［人性/有甜］- 屍•家•馬鞍山（隔日更新）: Chapter 265 - 受了重傷的 Venus
既然 Carey 還沒有醒來，我亦只有停留在家中陪伴。
Kimi 亦已經洗過澡後回來... 沐浴後略為清醒的她，看到我好像有點尷尬。
就這樣，大家都不發一言，便各自在房間休息。
「叮噹、叮噹、叮噹...」不知睡了多久，我便被急速的門鈴吵醒。
我看一下床頭的鬧鐘，已經是晚上七時三十分。
於是我便往外查看，剛好睡在客廳中的 Tommy，亦聞聲走來。
「嘭嘭嘭...」可能見我們沒有回應，門外的人還急得拍起鐵閘來。
「阿 Roy！你係咪喺度呀？開門啦！」似曾相識的聲音，在門外響起。
我立刻把大門打開，迎來一臉驚惶的 Suki。
「快啲幫手呀！Venus 佢唔得喇！」Suki 大叫著。
我看著 Suki 的背上，正伏著奄奄一息的 Venus。
我立刻把 Venus 從 Suki 身上拿下來，然後抱著她放在梳化上。
眼前的 Venus，已經軟攤在梳化上，沒有反應。
她的嘴角和衣服上都沾滿了血跡，看來她受的傷並不輕。
「發生咗咩事？」我問 Suki。
「我... 我哋同你分開咗冇耐，之前隻怪物又再出現。」Suki 回答道，「佢好似知道，我哋分開之後就唔會夠佢打咁。仲特登喺個暗角位部住我哋...」
「Venus 就係比佢突然間殺出嚟，首當其衝打到重傷...」Suki 補充說。
「咁我細佬同素恩呢？」我有一點擔心他們的安全。
「嗦嗦...」Suki 突然說不下去，黯自啜泣...
「佢哋唔係？」她給我不祥的預感。
「Keith 同素恩叫我帶住 Venus 返嚟搵你先...」Suki 停頓了一下後說，「我走嗰陣佢哋仲打緊，不過而家就唔知佢哋點...」Suki 說著仍難掩神傷。
換轉是平常日子，我必定二話不說衝出去幫手。
但是，我的兩名女友都在這裡...
更何況，她們十分需要我的照顧。
「阿 Roy，咁你會唔會去救佢哋呀？」Suki 見我沒有進一步行動，便向我追問道。
「吖... 我都想...」我無奈回應道，「不過我要睇住 Venus，仲有 Carey 都仲昏迷咗喺房度...」
「更何況，我去到都未必幫倒手... 我覺得都係留喺度等佢哋好啲...」我補充說。
「吓... 咁阿 Keith 佢哋點呀？」Suki 聽後大為緊張，不斷搖著我的手說。
「之不過...」我實在不能放下二女不管，更何況，這裡還有 Tommy 這個恃機而動的人。
若我要離開，一定要先把危機消除。
一直在旁觀著的 Tommy，亦看到我掃射到他身上的目光。
這一眼令他不寒而慄，於是連忙澄清說，「我保證唔會攪攪震，而家咁嘅環境，如果我做咗啲對你唔住嘅嘢，我都實走唔甩啦...」
這絕對不足以令我放心，於是我站起來走向他，拳頭被握緊得「咯咯」作響。
「得，我知我信唔過，咁不如帶埋我一齊去囉！」Tommy 亦十分知趣的，主動提議起來。
我深思了一會，好像這還是不足夠。
「好！不過隨咗你要跟住我，Janice 都一定要去！」唯有這樣，我才比較放心。
「Janice 佢，好似嬲咗我...」Tommy 面有難色。
「我比五分鐘時間你，你攪唔掂，我就收你皮！」我威脅道。
Tommy 聽罷立刻跑往我房間的方向，豈料在他正打算敲門的同時，房門已經被打開。
「唔洗問喇，我都唔想再留喺度，我出去！」Janice 甫打開門後，便霸氣地回應。
既然危險已經消除，我也不好再在這裡磨蹭，在與 Suki 和剛起來的 Kimi 交帶一下後，我便準備出發。
臨別之前，我分別向 Carey 和 Venus 深深一吻，不知怎的，我感覺到這一次會是跟她們永遠的道別。
我抖擻一下精神，不讓自己胡思亂想，然後開門離開。
Suki 也特意走出來向我們道別，不知是不是自己的錯覺，她的笑容好像帶點奇怪...