［人性/有甜］- 屍•家•馬鞍山（隔日更新）: Chapter 411 - 病床上的人

「Carey？」我無法掩飾內心的興奮，立刻不顧一切的與她擁抱。

「唔...」可是嘴巴被封箱膠紙封住的她，無法作出任何回應。

我小心翼翼地把膠紙撕開，「見倒妳冇事就好，我哋好擔心妳...」

豈料，Carey 卻把我推開，然後用奇怪的眼神打量著我們。

「Carey？妳... 冇嘢吖嘛？」我擔憂的問道。



「吖... 多... 多謝你哋救咗我...」Carey 淡淡地回應道，「不過... 你叫得出我個名，我哋... 係咪識㗎？」

我一時無法應對，只能無奈地答道，「喂！妳... 妳唔好玩啦！我係阿 Roy 喎～」

「阿 Roy...」Carey 好像努力地思考著。

我開始感到不安，內心無法接受想像中的情況。

「對唔住，我真係冇印象...」Carey 那認真的表情，一點都不像説謊。



「可能佢啲記憶未恢復啫，你比啲時間佢，可能好啲呢！」芷蕾幫忙安慰道。

我也認為應先把她帶走，之後再待她復完比較妥當。

「芷蕾，我狽美鈴出去，妳可唔可以幫手照顧 Carey？」我向芷蕾要求道。

「Okay，冇問題！」芷蕾爽快地答應。

就這樣，我們帶著二人離開醫療室。



「阿 Roy... 咦？Carey？」素恩看到 Carey 後，立刻主動走過去握著她的手道，「妳冇事就好喇...」

不出所料，Carey 也是對素恩感到陌生。

「佢好似失咗憶，唔記得咗我哋...」我無奈地向素恩解釋道。

「哦... 唔緊要啦，我諗佢暫時唔記得嘢啫，遲啲會好番㗎喇！」素恩亦安慰著我。

當然，我亦抱著相同的心態。

芷蕾亦向 Keith 滙報這裡的發現，然後再次出發。

我們跟著搜索其他的地方，但卻再找不到人。

華叔、Vicky、Suki 等同伴，現在都仍沒有找到。



我們一直往下走，已經快要到達底層的機房。

芷蕾打算把通往機房的門打開，卻發現它在內裡上了鎖。

我亦嘗試把防水門強行打開，但它確也堅實得無法輕易被打破。

「Keith，我哋入唔倒機房，你哋嗰邊嘅情況點？」芷蕾向另一邊的 Keith 問道。

「沙... 我哋都冇乜發現，而家準備上去船長室睇吓...」Keith 回應道，「如何可以，你哋就儘快同我哋會合！」

「Okay... 我哋而家就上嚟...」芷蕾回應道。

於是我們便沿著樓梯往上走，直至到達最上層的船長室。



船長室的大門打開，卻只看到 Daphney 和芷晴的身影。

「咦？阿 Keith 呢？」我好奇問道。

「佢哋見倒船頭有個人綁咗喺度，跟住就好似大叫咗聲 "係華叔呀～" 咁樣，就同我講出去睇吓先，叫我哋留喺度等你哋...」Daphney 解釋道。

我望向遠處的船首，果然發現有一個被綁在船桅上的人。

而就那人的衣著和外型看來，他跟華叔確實十分相像。

「我諗阿 Roy 同我一齊去幫手，其他人留守喺度，幫手睇住美鈴佢哋...」芷蕾吩咐道。

我想，這也是個合適的安排。

「不如我都一齊去幫手吖？」說話的是芷晴，「如果華叔真係受咗傷，我都應該可以幫倒手...」



看來她說得有道理。

我們把美鈴安頓好後，便再次準備出發。

「嘭、嘭、嘭...」這時，遠處傳來密集的槍聲。

我們立刻往外看去，看到貨櫃群中冒出了不少的硝煙。

「快，我哋即刻出發...」我向素恩她們說，「佢哋就交比妳哋喇～」

沒有太多的寒喧，我們拿起武器便沿另一條的爬梯往下走去。

「噹、噹...」我們正在往下爬，卻突然被一輪機槍掃射過來。



「呀～」原本正爬在我上面的芷蕾，大叫一聲後便突然從梯上墮下。

我立刻伸手往外，幸好還剛剛可以把她拉住...