［人性/有甜］- 屍•家•馬鞍山（隔日更新）: Chapter 211 - Venus 的秘密
不知睡了多久，突然從睡夢中驚醒。
我環顧四周，睡得不好的不只我一個。
Venus 與我四目交投，我用眼神示意一起往外走走。
其實我也不知道我們有什麼可以談，始終大家只是今天才相識。
既非戀人，甚至連朋友也談不上...
可是，我們卻有著非一般的關係。
當我仍苦腦著怎去打開話題時，Venus 卻已經搶先開口。
「可唔可以幫我一件事？」她一臉認真的問道。
「嗯... 咩事先？」我當然不會貿然答允。
「帶我去見我未婚夫吖！我好掛住佢...」Venus 説著眼泛淚光。
原來，這就是她無法安睡的原因...
「哦... 佢係差人？」我明知故問。
「嗯... 佢琴晚出咗去之後，就冇再番過嚟喇...」Venus 無奈地答道。
其實我並不打算去為這陌生人冒險，而且，仍身在這裡的人恐怕都凶多吉少。但若要一下子把她拒絕，我又於心不忍。
「你同佢一齊咗好耐？」我不想答應她的請求，只好談論別的話題。
「都就嚟五年喇，所以先諗住結婚...」Venus 話語中帶點笑意，但很快便被憂愁掩蓋，「不過而家變成咁，都唔知攪唔攪得成...」
「我諗你要有心裡準備，我哋攻上嚟嗰陣，啲差人都死得七七八八...」我不想她抱有太大的希望。
「唔會㗎！佢話佢負責保護啲重要嘢，會守喺最後嘅防線... 所以佢一定仲生存緊㗎！」Venus 充滿信心地答道。
我一直以為黎博士就是孝信要找的重要東西，但聽 Venus 所講，真正的東西另有其物。
又或者，他找的東西根本就不只一樣...
我重新燃起找尋 Venus 未婚夫的興趣，當然，我真正想要的，是他們歇力保護著的東西。
「我幫妳都得，咁妳點報答我先？」我不想因輕易答允而引起懷疑，便隨口向她索取報答條件。
「我可以幫妳... 用口...」Venus 靦腆地回應道。
我想到她那差勁的技巧，實在也提不起興趣。
「其實，妳同妳男友，係咪聚少離多？」我對此比較有興趣。
「點解你咁問嘅？」她反問著我。
「吖... 我見妳好似生疏咗啲啫... 好似好少做咁...」我提出我的懷疑。
「都係嘅... 我哋都要返 shift，所以都唔可以成日見...」Venus 無奈地回應道。
「唔怪之得啦...」我終於找到原因。
「你唔好誤會呀！我男友好愛我㗎，所以從來開冇迫我做...」Venus 緊張地答道。
「嘩！拍拖五年都冇做過，我真係配服妳男友，突然想見吓佢，哈哈！」我嘲笑著她。
「咩呀！我哋都有親熱㗎，只不過冇做之嘛！」她仍是努力反駁著。
「好似頭先咁？咁算把啦！」我顯得不屑。
「我都唔想㗎！我都知咁係差咁啲嘢，不夠我已經盡咗力啦！你識我冇幾耐都知我係咁㗎啦，你唔可以而家先嫌棄我㗎喎！」Venus 說得激動，開始語無倫次起來。
她說罷忽然變得情緒崩潰，竟也抱著膝大哭起來。
有點手足無措的我，只有搭著她的肩膀，讓她倚著我痛哭一場。
「自從細細過比阿媽個前男友攪過，每一次做我都會好緊張，放鬆唔倒...」Venus 忽然向我説道。
我一時想不到該怎麼應對，只有安慰著她說，「都過咗咁耐啦！而且妳男友都肯同妳結婚，即係佢都唔介意啦！」
「佢唔知㗎...」她的答案令我感到意外，「我一直都唔敢同佢講呢件事，怕佢接受唔倒... 一直以嚟，佢都以為我仲係處，所以佢先接受我冇得同佢做...」
「不過如果佢知道咁係另有原因，一定會嬲死我...」
我完全想不到怎樣安慰她，因為同一件事發生在我身上，我都可能會感到不快。
「我一直擺喺心度，又唔可以同人講，真係好辛苦...」她仍沒有停止哭泣。
「其實妳可以同阿妹講㗎嘛！更何況，妳一路唔同妳男友講，都唔係辦法...」我回應道。
「阿妹仲細，我驚佢守唔倒秘密... 至於男友，我諗住呃得一時得一時...」Venus 說得簡單，看來她根本沒有認真衡量過利害。
「咁你會唔會幫我呀？」她看我沒有回應，竟也向我提出請求。