［人性/有甜］- 屍•家•馬鞍山（隔日更新）: Chapter 604 - 孝信的計劃

我只好敲起了孝信的房門，準備進入房間之中。

「入嚟吖，度門冇閂...」房內傳來一女子的聲音。

我推門內進，看到這個擁有小客廳的四至八人房間，已經有一人坐在這裏等候。

「你... 點解會係你嘅？」眼前的人充滿著驚訝，「出返去呀！」

「泫... 泫雅...」我當然知道她激動的原因，但我卻不知怎去安慰。



「我都想走...」我嘗試解釋道，「不過，係孝信叫我嚟...」

「我唔理，總之我唔想見倒你！」泫雅激動地叫道。

「Okay... Okay... 我坐埋一邊等...」沒有辦法，我只好先坐在一旁。

她亦漸漸地冷靜下來，但雙眼仍不忘打量著我作出警戒。

就這樣對峙了一會，孝信終於推門進來。



「入去！」而被他推進來的，還有 Clara。

失去反抗能力的她，只剩下看著我的無奈眼神。

「點呀？想救番佢呀？」孝信把她拉到我的面前說，「呢條女應該都幾好屌吖！」

他一邊說著，一邊搓弄著她的雙峰。

「哼... 如果你係諗住悔辱我哋嘅，你嘅目的已經達到咗啦！」我不快地答道。



「哦？你又唔好咁講...」孝信回應道，「我哋之後仲要多多合作嘅！」

「不如你講白啲啦！」我不想拖泥帶水。

「哈哈！我就係鐘意你夠痛快！」孝信興奮地叫道，「不過，我而家未想同你傾住，遲少少總有機會...」

「咁... 你可唔可以放埋 Clara 同出面嗰個朋友？」我嘗試問道。

「喂𡃁仔，你咪得寸進尺喎！你估我真係同你 friend 呀？」孝信突然變臉，「我要諗一個好方法，好好咁利用你！」

「不過你放心，我唔會虧待你嘅...」他補充，「你就乖乖哋留喺度，享受吓齊人之福先啦，哈哈！」

「泫雅，送佢番去啦！」孝信向泫雅要求道。

泫雅先是面有難色，但仍硬著頭皮想要帶領我回去。



看來，她不希望孝信得知自己的醜事。

我亦正打算跟她離開，但心頭卻突然湧起一件事情。

「素恩... 點解會變成咁？」我竟然儍得想在他身上找尋答案。

「哈哈！乜你覺得佢變咗咩？」孝信卻得意洋洋地反問道，「我就唔係好覺𡃓！」

我明知他有心挖苦，但也實在無可奈何。

「嘩！睇你個衰樣，真係好想知咁喎！」他忽然貼近我耳邊說道，「可能佢入面有其他男人嘅基因，所以先有浸奇怪嘅味道啫...」

「乜你，聞唔倒我浸味咩？」他竊笑道。



「呵呵！係咩？」我覺得他是有心挑釁，所以只有一笑置之。

「你唔信呀？」孝信見我半信半疑後說道，「嘿嘿，遲啲先話你知！」

我不知道他是否在故弄玄虛，但他還沒有給我多作糾纏，便著泫雅把我帶回房間。

離開前我還回看了 Clara 一眼，但她的眼神卻沒有流露出渴望逃走的神情。

不知道她已經放棄掙扎，還是另有盤算。

「點呀？唔捨得呀？」孝信亦看到了我的舉動，「特工喎！平時邊有機會食倒吖？就當益吓我囉！哈哈！」

「泫雅！」他亦不讓我多作逗留，立刻示意泫雅帶我離開，「仲有，今晚有排玩。記得同我攞定啲啤酒汽水嚟呀！哈哈！」

「嗯...」她只是輕輕地回應了一下，便帶著我離開。



步出房間後，我立刻把握機會追問泫雅。

「泫雅...」我開口問道。

「我冇嘢同你講！」豈料她跟本沒有打算與我溝通。

「我知妳好憎我，不過我都想同妳講聲，好對唔住！」我誠心跟她道歉。

「有用咩？」她狠狠地看著我，眼神充滿著怨恨，「我殺咗你再講對唔住吖！」

我正想繼續回應，素恩卻剛巧從房間內，提著一個大袋走了出來。

「素恩...」我本想跟她說一兩句，但她卻頭也不回地離開。



而我亦不經意的看到，泫雅看著素恩的眼神，充滿著敵意...