［人性/有甜］- 屍•家•馬鞍山（隔日更新）: Chapter 595 - 失控的手下

「放心啦！道門用強化玻璃做、班怪物一時三刻都攻唔入嘅...」剛剛回神過來的發叔，向我們大派定心丸。

我這才放鬆下來...

「喂！點解會喺度見倒你嘅呢？」發叔質問道。

「吖...」我必須冷靜回應，「我係嚟搵人嘅...」

「哦？」發叔打量著我，「你搵... 阿 Rex？」他趨前看著我道。



「吖... 係...」我不想道出真相，「真係冇嘢呃倒你...」

「嘿嘿！我食鹽多過你食米啦！」發叔自信地答道。

「不過... 你搵佢做乜？」他續以可疑的眼神打量著，「你係咪有乜陰謀？」

「冇... 冇... 邊有咁多陰謀啫？」我努力解釋道，「我搵佢... 只不過有嘢想同佢傾...」

「哦？你有乜...」「碰、碰...」發叔正打算進一步追問，卻被那些正在洶湧地衝擊著的喪屍們打斷。



「我哋唔好再喺度刺激佢哋喇，全部人即刻同我上一樓先，呢度應該暫時安全...」發叔向大家命令道。

我們依令來到一樓，然後走到窗前觀察。

眼下的喪屍群，已經把這裡重重包圍...

可是，剛才的石頭怪卻消失所蹤。

「喂！見唔見頭先隻大舊衰呀？」發叔問道。



「唔見喎！」他的一名手下答道，「鬼咩，隻嘢俾我哋打盲咗隻眼，仲唔即刻走夾唔唞咩！」

「哈哈！總之我頭先打多幾槍啦！」另一人急不及待嘲笑道。

但，事實真的如此嗎？

這些人又是否那麼輕易忘記，同伴們慘死的情景嗎？

「而家都冇嘢啦，不如去搵啲女梳乎吓囉！」一年青手下叫道。

「仲洗講？今日唔知聽日事，有女緊係屌咗先算啦！」另一人立刻興奮得手舞足蹈。

華叔見狀後立即出手阻止，「喂！你哋咪亂嚟呀！就算係而家嘅情況，你哋都唔應該...」

「碰！」豈料他還沒有說完，卻被人用力推倒在地上，「DLLM 吖，我忍 L 咗你好耐㗎喇！成日扮 L 曬炸兩...」



「我話你知，而家係 Rex 哥比我哋做嘅，唔係你！你唔好諗住命令我！」那人向跌在地上的發叔喝罵道。

「我哋而家就去 happy 吓，你咪阻 L 住曬！」那人拋下一句，便與其他人離開。

包括，剛才被喪屍抓傷了的一人...

在他們離開之後，我便走近跌坐在一旁的發叔查看。

「呢班後生，已經冇曬人性㗎喇！」發叔扶著我說道，「嗰個阿 Rex，只係比啲甜頭佢哋，佢哋就仆心仆命去幫佢...」

「唉... 不過掉番轉咁諗，我哋本身就係一班烏合之眾，又講乜嘢道義吖...」他突然感嘆地說道。

「既然你打算搵阿 Rex，不如就等我帶你去啦！」想不到他突然提議道。



雖然 Rex 並不是我的目標，但我想若然能找到他，也許能多給我一點線索。

我們再次乘坐升降機到達頂樓，但映入眼簾的狀況，卻使我們曾經放鬆了一點的心情，再次硼緊了起來。

發叔向我示意前進，二人便溜進了走廊之中。

我檢查了一下躺在面前的屍體，發現它們尚有體溫。

果然，他只是遇害不久。

發叔亦與我眼神交流，示意他對面前的屍體，也有著跟我相同的發現。

於是，我們立刻為槍枝上膛，打醒十二分精神前進。

走過數個房間，仍舊沒有發現。



但越往裡面走，躺在地上的死體卻越來越多。

不知怎的，雖然我已經身經百戰，能傷害我的情況亦不多。

但這一刻的環境氣氛，卻令我感到無比的緊張。

直覺告訴我，我們現在面對的，是說不出的危險。

而經過了一番的落空，在我面前剩下的，就只有之前與 Rex 見面的那幾個房間...