［人性/有甜］- 屍•家•馬鞍山（隔日更新）: Chapter 246 - 凌辱

「政府應該一早收到一啲情報，喺事發之前已經部署好。雖然當中可能出咗小小意外，但都成功隔離咗西貢、馬鞍山。更加喺馬鞍山警署開始病毒研究...」孝順繼續解釋。

「不過喺呢段時間，病毒開始不受控咁擴散，仲感染埋馬鞍山以外嘅地方。政府顧住收拾殘局，已經冇方法去收集返啲研究資料。」

「而且，政府內部嘅知情人士，都各懷鬼胎，諗住私自擁有。再加上其他國家加入爭奪，結果冇人可以成功回收倒啲研究成果...」孝信說。

「咁你就打算據為己有？」我問。

「嘿嘿！不死之身加上超越常人嘅力量，又有邊個唔心動？」孝信反問。



「好喇，故仔講完，咁你肯乖乖哋話比我知個喼喺邊未？」他催促著我說。

「個喼... 比... 比隻怪物攞咗，唔喺我度...」我坦誠地回應。

「睇嚟，你都仲係當我流㗎喎...」孝信憤怒地說，「同我扚佢哋入嚟！」

大門再次打開，一部行李車被推了進來。

而行李車上，正擺放著三個被枕頭套套著頭，身體被床單包裹著的人。



「同我掛起曬佢哋！」孝信一聲令下，手下們便把他們雙手綑綁，掛在健身器材上。

床單內的人不斷掙扎，從他們發出的聲響聽來，他們應該是被封住了嘴巴的女性。

由於她們的掙扎引起了手下們的不滿，於是他們紛紛對她們施以拳打腳踢。

我欲救無從。

而她們亦終於都冷靜下來。



我知道孝信必想將她們施以暴力，於是我大聲懇求道，「信哥！我講真㗎！個喼真係比個叫 Jacky 嘅人拎咗㗎！」

「唔... 唔...」被封閉了嘴巴的各人，聽到我的說話後便作出悶聲的回應。

「哈哈！你真係當我傻㗎喎！」孝信冷笑著說，「睇你喺咪咁口硬！」

孝信一邊說，一邊揭開身旁女孩的枕頭套。

Kelly？頭套揭開，面前出現的，竟是 Venus 的妹妹。

「嘿嘿！我知佢係你個新女伴個妹... 你係咪搵緊佢呢？」孝信明知故問。

「嗯... 你點先肯放過佢？」我仍抱有一絲希望，孝信肯放過她們。

「你唔好再扮嘢喇！你再唔講，就唔好怪我無情！」孝信怒道。



我怕再把他惹怒，一時不知道該怎樣應對。

「好！你唔應我吖嘛！」說罷，他把 Kelly 身上的床單扯開。

Kelly 露出了傷痕纍纍的身軀，從身上的瘀傷和大腿上的血跡看來，她應該受到了不人道的侵犯。

「點呀？心痛呀？」孝信托起她的臉說，「一切都因為你，係你令啲兄弟死傷慘重，佢哋無從發洩，只可以報復喺你嘅哎呀姨仔身上，我想阻止都阻止唔倒...」

「你班衰人...」我明白，這只是他蔑造的借口...

女性落在他們手上，無論是誰，根本就凶多吉少。

現在我只是希望，能帶著她們三人全身而退。



「點呀？睇嚟，佢幫唔倒你去記番個喼嘅正確位置喎！」孝信脅迫著。

「咁冇計啦，唯有試下咁得唔得啦！」孝信説著，已經從腰間拿出一把軍刀，放在 Kelly 的脖子上。

「唔好呀！Kelly～」孝信沒有理會我的吼叫聲，便在 Kelly 的頸上劃了一刀。

原本在昏睡狀態的 Kelly，突然張開雙眼，拼命的掙扎抽搐。可是，鮮血正不停地在她的脖子內流出，不消一會，她已經沒有了反應。

「Kelly...」我曾經努力掙脫，可是我被前來的臣哥壓制在地上，完全動彈不得。

「噢！真係可惜...」孝信再次質問道，「點呀？而家會唔會有返少少印象呀？」

「我已經講咗，你唔信我都冇辦法...」我腦怒面前這一意孤行的魔鬼，內心盤算著與他同歸於盡的可能。

「哈哈！仲大我添吓話？」孝信露出不屑的表情，「好！我就同你玩大佢！」



他走到另一人身旁，把她的枕頭套揭開。

其實，我已經大概想到另外兩人是誰。

果然，結果就如我所料。

「唔... 唔...」仍然清醒的 Coco，看到我便興奮地叫了起來。

可是，嘴巴被膠帶封住的她，無法叫出聲響。

她努力地想叫喚身旁的另一人。

可是，那人沒有回應...