［人性/有甜］- 屍•家•馬鞍山（隔日更新）: Chapter 445 - Keith 的遭遇

「佢頭先同 Jacky 打咗一陣，好似已經知道唔係好夠佢打...」素恩將事情娓娓道來，「於是佢叫我帶 Clara 走先...」

「我就即刻捉起 Clara 帶佢走，點知呢個時候就見倒 Dickson 捉住 Carey 同 Aki 出嚟...」

「佢要挾我放咗 Clara，同佢交換 Carey 兩個...」

「我驚佢出古惑，所以叫佢放咗一個過嚟先。」

「咁 Dickson 就放咗 Carey 過嚟先，我就放番 Clara 過去。點知 Clara 過咗去之後，Dickson 就唔肯放埋 Aki...」



「我想同 Dickson 理論，不過 Keith 突然大喊叫我走... 我即刻望過去，就見倒 Keith 比 Jacky 打到迫咗埋牆...」

「我知我幫唔倒手，唯有帶住 Carey，走去駕駛室嗰邊匿埋。」素恩說得有點歉疚。

「我明白，比著係我都會咁做...」我摟著她安慰著，「如果妳盲目咁衝去幫手，可能我會失去咗妳哋...」

「多謝你...」得到我的鼓勵，素恩便好像放下心來，「不過 Dickson 佢哋唔比我走，打算捉住我哋...」

「好在芷蕾突然唔知喺邊度殺出嚟，自己搏命捉住 Dickson 唔比佢再追...」



「所以芷蕾攪成咁，都係因為我...」素恩再次眉頭深鎖，「如果唔係佢拼死阻止 Dickson，出事嘅就係我哋...」

這一次，我把她緊緊摟在懷中。

直至 Carey 帶著 Aki 走近。

為免引起誤會和妒忌，我還是把素恩先行放開。

我打量著 Aki，但是她只是羞羞的不敢把我正視。



因此，我亦不便多問。

「我哋一直咁走，直至聽到一下好大嘅 "嘭" 一聲，我哋先至望番轉頭...」

「點知見到嘅，竟然係架墜毀咗嘅直升機。而喺部機入面，我依稀見倒你冇著衫訓咗喺度...」

「咁我同 Carey 商量過後，決定返轉頭睇吓你點。」

「不過我哋知道如果比佢哋發現咗嘅話，我哋個下場會好慘。所以我哋只可以好小心咁行，希望唔好比人發現...」

「我哋走咗一段距離之後，都有望一吓阿 Keith 嘅情況，點知就見倒...」素恩欲言又止，「Keith 訓咗喺度冇曬知覺...」

「Jacky 解決咗阿 Keith 之後，就好似想搵番隻獵物咁。佢下面仲豎起曬，好大好恐怖...」素恩好像仍是有點驚慌。

確實，沒有女性會希望遭受到那巨物的凌辱。



「之後我哋終於走到直升機附近，就見倒你比嘢壓住出唔倒嚟，我哋咪即係上去幫手囉！」

「多謝妳哋...」我流露出感激的眼神，「不過話時話，點解之後阿 Keith 會唔見咗？」

「佢比隻怪物掟咗落海...」素恩帶點傷感說到，「我親眼睇住，阿 Keith 好似冇曬反應，就咁比 Jacky 掟咗落去...」

我隨即走到欄邊往下查看，當然也沒有發現。

在昏迷狀態下被扔進水中的人，恐怕也凶多吉少。

但令我感到奇怪的事，為何 Jacky 並沒有乾脆的把他殺掉，而選擇把他扔進海中？

那豈不是多此一舉？



「不如我哋睇吓華叔點先吖？」素恩的提問打斷了我的思緒。

也對，反正天色已經開始轉暗，現在絕對不是尋人的好時機。

而我亦深信，Keith 吉人自有天相。

「好，佢而家喺邊？」還是先找回華叔為妙。

「美鈴照顧緊佢...」素恩回應道，「佢哋匿埋咗喺底層機房度。」

「我哋而家就落去搵佢哋...」我說，「不過話時話，我仲以為妳同阿 Keith 都係匿咗喺機房度添！」

「其實我哋都唔想嘅...」素恩答道，「琴晚阿 Keith 整咗好耐，先至整得停隻船。之後諗住用無線電求救，又發現佢哋唔 Work...」

「喺冇辦法之下，唯有等天光再算。點知一朝早，我哋就比好大嘅 "嘭" 一聲嘈醒咗，然後就出現咗個啲滑嘟嘟嘅怪物...」



「於是我哋就分頭走，Keith 狽住華叔走，我同美鈴就諗住去醫療室匿埋。」

「點知走到一半，就睇倒的怪物迎面過緊嚟。無辦法之下，唯有走返轉頭跟住阿 Keith...」

「不過啲怪物真係走得好快，阿 Keith 啱啱放低華叔喺機房，啲怪物就已經差唔多去到門口...」素恩說得猶有餘悸。