巧兒返回 Carey 和泫雅所在的樓層。

「Carey、泫雅...」我向房內的二人說道，「我而家要出去搵 Vicky，順便幫佢哋搵藥...」

「妳哋要出去定留喺度？」我提問道。



我看她們眼神猶豫，好像拿不定主意。

「嗱！其實妳哋留喺度好似好啲...」我向她們提供意見，「阿賢同個婆婆已經比我綁實，所以呢度應該安全...」

「同埋我都驚 Vicky 咁啱喺我出去嗰陣返嚟，所以我都想有人可以接應佢...」我說道。

「Okay... 咁唔洗問啦！」泫雅搶先答道，「出面咁危險，你自己一個出去啦！」

「我同 Carey 留喺度...」泫雅伸手搭著，身旁 Carey 的手說道。

但我看 Carey 面有難色，好像另有想法。

「Carey，妳打算點？」於是我主動問道。

「喂！咩妳打算點呀？」豈料泫雅一臉不悅地說道，「妳聽唔明咩？我哋兩個都留喺度呀！」



「......」Carey 依舊沒有哼聲。

「你唔洗旨意離間我哋呀！」泫雅想繼續把 Carey 騎劫，「Carey 佢一定會陪住我㗎喎～」

「其實...」Carey 終於發聲，「我想同阿 Roy 出去...」

我有點喜出望外，她竟然想跟我一起走。

「我想快啲搵返 Dickson...」她補充。

看來，這只是我一廂情願...