［人性/有甜］- 屍•家•馬鞍山（隔日更新）: Chapter 449 - 防侵入作戰

我們沒有多加理會，只是一股作氣的走到目的地。

我四處張望，只見船的四周，正被黑暗的夜色包圍。

要不是對方艦船的探射燈照耀著，我根本就無法得知他們的位置。

眼下所見，我們至少被三艘船隻，分別在船頭方向和左右兩則包圍著。

我想，他們定必會想辦法爬到貨輪上來。



「素恩，有冇方法可以阻止倒佢哋上船？」我向素恩問道。

「唔...」素恩努力地思考著，「之前我聽 Keith 佢講過，船上面有個水炮防禦系統，不過唔知有冇用...」

「而家點都要試吓嫁啦！」我根本就沒有選擇。

「啊！就係呢個...」素恩指向不遠處的一個裝置。

我立刻走過去準備開啟。



「阿 Roy 你諗清楚...」素恩突然按住了我的手，「你如果㩒制，就等於向對方攻擊...」

「水炮... 點計都係低度武力啦！」我著素恩放心，「佢哋唔會因為咁就將隻船打沉嘅...」

「嗯...」但素恩好像有點不放心，「話係咁話，不過對方已經講明咗來意，又警告過我哋，如果我哋反抗，佢哋就有權使用武力...」

「更何況，佢至少有三首船圍住我哋，情況好似有啲唔尋常...」素恩補充。

「你意思係，佢哋係比人叫嚟？」我不是十分明白。



「我唔肯定，不過佢哋唔似係一般巡邏，先發現我哋咁簡單...」素恩答道。

「佢哋好似早有準備...」素恩向外張望，「我哋反抗，佢哋就有理由攻上嚟...」

「始終，隻船掛住中國國旗，佢哋要處理得好小心...」她仍是憂心忡忡。

「我唔理得咁多！」我確實也沒有什麼選擇，「如果比佢哋攻上嚟，整停埋隻船，咁一切都冇乜意義...」

「嗯...」素恩也好像明白到我的處境。

「既然決定咗，咁我哋不如兵分兩路...」素恩提議著，「你開著個水炮系統，我就同 Carey 佢哋落去個貨櫃度，睇吓有冇機會搵到啲線索...」

我不禁佩服，因為無論何時，她都能冷靜面對事情。

「好！就咁話...」我向她的前額深吻了一下，便著手準備把水炮啟動。



我按下那一個紅色的按鈕...

就按紐旁的圖示看來，這應該是操控著分散在貨輪四周的水炮系統，用作防止海盜從海上登船。

但外面實在太黑以至無法看清，我只能從抽水機運作聲，和水流動著的聲音，判定該系統已經成功啟動。

事不宜遲，我立刻走去支援素恩她們。

「前方的貨船立即停止反抗，停下來接受檢查！否則我們將會使用武力！」對方看到我們的反應後，便再作出警告。

時間無多，這樣亦只能夠拖延一會。

我必須儘快！



「點呀素恩？」我跟素恩會合，立刻打探她有什麼發現。

「我覺得呢幾個貨櫃有啲古怪...」素恩示意著她眼前的貨櫃，「佢哋度門都好似有美鈴講嘅裝置...」

為了把握時間，我並沒有多加細想，便往素恩所指的貨櫃衝去。

「嘭！」我走到其中一個貨櫃，便狠狠的把扛在櫃門前的鐵枝劈開。

櫃門應聲打開，我亦擺好架勢，以防突如其來的襲擊。

出乎意料，一點動靜都沒有。

我隨即向另一個貨櫃轉移，使出同一手段後，櫃門再次打開。

可是，仍舊沒有發現。



如是者打開了一個又一個的貨櫃，裡面卻仍是空盪潻黑的一片。

眼前剩下的，就只有四個貨櫃。

回想起來，這也是當初那士兵不敢破壞的地方。

我不敢怠慢，便準備再次把門桿劈開。

「阿 Roy！呢度呀！」在不遠處的素恩突然叫道，「裡... 裡面好似有人喺度叫救命呀...」

我立刻把腳步轉移，飛奔到那貨櫃的前面，然後用力把鐵桿劈開。

「嘭！」豈料，我還來不及去把櫃門拉開，裡面卻突然有另一股力量把櫃門推前。



素恩跟我首當其衝，被撞飛至數米外的空地上...