［人性/有甜］- 屍•家•馬鞍山（隔日更新）: Chapter 143 - 病毒的真面目？

我們倦極相擁在一起，久久亦不願離開對方。一早到巨龍出現開始收縮的狀態，我才抱著素恩，一起踏進浴缸。

由於浴缸內的水一早已經冷卻，我們把它放掉之後，重新放滿了一缸熱水，然後再次浸浴起來。

我們偷快地互相清潔，活像一對熱戀中的小情侶。

情侶... 令我想起了 Vicky 和 Carey... 孝信説他不會傷害她們，我只有希望他不會食言。因為憑我現在的實力，我根本不是他兩個手下的對手，更何況孝信到底強到那一個程度，我亦無從得知。

而我更加擔心的是 Carey... 就素恩和華叔所説，我身上的病毒很大可能已經令她受到感染，而離我與她第一次交合，已足足過了一個星期，我真的很擔心她的情況。



「做乜呆曬呀？」素恩對著我問。

「吖... 冇... 我又忍唔住射咗，我驚你會因為我變咗喪屍啫...」被她突如其來一問，我的腦𥚃只能想到這個答案。

「吼～係呀，我變咗喪屍第一時間就咬死你...」素恩一邊模仿著喪屍的動作，一邊淘氣地説著。

「唔好玩啦...」我真的沒有心情。

「你唔好咁啦，唔做都做咗咯...」素恩安慰著，「同埋有解藥㗎，不過就麻煩啲...」



「吓，係咪㗎？唔洗變喪屍喎，點麻煩都要啦！」我立刻興奮地問道。

「佢哋話呢隻病毒有一個禮拜嘅潛伏期嘅，如果喺呢個禮拜內有新嘅病毒補充，就會暫時將病毒抑制，唔會異變住。不過如果受感染嘅人死咗，佢都係會異變嘅...」素恩解釋著。

「咩叫新病毒呀，依家唔係得一隻喪屍病毒咋咩？就算有，又可以點補充呀？」我追問道。

「其實我哋都係睇的報告講嘅，好似冇乜臨床實驗過，所以我唔肯定個成效有幾高。個報告又話，由於新病毒會喺感染者體內迅速繁殖增生，而令到原本病毒嘅狀態變弱，所以只要有新嘅同類病毒注入，體內嘅舊有病毒就會比新嘅病毒殺死，變相重新洗牌嚟過。不過呢個洗牌過程可以維持幾耐，就真係冇人知...」素恩繼續解答。

「至於點樣注入新病毒，因為帶菌者嘅血液入面已經充滿住病毒，所以可以透過輸血注入。而好似你頭先咁，都大量注入咗啲病毒，同輸血嘅情況一樣。而長遠嚟講，報告話需要研究血清之類嘅嘢去消滅甚至控制病毒，不過呢方面我就冇多啲資料喇。」素恩續説。



「咦？咁你講"佢哋"即係邊個？」我好奇問。

「我啲小角色點會知喎！係人哋比我哋傳閱了解多啲，我先知道咋！不過我哋都講，唔怪得之出面啲女生還者會多過啲男㗎啦！」素恩答道。

我對她的説話感到奇怪，露出了不解的神情，素恩看後便繼續解釋道，「喪屍爆發到而家兩個禮拜，除咗啲比喪屍咬死或重傷嘅人之外，好多人都係經唔同途徑接觸倒微量嘅喪屍病毒。呢啲人唔會即刻異變，反而因為病毒嘅特性，會以感染者做宿主，繼續放大人類嘅原始慾望去令其他人受感染，同時病毒亦喺感染者體內不斷繁殖，直至一個禮拜後，病毒入侵人類大腦，然後完全控制宿主。」

我好像有點眉目，但仍是專注於素恩的解釋，「咁頭先講過男人可以令女人嘅異變期推後，不過掉番轉就唔得喇。因為女人嘅體液只係含有微量病毒，但並唔足夠令接觸佢哋嘅男人體內嘅病毒洗牌。所以男人通常都會喺受感染後嘅一個禮拜異變，女人反而生存機會較大。不過，隨住啲男人都死得七七八八，受咗感染嘅女人都無得獨善其身...」

「咁，點解我仲...」我聽後更為不解。

「你唔同...」素恩還沒有待我説完，便已搶先答道，「因為你本身係實驗體... 你一早已經比人殖入咗病毒原胚，所以喪屍病毒係唔會令你異變，只會令你變得更強... 所以如果隻病毒研究成功，係有好大嘅戰略價值... 不過病毒亦同時令你變得暴戾，容易受慾望支配，所以你都要小心，始終呢個病毒都仲係喺臨床階段...」

「咁點解你會知我咁多嘢嘅？」我十分有興趣知道答案。

「我係負責保護你... 同埋跟進你啲同伴嘅情況嘅，所以我點會唔知？」素恩解釋著，「不過我可以講嘅係咁多，其他嘢我唔會再答，你知太多亦沒乜好處...」



「咁你又講啲唔講啲！你有冇當我係朋友呀？」我質問著。

「我再講落去，大家都唔會有命離開呢個門口，所以我一定唔會再講。頭先講嘅嘢係關於你嘅力量同身世嘅基本背景，係孝信哥叫我話定比你知，費事你乜都唔清楚嘅，所以我先講...」素恩冷冷地説道。

「孝信哥？妳同佢其實係咩關係，點解妳會加入咗佢哋嘅？」我追問。

「我都話唔會再講囉，總之我今晚只係負責服待你！」素恩忽然變得冷淡。

「好吖！咁你可唔可以答我最後一個問題？」我看素恩沒有多大反應，於是就接著問道，「旋旋... 佢竟究點樣？」

素恩聽後沉默了一會，然後冷冷的對我説，「死咗... 同 Frankie 一樣，比我親手殺死咗...」

我本想追問原因，但看著她的眼神變得深沉，我亦不忍心繼續再問...