［人性/有甜］- 屍•家•馬鞍山（隔日更新）: Chapter 288 - 重遇 King 的一行
King 口中所說的，該不會是 Veronica 手上的病毒血清吧？
「不過，我諗你對啲嘢都唔係好大興趣㗎喇，你淨係想同條女出返去啫！」King 向我說道。
他可算是說得正確，這真的是我原來的目的。
但經他一説，使我變得有意加入這潭渾水之中。
當然，我不會讓他知道...
「係，不過你知道呢度有隻好勁嘅怪物守住㗎啦？」我想試探一下，他所知的有多少。
「係咩？我未見過勁嘢喎！」他只是模棱兩可地回答。
「我勸你都係唔好太輕敵...」我不屑地答道。
「不過睇嚟，我哋嘅目標好似係一致...」King 淡然地說道，「你要離開呢度，我要攞我嘅嘢，我哋面對緊同一個障礙。」
看來，他已經掌握了這裡的情況。
是誰可訴他的呢？
難道？
正當我還在整理著思緒，這狹小的空間內再走進了兩個人。
而如我所願，其中一個便是 Vicky。
不過，除了 Clara 外，我便再看不到 King 團伙中的另一個人。
King 見我仍在張望，於是便主動向我解釋道，「佢想攪 Vicky，比我大義滅親解決咗喇...」
想不到，他為了 Vicky，竟然連自己的親弟弟也殺掉。
我想，這必定是出於他對 Vicky 的鐘愛。
「嘩！咁耐冇見，又換咗畫呀，Roy 少？」Clara 看到伏在我身上的素恩時，便不屑地說道，「仲有一個喺隔離訓咗，你都真係幾好命㗎喎！」
素恩聽後頓時變得滿臉通紅，當我望向 Vicky 時，她更刻意回避我的眼神。
「既然呢度冇乜嘢，我過返去先喇！」Vicky 說完，便轉身離開。
「我陪妳...」King 看到此情景，便二話不說的跟著 Vicky 走出去。
「我睇住佢先喇，你自便啦，大情聖！」Clara 拋下一句後，便頭也不回地走了。
這裡再次剩下我跟素恩二人，於是我想她解答我的疑問，「點解佢好似知道呢度啲嘢嘅？」
素恩遲疑了一會，便開口答道，「其實係我講嘅，之前你跌咗落懸崖，咁啱又見倒阿 King 出現，我咪同佢講呢度嘅情況比佢知囉！起碼比佢覺得我哋係同一陣線，搵佢幫手都易啲吖！」
我聽後雖然有一點不快，但我也明白到，她這樣做也是替我著想。
「如果我唔咁講，佢都未必肯幫手抬你嚟呢度啦！」素恩補充道。
我覺得難以置信，想不到視我為情敵的 King，竟也對我伸出援手。
這使我再次想起剛才的夢。
「咁佢，有冇對妳唔規矩？」我始終信不過 King 的為人。
「你痴線㗎咩？」素恩激動地叫道，「如果佢用呢個條件交換，我情願自己慢慢拖你走！」
「更何況... 佢個女伴喺度，佢唔敢做啲咩嘅！」素恩續說。
我聽後面色一沉。
「我知，Vicky 係你個夢中情人吖嘛！」素恩看到我的面部表情，「不過阿 King 都好似同你一樣咁諗喎！」
「妳好似知我好多嘢喎？」我用質疑的眼神看著她。
「我... 之前咪講咗囉... 我有跟住你一排吖嘛...」素恩尷尬地答道。
「我哋咩都冇發生過，最多都係曖曖昧昩咁...」我無奈地答道。
「不過呢啲都係之前嘅事喇... 佢已經係阿 King 嘅人...」我補充。
「噢，係咩？」素恩感到驚訝，「我睇又唔似喎...」
「唉... 妳唔知咁多㗎喇...」我不想再回憶起傷心往事，「係呢，我明明跌咗落懸崖㗎，點解又會嚟咗呢度嘅？呢度係邊度嚟㗎？」
「我都唔係咁清楚呢度喺邊... 不過就肯定仲喺個山洞入面。」素恩環顧著四周説，「你之前跌咗落崖，我就即刻同 Janice、Veronica 兩個落嚟搵你哋，點知行行吓，就同 Veronica 失散咗，咁我哋唯有自己盲舂舂咁行...」
「點知行行吓見到前邊有啲電筒嘅光，於是我哋就匿埋喺一邊望下佢哋係啲咩人...」
「我見到係阿 King 佢哋，雖然我之前見過佢，但係佢就應該唔識我，所以我哋就先自我介紹，我同 Janice 係你嘅朋友...」