［人性/有甜］- 屍•家•馬鞍山（隔日更新）: Chapter 282 - Veronica 的故事

我們大為緊張，立刻返回山洞往內跑。

可是，漆黑的洞穴，完全無法讓我們取得任何優勢。

我反而覺得有種自投羅網的感覺。

「你哋信唔信我？」Veronica 忽然向我們問道，「如果信得過我，我可以帶你哋去一個相對安全嘅地方。」

「嗯...」雖然我對她仍有戒心，但這樣總比自己盲目亂闖好。



「不過事先聲名，嗰度都唔係百分百安全...」Veronica 作出補充。

話雖如此，但這裡又有哪一處地方是一定安全？

Veronica 帶我們沿著潻黑的道路摸索前進，而每遇到分岔路，她都停下來引導我們正確方向，以免走失。

迷迷糊糊地走了一會，終於看到前路滲出的一絲曙光。

「嗚嗚嗚...」微弱的哭泣聲，正從山洞的另一面傳來。



哭聲有點熟悉，難道？

「喂！妳帶我哋去邊呀？」我立刻拉著 Veronica 問道。

「乜你冇聽過，最危險嘅地方，就係最安全嘅地方咩？」Veronica 淡然地答道，「更何況，你唔想睇吓你個前女友咩？」

她倒是說得輕鬆，可是若然她真的把我們出賣，我和素恩便凶多吉少。

於是我儘量緊貼她的背後，以防一旦生變，我都可以挾持她以換取逃跑機會。



Janice 的哭聲越來越近，轉眼間，我們已經走到了她的面前。

當她看到我們時，便好像見鬼一樣走開，瑟縮在一旁。

我有點不知所措，可是在我身旁的二女不約而同地看著我，示意著我應該走過去安慰她。

於是，我只有硬著頭皮走過去。

「行開呀！」Janice 見我走近，便大叫著要我離開。

「妳，冇事吖嘛？」我確實不是一個善於安慰人的高手。

「走呀！我叫你走呀！你聽唔聽到呀？」Janice 仍然擺出一副不可接近的姿態。

「妳比我睇吓妳啦！」我沒有輕易放棄。



「睇睇睇！頭先仲睇唔夠呀？你見倒我而家咁，乜仇都報曬啦！」Janice 的情緒仍是不穩。

「我都冇咁諗過...」我無奈地說道，「呢度好危險，不如妳跟我哋走吖？」

「我唔走呀！」Janice 激動地回應，「我而家同死又有咩分別呀？」

「你好走喇吓，你再唔走，信唔信我喺呢度跳落去吖嗱？」Janice 說著，突然站起身走到崖邊去。

「阿 Roy，不如等我嚟啦！」素恩終也按捺不住，走到我的身旁說道，「我同佢都係女人，可能講嘢會方便啲。」

無奈的我只得往後退，期望素恩可以成功把她勸服。

「點呀？攪唔掂你個 EX 呀？」Veronica 迎著我說。



「嗯...」我不知道該如何應對。

「咁，你仲有冇興趣去聽埋我個故事呀？」Veronica 問道。

「好吖...」反正素恩正忙著，落得清閒的我亦不妨再了解多一下 Jacky 的事情。

「嗯...」Veronica 簡單回應一下便再繼續，「Jacky 同我係喺中學相識同喺埋一齊，不過我上咗大學之後，就因為有第三者追求我而分開。而家諗返，當初我哋都係太細個，有好多嘢都冇諗清楚，結果就犧牲咗呢段感情...」

「自從我哋撞番之後，大家都好似等咗呢日好耐咁。而我哋好似有講唔完嘅話題，佢仲特登同同事掉更，等我哋多啲時間見面...」

「之後我哋仲講返，原來佢同我分手之後就冇再拍拖，反而我就經歷咗三個男朋友...」Veronica 說著有點尷尬，「而家諗番轉頭，一直都係我對佢唔住...」

「不過佢竟然唔介意，仲想同返我一齊。佢對我咁好，我完全冇拒絕嘅理由，我仲已經下定決心，以後都同佢一齊。」

「不過幾日後突然發生咗喪屍事件，西貢同馬鞍山宣布進入緊急狀態，我哋就更加唔可以離開間差館。」



「原本佢哋話有人護送我哋離開，結果一切準備好曬之後，政府高層又突然改變主意，要我哋班科研人員留守。然後又不斷有唔同新嘅血液樣本送嚟，咁我哋冇辦法之後唯有繼續研究...」

「結果终於比我哋發現倒病毒嘅抗體，仲做咗五枝病毒血清出嚟。不過由於未做過任何臨床實驗，於是我哋即刻用專用頻道通報保安局，要求進一步研究。」

「點知，嗰一刻我哋先發現，原來幾個高層各懷鬼胎，想將啲成果據為己有...」