［人性/有甜］- 屍•家•馬鞍山（隔日更新）: Chapter 290 - King 的計劃

「咁阿 King 你可唔可以話我知，嚟緊有咩計劃呀？」我謙卑的問道。

「唔... 其實喺你昏迷呢一日裏面，我哋已經搵過礦坑裏面嘅大部份地方，結果大家都知道，就係一無所獲。」King 突然變得認真起來。

「所以我懷疑，隻怪物已經唔喺礦坑入邊，走咗去附近嘅山頭。而且有好大機會，佢哋帶埋咗啲重要嘢一齊走...」

「所以如果你行得走得，我哋一陣間就出發去山上面搵。當然，如果你淆底嘅話，你可以同你兩條女走先...」King 仍沒有放棄，任何能攻擊我的機會。

「放心，我一定唔會！」我斬釘截鐵地答道，「因為喺呢度，我仲有需要保護嘅人！」



我說罷便將眼神投射到 Vicky 身上，可是，她好像有心回避著我。

是的，她始終是別人的女友，又甚會意會到我在說些什麼，甚至還妄想跟我來一個眉目傳情？

可是這一切，卻給 King 看在眼裏，一臉不悅的他，突然向我開火道，「咁你個跛 Co 又幾時先行得郁呀？」

「隨時都得！不過可唔可以食啲嘢先？」我確實感到有點肚餓。

「哈哈哈！隨便食啦！不過我哋帶嚟嘅嘢食唔係咁多，所以一陣我哋都要一齊出去搵吓有啲咩食...」King 爽快地答道。



「哦，冇問題！多謝你先！」說罷我便示意素恩先去進食，「我想入去睇吓佢...」我想看一下 Janice 的情況。

「Okay...」King 輕輕的回應了一下，我便步往 Janice 的身旁。

「妳，冇事啦嘛？」我不知道她是否仍在熟睡中，只有試探式地問道。

她沒有回答。

我不知道她是否故意逃避，但無論如何，我都應該給予她一點空間。



既然如此，我只有先退下來與 King 他們進食。

素恩不忘照顧剛剛康復的我，溫柔的給我餵食。不知道 Vicky 是否看在眼裡，竟也逕自走到外面去。

當然，King 也跟著離席外出。

「唉！我都出去唞吓氣...」Clara 看到此情景，亦跟隨他們往外走。

結果，這裡便再次剩下我們三個...

而 Janice 亦终於起床，若無其事的與我們一起進食。

既然她不想把往事重提，我亦不想再揭起她的傷疤。

吃飽和休息過後，大夥兒便跟著 King，離開山洞出發。



出發時已經是下午的時間，我們搜索了大片山頭都沒有收獲。

由於周遭都是茂密的叢林，要找尋 Jacky，甚至是裝載著血清的公事包所在，簡直是大海撈針。

轉眼已經入夜，漆黑的環境不利我們搜索，而且為了節省用以照明的手機電力，我們便決定在山頭𥱊地休息。

「我哋啲糧水唔係好夠，而且呢度又搵唔倒可以食嘅嘢，如果聽朝都冇乜進展，我諗我哋要返去補給一下先...」負責看管物資的 Clara 向我們說道。

「不如我哋兵分兩路，阿 Roy，Janice 同素恩返番去拎物資，我同 Vicky、Clara 繼續搵，橫掂阿 Roy 你原本都係想離開個山洞啫，而家已經達標啦！所以你幫我哋補給完，我哋可以分手㗎喇！」King 向我提議道。

我當然明白他的用意，但既然我當初的要求已經達到，若然我要繼續留下，就必須另覓一個理由。

「其實我發覺 Jacky 好似會追住我咁，所以我跟住你，佢好大機會會自己送上門...」情急之下，我只能想到這個理由。



「呢兩日你都同我哋一齊啦！但係就連條毛都見唔倒喎！」King 立刻反駁道。

「吖... 可能佢受咗傷呢？」我亦作出反擊，「如果佢好番，好大可能會再追殺我囉！」

「如果如果... 你估咋嘛？」King 不屑地答道，「我淨係知道，帶住你哋就佗手褦腳囉！」

「咁又未必...」我不想再對他忍讓，「我都打唔贏 Jacky，我又唔見得你憑乜會打得贏佢囉！」

「嘿嘿！即係話你好打過我啦？吓話？」King 把說話的語氣加強，「咁洗唔洗同我切磋吓呀？」

他說罷，已經站起身準備。

看來，他已經等待了這個機會很久了。

「我就覺得，我哋應該一齊返去睇吓先囉！」正站在山邊張望的 Vicky 説道，「你哋過嚟睇吓先啦！」



於是大夥兒都走到山邊來，遠眺原本燈火通明的馬鞍山市中心，現在已經變成了潻黑一片...