［人性/有甜］- 屍•家•馬鞍山（隔日更新）: Chapter 440 - 毛骨悚然的怪物

「哇哇...」我閃身避過身後的攻擊，卻換來怪物那奇特的尖叫聲。

它尖叫的頻率實在太高，使我有點震耳欲聾的感覺。

但怪物卻沒有停下攻勢，一個轉身便再次向我衝來。

它的速度亦快得非比尋常，我扭盡腰力，才勉強從它的衝擊中避開。

「呀～」可是，手臂卻傳來了劇痛。



我看著手臂，赫然發現它沾上了一些白色液體。

我立即把它撥開，但卻使我的手掌和手臂都紅腫了一片。

我還來不及定神，怪物已經再次向我襲來。

這一次我不敢再掉以輕心，緊握著鐵筆便向它擊去。

「啵～」鐵筆重重的擊到它的身上，可是它的身體卻像軟膠一般，扭曲並把我手上的鐵筆包裹著。



我試圖把鐵筆拉出，卻發現它完全被怪物狠狠的吸啜住。

而怪物亦伸手想把我的手捉住。

怪物的黏液再次滴到我的手上，使我不得不把手縮開。

而那根鐵筆，已經完全地融入到怪物的體內。

我看著眼前的怪物，忽然感到無計可施。



難怪，Keith 也只能躲藏避戰。

既然無法戰勝，我只有轉身拔足便逃。

我發了狂的急奔，生怕被身後的怪物追及。

「哇哇～」怪物在身後發出如娃娃般的尖叫聲，使人感到膽顫心驚。

我疾衝了一會，腳步卻突然僵住了。

因為站在我面前的，是另外兩隻怪物。

兩隻用正常手段無法擊潰的怪物。

「哈哈，阿 Roy，話曬一場相識，如果你肯加入我哋，你就唔洗面對咁恐怖嘅敵人啦！」站在怪物身旁的，便是剛才在我身後說話的 Clara。



「係囉，我都叫做幫過吓你吖，就算你唔領情，我都唔忍心比佢哋殺死你嘅...」說話的，正是在太師基地內遇見的大舊。

我深知不是怪物們的對手，但若要我就此投降，我又心有不甘。

更何況，我不知道他們背後的秘密。

「咁你可唔可以話我知，我啲朋友點？」我比較擔心 Keith 他們的情況。

「如果我有心殺咗佢哋，你估啲怪物淨係會喺門外面咩？」大舊回應道。

我想一想，好像很有道理。

「咁其實你哋係咩人？」我打算先進一步了解。



「阿 Roy，有啲嘢，你都唔好知咁多好啲...」Clara 幫忙游說道。

「咁你又叫我加入你哋，又唔比我知咁多，你叫我點信你哋呀？」我反駁道。

「嘿嘿！我諗你而家嘅情況，冇乜條件同我還價喎！」Clara 繼續說道。

可是，我對此不太認同。

「哈哈！如果你哋想殺我，一早就已經郁咗手啦，仲喺度同我慢慢吹咩！」我把他們的底牌揭穿。

他們一時無法應對。

「點都好啦！」 大舊想了一想，便再向我說道，「如果你唔想你啲朋友有咩事，你都係加入我哋啦！」

固然，同伴們的安全，對我來說是最重要。



「我加入你哋，你就保證我同伴嘅安全？」我跟大舊哥確認。

「我呃你做乜吖！」他說著已經從兩頭怪物身旁穿過，向我這邊走過來，「嚟，過嚟同我哋一齊啦！」

「嗯...」我沒有反抗的餘地，只好乖乖的跟著大舊走去。

「咁而家點？你係咪會放埋我啲朋友？」我還是比較著緊他們的安全。

「當然，我哋而家喺度上船先，一陣就會有人接你同你啲朋友...」我們一邊交談，一邊從靜止了的怪物身旁穿過。

「咁我想問，Venus 係咪你哋嘅人？」我借機追問。

「你都估倒啦，又何必明知故問？」Clara 亦加入我們的對話，「你係咪掛住佢先？遲啲你就見倒佢㗎喇！」



我們一路交談，轉眼已經走到了甲板的位置。

「咁唔洗問，Dickson、Jacky 同 Veronica 都係你哋嘅人啦！」我再次追問。

「你知道嘅嘢實在太多喇！我勸你都係唔好再問...」Clara 暗自答道。

「咁妳可唔可以話比我知，你哋要隻載滿怪物同病毒嘅船，駛去台灣嘅目的？」我還未及開口，身後便傳來了另一把熟悉的聲音...