［人性/有甜］- 屍•家•馬鞍山（隔日更新）: Chapter 623 - 與泫雅的拉鋸
「唔得！」豈料 Vicky 卻突然出手制止，「妳要話比我知咩事先...」
Vicky 那認真的態度和語氣，實在令人感到不寒而慄。
「嘿嘿！妳係佢女朋友？」泫雅反問道，「咁妳好自為之喇！」
「妳講咩呀？」Vicky 追問道，「妳有咩就講清楚，唔好故弄玄虛！」
「乜妳好想知咩？」泫雅再次挑釁道，「我就偏偏唔話妳知！」
「不過，我好肯定阿 Roy 唔愛妳囉！」她再度進迫，「佢當妳係其中一樣洩慾工具咋！白痴！」
「妳收聲！」「啪！」我見她咄咄迫人，所以忍不住賞了她一個耳光。
「賤人！你打我！」泫雅立刻怒極而作出大罵，「比我講中咗哩？」
我也不知道為什麼自己會這麼激動，難道她真的說中要害了嗎？
「我都廢事啋妳！」我轉向 Vicky 說道，「我哋走！由得佢自生自滅！」
「咪住！」豈料 Vicky 將我的手甩開，然後板著臉向我說，「你同我講，你係咪攪過佢？」
直覺告訴我，我絕不能承認...
「我只不過係迫於無奈錫咗佢一啖...」我立刻答道，「我當時都想救佢...」
她看著我，明顯不太相信。
「泫雅，妳話呢？」Vicky 轉而查問泫雅。
泫雅沒有即時回答，反而先看了我一眼。
「佢個衰人...」泫雅直瞪著我說道，「夾硬錫我，又摸我！仲想攪我添呀！」
看來，她的底牌已經被揭穿。
基於某種原因，她不能讓任何人知道事實的真相。
這也令我聯想到，她的存在地位與自己是否仍是清白之軀，有著密切的關係。
「我邊有想攪妳呀！」我自信地反駁道，「嗰日喺異生教入面，如果唔係我犧牲色相去救妳，妳渣都冇呀！」
「等妳仲恩將仇報...」我完美地作結。
只見泫雅氣得要命，但又有口難言...
「佢講真嘅？」Vicky 好像仍不罷休，繼續追問泫雅。
但明顯地，語氣已經有所不同。
泫雅亦只能怒瞪著我，無奈地答道，「咁唔係咩？又錫又摸，我唔係咁隨便嘅人嚟㗎！」
「咁妳仲唔同人哋道歉？」想不到，Vicky 竟那樣向我要求道。
很明顯，她是要在泫雅面前宣示主權。
當然，為了令她放心，我亦十分樂意配合。
「對唔住...」我看著她真誠道歉...
奇怪的是，這一刻我好像真的有點悔疚。
「哼！」泫雅亦明顯不太願接受。
但是，事情總算告一段落...
「不過，志宏佢自己一個出咗去，會唔會有危險？」泫雅轉而開始擔心志宏的安危。
「嗯...」我回應道，「我諗佢冇乜事嘅，我哋又幫唔倒啲乜...」
「我隻腳都應該冇乜嘢喇...」Vicky 弓著腰檢查著自己的腳，「睇嚟我應該都可以幫倒手...」
「係囉！橫掂呢度都唔見得有幾安全。」泫雅看著我和議著說。
二人的視線隨即轉向我，似是要我作出表態。
「妳哋決定要出去，我留喺度都冇乜意思...」我無奈地答道，「Vicky，咁妳同泫雅鬆綁先啦！」
就 Vicky 替泫雅鬆綁之際，我亦著手準備武器出發。
一切準備就緒，但三人只有一柄軍刀、一條鐵枝、和一把在廢屋廚房內找到的膠管。
我把軍刀及膠管分別給予 Vicky 和泫雅作傍身，自己則拿著鐵枝作武器。
我先從窗戶查看外面的情況，確認安全後，我便推門外出。
「嘰...」我把破舊的大門推開；迎接著我們的，是漸漸昏暗的黃昏。
缺乏照明用品的我們，漆黑的環境對我們十分不利。
我雖然對此十分清楚，但我也同樣認為，留在廢屋內亦不太安全。
而我的推測，很快便得到印證。