［人性/有甜］- 屍•家•馬鞍山（隔日更新）: Chapter 502 - Vicky 的身分

「佢傷口附近有初步感染嘅跡象，不過奇怪嘅係，感染範圍就只係徘徊喺傷口附近...」Venus 展示著 Vicky 的傷口繼續解釋道。

「血管冇異常跳動，脈搏同心跳都好正常...」Venus 一直用簡單的醫療工具查看著，「係開始發燒，不過咁亦有可能係同啲病毒打緊仗...」

這使我回想起，當天發生在我身上的情況，和之前一些關於 Vicky 身分的認知。

「咁妳知唔知道點解會咁？」我想試探她知道些什麼。

「你唔知咩？」Venus 立刻雙眼直瞪著我，「Okay... 佢應該同你一樣，體內應該有病毒抗體...」



「係... 係咩？」我感到有點驚訝，「其實妳知道幾多嘢？」

「基本上由病毒抗體、染病程度、同身體變化等等，我都算係幾清楚...」Venus 不慌不忙地答道。

如果是這樣，我必須把 Vicky 的身分隱藏。

「如果我想妳幫我保守一個秘密，妳會唔會應承？」我嚴肅地問道。

「咁如果我答唔好，你會唔會殺人滅口？」Venus 好像已經把事情看穿。



「哈哈...」我只能以笑遮醜，「咁又唔會～～～ 我想妳幫吓手咁啫...」

「你知我個身分㗎啦！你覺得我會背叛組織？」Venus 突然板著臉問道。

「我完全冇諗過妳係屬於邊一邊，我只係以好朋友身分要求妳...」我答道。

「好朋友？」Venus 轉而面向 Vicky，「佢係你女友？」

「嗯...」雖然不知道她有何打算，但我還是如實相告。



「咁你仲要我同你保守秘密？」Venus 看來有點生氣，「你當我係邊個？」

曾經，我們認定了大家的身分。

但不知道由何時開始，我好像已經忘記了這事情。

可是，她還是銘記在心。

難道，我就是這樣的人？

「我哋係好朋友吖嘛！我真心希望妳可以幫我...」我不想再令她產生憧憬，只好狠心地答道。

我的 ”女朋友”，真的已經夠多了。

我彷彿現在才知道，處處逢源並不是什麼好事。



「好！阿 “好朋友” 先生，你 “女朋友” 應該都唔會有咩事，佢嘅事我都唔會同人講，呢度都冇我嘅事喇！我出返去 Okay？」Venus 看似十分不快。

「Venus，多謝妳...」話還沒有說完，她卻已經奪門而去。

房間內便再剩下我們二人，我細心地觀察著 Vicky，以防她出現突如其來的變化。

現在的心情有點忐忑，因為我知道，若然她只是普通女孩，我現在應當怎樣做才能讓她脫離險境。

但若然 Venus 所言屬實，我又根本不用貿然妄動。

可是，為什麼現在的我，會變得顧忌那麼多？

該不是受到 Carey 的影響了吧？



我就出乎意料地，在這裡靜靜的待了個多小時，直至她的呼吸變得平穩，傷口亦奇蹟般的逐漸癒合，我才開始相信 Venus 的話，慢慢放下心來。

而在這時，Clara 亦帶領著 Suki 等人，和在山洞內搬來的燃料，一起登船。

「點呀？佢冇乜嘢吖嘛？」Clara 一見面便開口問道。

「哦～ 佢只係跌落去嗰陣擦傷咗啫！」我希望能夠隱瞞，「Venus 睇過冇乜問題，而家喺入面休息緊...」

「哦～ 係咩？」Clara 看似有點疑惑。

「咁我哋係咪差唔多出發㗎喇？」我立刻轉移話題，「我哋係咪返去馬鞍山？」

「嗯...」Clara 想了一下後說，「等我啲手下收集埋你哋帶嚟嘅物資，我哋就可以出發...」

「不過...」Clara 卻突然打量著我，「喺我未答你呢個問題之前，我要你認真咁答我一個問題...」



她突然嚴肅的提問，使我頓時打醒了十二分的精神。

「你過嚟...」Clara 把我引領到一旁後問，「你認真咁答我，你究竟會唔會加入我哋呢邊？」

原來如此...

「如果... 我 say no 呢？」我想試探她的底線。

「哈哈！咁我都冇計㗎～」Clara 表情又突然再變得陰沉，「唔通我叫人掟曬你啲靚靚女伴落水餵魚咩？係咪？」