［人性/有甜］- 屍•家•馬鞍山（隔日更新）: Chapter 193 - 阿 Dee

「好！我唔殺你都得，你幫我帶路吖！」我決定把他當成我的盲公竹。

「係大佬，你點話點好！」青年爽快地答應。

「唔好大佬前大佬後... 叫我阿 Roy。」我懼怕他那阿諛奉承的態度。

「係，Roy 哥！」他態度仍是依舊。

「唉... 咁你叫咩名呀？」我沒氣地問道。



「啲 friend 都叫我阿 Dee 嘅...」阿 Dee 回應道。

「咁阿 Dee，你會唔會知呢間差館收埋咗乜重要嘢？」雖然機會渺茫，但我仍希望他能給予一點線索。

因為要阻止孝信，我必須比他早一步找到那樣東西。

「吖... 其實我去過嘅地方唔多，所以唔係太清楚...」阿 Dee 回應道，「不過直覺話我知地牢嘅羈留室有古怪...」

「乜你唔係話嗰度係放嘢食㗎咩？」我問道。



「吖... 都係... 不覺直覺話我知係嗰度囉，哈哈！」阿 Dee 尷尬地答道。

「頂！咁你可唔可以比啲堅啲嘅嘢我呀？」我有點不耐煩。

「吖... 都有嘅...」阿 Dee 想了一會後答道，「我知道班差佬收埋咗佢哋班屋企人喺七樓 canteen 度，我諗我哋可以試吓去嗰度打探下...」

我打算用對講機假裝向孝信報告位置，好讓我也能確定一下他的所在。

可是，對講機只傳來「沙沙」的雜聲。



「好，咁行啦！」分秒必爭，我不想再等。

我立刻擎槍繼續前進，確定樓梯安全後，我便帶著他一口氣跑上七樓，希望能趕在孝信之前到達。

我們停在七樓的梯間觀察著，走廊上有至少四個人把守，他們全副武裝、神色凝重的巡視著，看來不易對付。

他們並沒有被四周的槍聲和戰鬥聲所影響，仍是目光如炬地掃視著四周。

「阿 Roy 哥，不如比我幫你手吖？」阿 Dee 靜靜的向我提議道。

「點幫？」我問。

「我引佢哋落樓下，你睇情況決定偷襲佢哋定潛入去 canteen 啦！」阿 Dee 回應道，「佢哋見我帶住手扣，知我係犯，應該唔會懷疑嘅...」

雖然我不太信任這新相識，但確實我也找不到其他的方法。



我只有贊同他的提議。

「不過我有個條件，事成之後，你要幫我搵鎖匙解開個手扣...」阿 Dee 提出一個還算合理的要求作為條件。

一切部署好後，阿 Dee 便依計行事。

「救命呀，有冇人呀？」演技逼真的他一邊求救著，一邊打開梯間的防煙門。

「咪郁！雙手擺頭！」門外傳出男人的叫聲，「你係咩人？」

「阿 sir，一睇就知我係犯嚟啦！兩個禮拜前衰老爆入嚟嘅！」阿 Dee 不慌不忙地回應著。

「咁你喺度做乜嘢？」男人喝問道。



「頭先有人喺二樓衝入嚟，同你啲伙記槍戰，雖然衝入嚟啲人死曬，但係班差人都死傷慘重... 原本同我一齊個阿 sir 就叫我上嚟求救...」阿 Dee 説著他編的故事。

「二樓出事你跑到上嚟七樓求救？」另一男聲質問著。

阿 Dee 好像一時來不及反應，隔了一會，他才裝作不解地問道，「阿 sir 你頭先講乜話？」

「你係真唔係呀？我問你點解特登要走咁多層上嚟七樓求救呀？」男子帶點不耐煩地問道。

正當我準備必要時發難突圍的時候，走廊的另一面突然傳出槍聲。

估計他們應是孝信或權哥的部隊... 但我萬萬沒有想到，他們也是突破守衞後，便直接攻上七樓來。

看來，這裡應有著孝信所需的東西。

激烈的槍戰令流彈穿過防煙門，一直打在梯級上。為免被流彈所傷，我只有往後退上數級等待。



一輪激戰過後，走廊回復平靜。

我小心翼翼的步往走廊查看，見到權哥和手下們正搜尋著敵方生還者。

我打算先觀察他們的行動，所以靜靜躲在一旁查看。

經過一輪搜索確認後，權哥便帶領隊員衝入飯堂中。

「嘭」大門被撞開，伴隨著數下的衝鋒槍聲後，接著的便是人們無盡的尖叫。

我亦悄悄地打開防煙門步出走廊，打算窺看他們下一步的行動...