［人性/有甜］- 屍•家•馬鞍山（隔日更新）: Chapter 633 - 被困村屋

我回來跟泫雅她們說明情況，順道討論一下後續的方向。

「我睇過喇，通去樓上同地下嘅門都鎖咗，所以我哋變相只可以喺呢層活動...」我向她們說道。

「咁都冇計啦，佢哋原本都唔想我哋留低...」泫雅回應道。

「咁又係... 睇嚟都係等埋 Vicky，我哋就走...」我道出自己的想法。

「嗯... 唯有係咁...」泫雅答道，「不過你唔洗出去 join 佢咩？你放心㗎嗱？」



的確，我有點放心不下。

原本我打算安頓好她們二人後，便出發找尋 Vicky。

可是，這裡絕對不算是一個安全的地方。

「其實... 我係有諗過...」我欲言又止，「不過...」

「頭先嗰槍，應該打落個男人身上面，係咪？」泫雅道出了我心中所想。



「但係我都唔能夠肯定佢係咪壞人...」我說道，「可能，佢都係想保護自己嘅屋企人啫...」

「點都好啦！而家都冇得返轉頭再嚟過...」泫雅回想道，「不過，如果頭先換轉係你揸槍，你真係會開？」

這個問題，就連我自己亦不知道答案。

「答唔出哩...」她代我回答。

「點呀 Carey，妳一路都唔出聲，不如比啲意見吖！」泫雅向 Carey 問道。



「我個意見一早就講咗啦！」Carey 有點不忿，「係你哋唔聽之嘛！」

「妳真係咁掛住 Dickson？」泫雅一邊笑看著我，一邊對 Carey 問道，「不過，有人好似唔想妳返去咁喎...」

Carey 看了我一眼，但又再躲開我的視線。

「呢個人，與我無關...」她冷冷地答道，「你哋決定走，先再同我講...」

說罷，她便選擇了一個，離我們較遠的位置躺下休息。

「嘿嘿！你個舊情人，好似有啲嘢喎～」泫雅輕聲地向我說道。

「我哋係有啲誤會...」我答得有點尷尬，「不過遲啲應該冇事...」

「誤會？係咪同我一樣嘅誤會呀？」泫雅嘲笑道，「睇嚟，你啲情債真係數極都數唔完喎！」



她確實説得對...

「不過，我唔係同你講呢一樣嘢喎...」泫雅補充道，「你真唔知定假唔知呀？」

「你唔覺得，頭先佢完全冇受傷，係好奇怪嘅咩？」她移近我問道。

我當然知道有問題，只是...

我不敢胡亂猜測。

我甚至連去想，也不敢想...

「睇嚟... 你真係知㗎喎～」泫雅狠狠的把我拆穿。



「知道真命天子唔係自己，好唔開心哩？」她得意地問道。

可是，我的想法卻剛好相反。

若然 Carey 一直也跟 Dickson 也保持安全的親密行為。

那，真正的主人...

當然，先不要說一切都只是猜測。

更何況，也沒有跟泫雅分享 Carey 隱私的理由...

「佢個真命天子係邊個我唔知...」我打算轉移她的視線，「不過，我就肯定係你個主人...」

她頓時滿臉通紅...



「你真係一個無賴嚟...」泫雅竟也毫不客氣地指責。

我一時說不出話來...

是的，由何時起，我漸漸地變成了一個無頼？

還是，這根本是我的本性？

「對唔住... 我知道我傷害咗妳，對唔住...」不知怎的，這一刻的我很想跟她道歉。

甚至，不由自主的雙膝下跪...

「你做乜呀？咪... 咪以為我... 我咁樣就會原諒你吖嘛？」泫雅被我突然如來的舉動，弄得有點不知所措。



「我真心... 同你講對唔住... 係我一時衝動...」我繼續衷心地說道，「我知我係一個 PK，我知我點講都冇用...」

「不如... 妳殺咗我啦！」我捉住她的手懇求道。

但連我都不知道，自己的雙眼正慢慢地變得通紅...