［人性/有甜］- 屍•家•馬鞍山（隔日更新）: Chapter 524 - 操控手段

「Okay，你可以講喇...」我和 Aki 整理好之後，便再次走到發叔跟前。

「其實，Rex...」發叔正要開口說話。

「係囉發叔，我都想知你想講乜嘢...」走廊的盡頭突然傳來叫聲，然後便是由強力電筒照射過來的亮光。

「Rex... Rex 少...」發叔突然變得慌張，「冇... 我想講 Rex 少好... 好努力保... 保護我哋所有人...」

「發叔你唔洗驚佢，我幫你出頭！」說罷我已經攔在發叔跟前。



「係囉，你咪等佢打死我，等你啲屋企人一齊陪葬囉！」Rex 竟也從容地答道。

我不知道他是否故弄玄虛，於是便趨前向 Rex 迫近。

「阿 Roy、阿 Roy...」發叔卻立刻把我的手捉住，「你當比面我，就咁算...」

我回望發叔的面容，他像要告訴我 Rex 説的確實真有其事。

「吖！唔記得同你講，你啲 friend 都應該會同我一齊陪葬！」Rex 洋洋得意地說道。



我一臉茫然，一時無法認清他所說的是否真實。

「阿發叔，你咪解釋比佢知囉！」Rex 向發叔示意道。

「佢喺啲嘢飲度落咗毒，如何一個禮拜冇佢嘅解藥，咁就會死...」發叔答道。

「你一早知？」我質問道。

「對唔住...」發叔尷尬地答道。



「哈哈！如果一個禮拜冇我嘅解藥，佢哋就會變咗喪屍，想救都救唔番！」Rex 笑說道。

原來，只是喪屍病毒。

那我便不用太擔心了。

因為同伴們大都擁有抗體。

難怪，發叔剛才分發給我們的，都是一些食水以外的飲料。

原來是要遮蓋混入了病毒的味道。

但剛才 Rex 說到的病毒解藥，是我比較感興趣的事情。

既然如此，我只好將計就計，先查清 Rex 葫蘆裡賣的是什麼藥。



「咁... 你想點？」我假裝無奈地問道。

「呵呵！我暫時未諗到𡃓！」Rex 的語氣越見囂張，「不過你放心，你咁揪得，我實有嘢要你幫手嘅！」

「嗯...」我只能輕聲回應。

「唔... 而家都夜喇，有咩我哋聽日先再講...」Rex 轉向發叔吩咐道，「發叔，你仲唔帶佢哋返去？」

「係... 係 Rex 少...」發叔說罷便跟我說，「阿 Roy，行喇！」

我只好跟著發叔離去，而我亦留意到，Rex 不忘打量著跟在我身後的 Aki。

我希望他不要那麼快對女伴們打主意，否則我還沒來得及找出真相，便會因為保護她們而把他殺掉。



在返回營帳的途中，我決定向發叔再打探一下。

「估唔到，你都係 Rex 嘅走狗...」我以此作為開場白。

發叔只是低頭不語。

「你唔好同我講，你有苦衷...」我對他咄咄相迫。

「佢捉住咗我哋嘅屋企人，我哋都身不由己...」發叔終於開口道。

「Rex 為咗唔比我哋走咗去，我哋一班幫佢出去做嘢嘅人，都比佢捉咗啲親人威脅住。」他續說，「試過有人唔理走咗去，結果留低咗個屋企人，好快就變咗喪屍比人殺咗...」

「你親眼見到佢變喪屍比人殺？」我感到有點疑惑。

「係呀... 有乜問題？」發叔好奇地問道。



「即係你睇住個人變咗喪屍？」我追問。

「咁又冇...」發叔回想到，「自從個女人嘅屋企人走咗去，佢已經比阿 Rex 困住咗喺警署個羈留室入面...」

「之後隔咗一日，再見佢嗰陣已經變咗喪屍...」發叔續說，「阿 Rex 仲特登用鐵鏈鎖住佢，帶佢去空地先當眾處決佢...」

「所以... 大家都好擔心自己嘅親人有事，都唔敢違抗阿 Rex 嘅命令...」

「好多嘢，唔想都要揜住良心去做...」發叔說得有點無奈。

「照你咁講，你哋即係幫咗佢做唔少衰野啦？」我借勢質問道。

「嗯...」發叔點頭回應着，「不過，我哋真係身不由己...」