［人性/有甜］- 屍•家•馬鞍山（隔日更新）: Chapter 643 - 泫雅的治療

「阿 Roy，你唔好走住...」豈料巧兒把我叫住，「我... 要你幫手...」

這令我有點尷尬...

因為很明顯，我的存在並不受泫雅歡迎。

「喂！我冇話過要你哋幫喎～」泫雅十分激動地叫道，「你哋全部同我出返去呀！」

「嘩！好大嘅小姐脾氣喎！」巧兒急忙反駁道，「唔好唔記得，呢度唔係妳屋企！」



「妳要發爛渣嘅話，妳就直接同我行出呢間屋！」巧兒霸氣地說道。

「總之... 我就唔洗你哋可憐啦！」泫雅準備動身離開，但突然又面有難色。

看來，她的傷口正隱隱作痛...

「嗱！痛哩～」巧兒亦留意到她的表情，「我勸妳好乖乖地比我檢查吓，如果唔係到時傷口發炎，再潰爛、流膿、發臭，到時妳再求我，我都幫妳唔倒...」

泫雅聽罷，好像有點軟化...



「妳... 妳唔使嚇我...」但她仍是表現強硬，「我自己知自己事...」

「咁算啦！」巧兒打算轉身離開。

「巧兒...」我把她拉住，因我覺得泫雅只是一時意氣，「幫幫手...」

「你有眼睇啦！而家唔係我唔幫...」巧兒不忿地說道，「係個大小姐發脾氣...」

「妳... 就當幫吓我...」我帶點哀求地說道。



「嗯...」她打量著我和泫雅，有點猶豫不決。

「就算要妳幫，我都唔要佢留喺度！」正在不遠處的泫雅，正指著我說道。

「唔得！我要佢喺度，如果唔係我就唔幫！」想不到，巧兒竟也十分堅持。

「妳都係驚我出蠱惑啫！」我道出我的想法，「一係我乜都唔做，靜靜哋坐埋一邊得喇啩？」

巧兒的表情先是有點驚訝，但轉眼又再回服平靜。

我想，我應該估計正確。

她是怕我在這期間，對阿賢不利。

於是，我只有默默地移動到一旁，背向大家。



「咁... 而家係咪可以開始？」我聽巧兒問道。

「嗯...」只聽泫雅輕輕的回應了一下，看來她已經同意。

「Okay... 咁妳訓喺度，除褲，同擘開...」巧兒指示道。

床上傳來整理衣衫的聲音，泫雅應該正跟隨著巧兒的指示。

「唔... 睇過～」巧兒看來開始了檢查。

「呀！」過程中，泫雅只是發出了些許的叫聲。

「嘿嘿... 都唔算好傷啫～」巧兒說道，「睇嚟，妳都唔係第一次啦～」



「我... 我係唔係又關妳咩事呀！」泫雅聽後變得氣憤，「妳唔幫我就算嘞！」

「哦～ 咁妳又唔洗咁激動...」巧兒答道，「唔係咪仲好，冇咁辛苦吖嘛！」

「話唔定，妳仲會食過返尋味添，哈哈！」巧兒不斷挖苦道。

「算喇！我唔洗妳幫！」泫雅看來十分不快。

「橫掂都比我睇咗啦！如果妳唔理佢，因住到頭來發炎呀！」巧兒認真地警告著。

「阿 Roy，我要你過嚟幫手！」豈料，巧兒竟要求我幫忙。

「喂！我唔要呀！」泫雅聽後突然大叫大嚷。

「超！妳都應該比佢睇過曬㗎啦！」想不到巧兒突然這樣說，「咪喺度扮曬嘢啦！」



「妳... 妳講咩呀？」泫雅欲言又止，好像一時無法應對。

藉此空檔，巧兒示意我趨前幫忙。

「喂！」泫雅發現我走近，但已經太遲。

「嚟，幫我㩒實佢對腳。」巧兒向我指示道。

我看著她，有點不明所以。

「一陣會有啲乸...」巧兒向我解釋，「我唔想比佢踢爆對眼...」

「哦、哦... 係！」我只有唯唯諾諾地回應。



我立刻趨前，緊緊按著她正想逃離的雙腿。

「喂！放開我呀，衰人！」泫雅不斷掙扎，但卻無法掙脫我緊按著的雙手。

「阿靚女，幫我揞住佢個嘴...」巧兒向 Carey 説道。

Carey 滿臉疑惑的走近，但卻沒有行動。

「妳再唔阻止佢，由得佢一直大叫...」巧兒進一步說明道，「一陣引曬啲喪屍嚟，盞大家攬炒嘅啫...」

Carey 聽後便再沒有猶豫，伸手去把泫雅的嘴蓋緊...