［人性/有甜］- 屍•家•馬鞍山（隔日更新）: Chapter 254 - 前度

「我諗妳誤會咗，Vicky 已經同我冇關係...」我回應道。

「我而家最關心嘅人，只係得訓喺床上面嘅 Carey...」我補充。

「真係？你問吓你個心嗰句？」Kimi 追問道。

這一刻我感覺到，她在意讓我去報仇，多於撫慰她那受了傷的心靈。

又或者說，她想借我之手把二人除去。



「好！等我搵倒佢哋先...」我不想輕言拒絕，只好無梭兩可般回應。

「呀？話時話，妳點知我住呢度㗎？」我反問她。

「吖...」Kimi 回想了一下，「係阿 King 話我知嘅，應該係 Vicky 話佢知啩！」她回答時，眼神好像帶點閃縮。

我覺得奇怪，怎麼在她們相遇的短短一天裡，King 便向 Kimi 提及了，我這個無關重要的人的住址？

她的話，實也存在著太多的疑點。



我也不想再多談，交待她幫手留意著 Carey 後，我便離開房間。

我把房門關上，然後慢慢步出客廳。

而廳中的二人，竟也若無其事般玩著啤牌來。

「喂！Janice，妳唔係入咗 camp 㗎咩，點解會喺度？同埋你哋係點樣入嚟我間屋㗎？」我帶著怒意問道。

「喂！𡃁仔，你唔好咁 Q 寸喎！」男子走到我面前說，「而家我冇名你叫呀？叫我 Tommy 哥！」



他一邊說著，手指已經按到我的肩膀上。

我正要把他推開，Janice 卻突然攔在我們之間，然後把他拉到一旁後說，「不如你入房先，呢度交比我處理啦！」

雖然 Tommy 仍然擺出一副不屑的表情，但他還是乖乖返回，原本屬於我的房間中。

「對唔住阿 Roy...」Janice 首先開口，「佢係我個 ex 嚟。我同佢分咗手之後，佢都仲有不斷搵我，起初我都有拒絕佢，不過佢仲係死纏爛打...」

「佢不斷送花比我，又成日嚟學校接我放工，又帶我周圍去玩... 結果，我發覺我仲係鐘意佢，所以我哋就偷偷喺番埋一齊...」Janice 說著有點尷尬。

回想過去，難怪她從來沒有給我看過她的電話。

而且，她平日也推說是工作關係，而不需我管接管送。

甚至，連假日都被她聲稱的課外活動霸佔。



而原來，一切都是假象。

「Roy，你... 冇事吖嘛？」Janice 見我呆坐當場，便向我追問。

「嗯...」我只有搖頭回應。

其實，她又期望我有怎樣的反應？

「點解我從來冇聽妳講過？」我只有無奈地問道，「妳當我水泡？」

「我真係好對你唔住，因為嗰排，我真係好唔開心...」Janice 努力解釋著，「之後佢話佢都好後悔，話以後一定會改，於是我...」

「夠喇！佢嘅嘢，我冇興趣知！」不待她說完，我已經打斷了她的說話，「咁唔洗問，今次話去 camp 都係同佢一齊啦！」



「嗯... 我同佢去咗西貢，諗住玩幾日...」Janice 紅著臉回應。

我怎也想不到，平常連拖手也不太願意的她，卻一早已經跟別人在翻雲覆雨來。

為何每一個我愛的人，都是這樣對我？

Vicky 如是，她亦如是...

我真的那樣差勁嗎？

「咁點解妳哋又突然出現喺我屋企呢？」其實，這個問題根本毫無意義。但又羞又憤的我，還是衝口而出問道。

「我哋原本喺 Tommy 隻遊艇度，都唔知發生咗咁大件事...」Janice 回答道，「直到我哋玩完返番遊艇會，先知外面變到咁恐怖...」

「咁我哋咪即刻番上船走囉，起碼啲怪物唔會游水追嚟嘛！我哋開番電話，先發覺冇咗訊號，Tommy 就即刻去開番啲通訊儀器，不過都係冇反應...」



「我哋都知道咁樣唔係辦法，於是我哋傾咗一輪，咪諗住直接揸架船去對面海囉！」

「點知，我哋去到科大附近，已經見倒海上面有唔少雜物呀，木版呀咁，越向將軍澳方向行，就越多。」

「甚至，開始見倒一具具嘅浮屍喺水面... 咁 Tommy 心知不妙，咪即刻掉頭走囉。不過反方向行，一係就去大埔、沙田、馬鞍山，一係就返大陸。」

「咁冇埋由就咁偷渡返大陸㗎嘛，咁我哋咪兜咗個大灣，諗住揸去沙田同大埔方向囉！」Janice 續說...