［人性/有甜］- 屍•家•馬鞍山（隔日更新）: Chapter 645 - 巧兒的交換條件
我想再次反駁，但當我想到她的遭遇時，便沒有再哼聲。
「不如我留喺度陪泫雅啦！」Carey 突然插口答道。
雖然不失為一個好辦法，但這也可能為 Carey 造成不必要的危險。
若然要我二中選一，我還是會選擇 Carey。
「妳陪我又有咩用喎？」泫雅雖然也覺得此作用不大，但卻沒有作出強烈的反對。
我想，如果巧兒能把貨車借出，要同時帶領她們還有點可能。
可是...
我反問自己，何時變得這麼容易妥協？
別人不提供，自己也不去想想辦法？
而在這一刻，我才突然回想起，一件失落了的物件。
「Carey，知唔知我把手槍喺邊？」剛才的情況緊迫，我已經忘了它是從何時遺失。
「喔！把槍係泫雅...」Carey 只能憑記憶答道。
我這才想起，它好像很久之前已經不翼而飛。
「噢！弊！」說罷，我便立刻轉身走到房外面去。
但走了沒多久，我便已經停住。
「咔嚓！」
「你係咪... 想搵呢樣嘢？」面前出現的巧兒，竟擎著槍指向我。
「呃... 係... 你可唔可以還返比我？」我戰戰兢兢地問道。
「哦？原來枝槍係你㗎？」巧兒好像明知故問，「不過唔緊要啦！就當你借嚟用吓先囉！」
很明顯，她想據為己有。
我知道手槍落在她們的手裡，是何等的危險。
「點都好啦！妳比返枝槍我再傾...」我說著已經同步走前。
「你咪郁呀！」豈料巧兒竟制止我靠近，「再埋嚟就唔好怪我...」
看來，我的形勢並不樂觀。
「睇嚟... 我哋要慢慢傾...」我只好故作鎮定般坐在身旁的椅子上，「好... 話比我知妳想點？」
我只希望，把氣氛緩和以作出進一步行動。
可巧兒並沒有放下戒心，擎槍的手並沒有絲毫放下的打算。
「巧兒妳放鬆啲... 有事慢慢傾...」我看她沒有軟化，只好用言語幫忙。
她好像有點緊張...
強作鎮定的面容下，卻無法隱藏那微微顫抖的手。
更何況，我留意到她的手指並沒有放在板機附近的位置，這好像帶給我反制的機會。
「不如妳話我知，妳想我點吖？」我先開口問道。
「冇... 我都係想你出去幫我攞藥啫～」巧兒答道。
「我咪應承咗妳囉！只不過要借套甲一用之嘛！」我反駁道。
「套甲可以借比你，但係枝槍就交比我保管...」她答道。
「喂！妳咁好似有啲打橫嚟喎！」我有點不滿，「冇咗枝槍，我又點出去攞妳啲嘢呢？」
她一時沒有回應。
「不如咁啦！妳借埋架貨車比我，起碼我唔洗同啲怪物硬碰先啦！」我想一步一步把她說服。
她又再思考了一會。
果然，她是知道如何開動貨車。
「我講過，阿賢...」她正要反對。
「我知，阿賢唔俾其他人掂佢架車吖嘛...」我搶先一步答道，「不過妳又攞咗我枝炮，又唔比車我，我出去同送死根本就冇分別...」
「與其係咁，我不如留返喺度啦！」我一副不在乎的樣子。
「你... 你唔使威脅我！」巧兒表現得有點激動，「你唔係話要去救你個朋友咩？」
「頭先有啲勝算都話啫！而家要我就咁出去，唔好話救人， 就連自己都保護唔倒啦！」我答道。
她顯得有點遲疑，擎槍的手亦開始有一點點的下垂。
看來，這是我反擊的機會！