［人性/有甜］- 屍•家•馬鞍山（隔日更新）: Chapter 147 - 新的任務

「我打算叫素恩幫手照顧妳哋，等阿 Roy 返嚟，不過妳哋唔好打算偷走呀！冇我嘅指示，出面啲守衞係會格殺勿論！」孝信説著，眼神忽然變得陰沉，「更何況比佢哋捉倒，分分鐘比死更難受，嘿嘿！」

孝信雖然在警告著她們，但把這話聽在耳裡的我，不禁令我停止了剛才的想法。

更何況在我摸清孝信的實力之前，實在不宜輕舉妄動。

「話時話，呢度邊個先係你女朋友？」孝信突然問起奇怪的事情來。

「吖...」我正頭痛該不該對他説出真相，冷不防 Carey 已經搶先答道，「Hello，我叫 Carey，係阿 Roy 嘅女朋友...」



我看著 Carey 一時説不出話來，豈料孝信卻繼續追問道，「係呢 Carey，妳哋拍咗幾耐拖呀？」

「吖... 兩... 兩個禮拜倒...」Carey 尷尬地答道。

「吓？Just two weeks？」孝信覺得奇怪，「真係時勢做英雄...」

為免孝信繼續追問，我決定反問他説，「你可唔可以放咗佢兩個呀？」

孝信看了我一眼，然後又再張起笑臉道，「冇問題，只要你同我乖乖哋完成今日嘅任務，就萬事有商量...」



「佢哋嘅下場，一切都睇你嘅表現喇... 哈哈...」孝信搭著我的膊頭説著。

我一時間無法認對，於是便打算向他打探那所謂"任務"的詳情，「其實一陣間出去，我要做啲乜？」

「唔... 到時強哥會話你知㗎喇！不過你初嚟報到，我特登搵咗 Karen 嚟陪你，叫做幫吓你手咁啦...」孝信答道。

「原本我諗住搵番素恩陪你嘅，不過佢拒絕咗，咁唯有搵 Karen 幫手啦！不過據我所知，你同佢都叫合作過吖！所以應該都冇問題嘅！」孝信續説。

我不置可否，只是我始終想不通，為何 Karen 和素恩都與他結成了一夥？



過了一會，兩男亦再與素恩出現在面前。

「好喇，要出發喇！」聽到孝信的指令後，Carey 便立刻走過來與我擁抱。

「你要小心啲，我會係呢度等你返嚟...」Carey 在我的耳邊叮囑道。

「放心，我會儘快攪掂返嚟，等我...」輕輕一吻之後，孝信和兩男便陪同著我離開。

我們重新返回酒樓，滙合早已等得不耐煩的強哥及他的團隊後，我們便坐上那一早在門外準備好的貨車出發。

在車上，強哥給了我和 Karen 每人一套的防彈背心，一枝手槍及一把異常鋒利的軍刀，外加兩排手槍子彈。

那專業和充足的裝備令我感到好奇，於是我便向強哥問起它們的來源。

「嘩！你哋啲裝備好專業喎，喺邊度攞番嚟㗎？」我問強哥。



口噴著煙的強哥向我瞥了一眼後，便沾沾自喜地答道，「嘿嘿... 細路仔大驚小怪，呢啲粗嘢嚟㗎啫，呢啲先係勁嘢！」説罷他拿起地上那掛有榴彈發射器的步槍示威。

「呢枝砲，就算真係遇倒啲 U 仔，我都一嘢打 L 爆佢！」強哥説時充滿自信，但我卻對他所説的效用成疑。

而他説的所謂 U 仔，應該就是筆記本上説的感染體 U 了...

「你所講嘅 U 仔，係咪即係個樣好似人猿嗰隻怪物？」我問強哥。

「吖... 係呀！我面對面見倒佢，諗住一槍打爆佢個頭，點知我射中佢個頭兩槍都唔死，而我又冇曬子彈，先至無計焗住走。如果下次比我見倒佢，嘿嘿...」強哥努力地説出他的威水史... 雖然我知道他説的都不是實情，但當我看見他的手下那敬佩的神情時，我亦不好把他當場拆穿。

「嘩！係勁喎強哥，我離遠見倒佢已經掉頭走喇，好彩佢冇追住我咋！我諗，以後都要同你多多學習喇！」我不但沒有把他拆穿，還説出恭敬奉承的話來。

這不單是為了討好他以獲得方便，現在讓他自信滿滿，也容易令他自視過高而做出不智的事來。



「學乜嘢吖，而家你係我阿頭，我要多多指教就真！」強哥的話流露出不忿的語氣。

我唯有打蛇隨棍上，「講呢啲！強哥你實戰經驗多我咁多，到時我睇你頭㗎喇... 你要睇住我哋吖！」

「嘿嘿，好呀！」強哥自滿地笑著，看來對我的説話十分受落。

如果是這樣，就真的好了。那我亦可以安心去實行我的復仇計劃，一個能把他除掉的計劃。

是的，自從知道他仍然生存，我便萌生要把他殺掉的念頭。之後當我再與 Coco 重遇，我就知道他非死不可。

大概，Coco 也不想再遇見此人，回憶過去痛苦的事。

當然，為免影響仍在孝信手上的她們，與及逃避 Karen 的監視，我必須等待機會。

一個可以下手的機會。



經過了大概十分鐘的路程後，貨車终於在一大型屋苑的商場外停了下來...