［人性/有甜］- 屍•家•馬鞍山（隔日更新）: Chapter 480 - 重遇 Clara

「其實你唔洗咁緊張，我哋係冇惡意嘅...」Clara 淡淡地在我身後說道。

「哼！妳同我講冇惡意？」我憤怒地說道，「妳唔係唔記得咗，妳哋殺咗我幾多朋友呀？」

「大家咁話啦！」Clara 回應道，「不過我諗你都會明白，各為其主呢個道理...」

這些連小朋友都明白的道理，我當然知道。

只是同伴們跟我的關係都十分要好，有些甚至異常親密。



失去了朋友們的感覺，斷不會因為她說的三言兩語而消失。

「咁好吖！既然妳都識講我哋唔係同路人，咁妳不如爽快的殺咗我！」我不忿地說道，「如果唔係，我走甩之後一定報仇！」

「哈哈！報仇？為咗咩呀？」Clara 嘲笑著說，「就係為咗嗰班因為目的而埋你身嘅所謂同伴？」

「我唔知你講乜！」雖然我都略知一二，但我更想從她身上得知更多消息。

「你唔洗扮嘢喇！」一直沒有發聲的 Dickson，終於也加入討論，「我諗你唔係唔知，只不過覺得對自己有著數，先扮唔知啫...」



他雖然可惡，但確實一針見血。

「如果唔係，以你咁嘅貨色，又點會有咁多女痴埋嚟吖！」Dickson 繼續挖苦道。

「屌你條 PK，夠薑就同我隻揪！」我怒不可遏，打算從 Clara 手中掙脫。

「你冷靜啲...」Clara 卻早一步得知我的動作，立刻對槍管施加力量，示意我不可亂動。

「你唔好咁衝動先...」Clara 努力安撫著，「我講過，我哋係冇惡意嘅...」



「哼！」沒有辦法，現在的我只能等待。

等待反擊的時機。

以現在的情況，先不說要解決身手了得的 Clara，還有 Dickson 亦只在伸手可及之間，要把他們一拼解決並非易事。

更何況，Dickson 好像遠比之前來得強。

是因為他一直隱藏實力，還是力量突然有所提升，這樣我不得而知。

我只知道，現在的他不易對付。

我本來亦打算放手一搏，但當我想到一旦失手，島上各人的遭遇時，我又變得小心謹慎。

既然她說得那樣的冠冕堂皇，那我就儘管看她想要怎樣。



「其實，我哋都係迫於無奈先嚟到呢度...」Clara 再開口說道，「我哋艘船已經冇曬油，只係啱啱夠嚟蒲台島...」

實情，真的就如她所說嗎？

但以現在的情況，我亦只能裝作相信。

「妳講嘅係真嘅？」我假裝反問道。

「係... 呢個世界係冇永遠嘅敵人嘅...」Clara 續說，「之前我哋嘅身份係對立，但喺呢一刻，我哋真心想你加入...」

原來如此...

既然是有求於我，我亦無需客氣。



「咳咳... 妳哋係咁樣對待啲新加入嘅人㗎咩？」我向她表示不滿。

「Okay... 只要你肯加入，我為此正式道歉...」Clara 說著立刻把手槍拿開。

「嗱！喺我未攪清楚妳哋係乜來頭之前，我哋頂多唔叫敵人咋吓！」我開出條件，「到我真正了解你哋，我先決定加唔加入...」

他們對望了一下，Clara 便回應道，「Okay，deal！」

看來，他們不是只想要我加入那麼簡單。

可是現在，只能見機行事。

「咁我哋下一步嘅打算係點？隻船夠唔夠油過港島？」我想試探一下。

「嘿嘿！如果隻船夠油去港島，我哋就唔駛停喺度啦！」Clara 答道，「其次，就算有船，我哋都未必有命過倒去...」



「哦？妳咁講咩意思？」看來，她知道外面的最新情況。

「嘿嘿！你唔洗同我套料喇...」Clara 淡淡地回應道，「非敵人又非同伴嘅關係，只可以透露咁多...」

看來，她也不是省油的燈。

「係呢，島上面淨係得番你一個咋？」這次發問的，卻是 Dickson。

很明顯，他是想知道 Carey 的情況。

「唔止...」反正，他遲早都會知道，「佢哋紮咗營喺山上面，一陣我就會帶你哋上去...」

「Okay！」他看來十分雀躍。