［人性/有甜］- 屍•家•馬鞍山（隔日更新）: Chapter 120 - Mandy 母女

我回身一看，女人已經重新穿上了一件連身裙睡衣，雖然她的身形稍為瘦削，但吊帶睡裙若隱若現，好不誘人。

「妳... 想點呀？」我一邊問道，一邊目不轉睛地打量著她的身材。

「吖... 雖然有啲唐突，不過... 我哋兩母女可唔可以跟住你？」女子道出她的要求，但我的眼光好像已經令她有點尷尬。

「吓？我冇諗過要帶人走喎...」我説出我的心底話。

「求吓你吖... 我哋真係走投無路喇...」女子嗚咽著説，「自從我老公上星期同佢哋出咗去冇再返嚟，佢哋每日就淨係分好少嘢食比我哋... 唔好話我哋兩個人，就算淨係我個女食都唔夠食囉！」



「好彩之前屋企都有啲存貨，不過幾日前已經食曬...」女人繼續哭著説，「我曾經同佢哋講比我幫吓手做嘢，不過... 佢哋就話暫時冇嘢啱我做... 若果真係要做... 就... 只可以... 去服侍主席...」

「原本我為咗個女，曾經打算應承... 不過，我聽啲鄰居講，之前都有人試過去服侍主席，一開始就真係淨係服侍佢，之後佢玩厭咗，竟然... 交咗比佢啲手下攪... 跟住班賤人仲要攪埋佢個妺... 每日都上門攪佢哋... 我真係好驚... 接受唔到...」女人續説...

「吖... 我明白... 不過妳而家唔洗咁擔心喇，個主席同佢班手下，啱啱先比我殺曬... 所以應該都冇人再咁做㗎喇...」我回應著。

「係呀？」女人聽後好像若有所思。

「咁好啦，我都要走喇，反正我都冇可能再留喺度㗎喇，拜拜...」我轉身準備離開。



「帶埋我哋走吖？」女人拉著我的手。

「妖！我 DLLM 吖，我入嚟根本就係想強姦妳，而家我改變主意放過妳喇，妳又捉住我唔放！知唔知我頭先殺咗幾多人，姦過幾多條女呀？我變態㗎，我隨時色心起攪埋妳個女㗎！跟住我嘅人全部都冇好結果㗎，妳係咪仲要跟吖？」我不勝其煩地破口大罵。

「係，我已經冇嘢可以輸，只要個女好，我已經別無他求...」她慢慢地答道，「頭先你肯比我氹番個女先，我都知你唔會係窮兇極惡嘅人... 你一定係受咗好大壓力，或者刺激先攪成你咁...」

我聽後，竟然不由自主地流下淚來...

「換衫，跟我走！不過我唔保證，妳哋一定安全...」我轉身抹著臉上的淚説。



「多謝你... 係呢，我叫 Mandy，我個女叫希婷，你叫咩名？」女子問道。

「叫我 Roy...」我背對著她説。

Mandy 不一會已經換好衣服，拖著希婷出發，外加一個滿滿的旅行袋。

沿途只見零星的居民在遠處張望，但他們都與我們保持著一定的距離。

我決定先回去會所走一趟，打算與 Connie 作最後吿別才離去。

會所內血跡斑斑，屍環遍野。嚇得希婷只有擁著 Mandy 的腿，瑟縮在一旁。

我走近 Connie 身旁，額上的傷口已經開始乾涸，閉著眼的她猶如一個睡美人。

我赫然發現，她的胸部仍然起伏有致。



Connie 還未死！突然萬般思緒湧上心頭，但現在我可以做的，就是帶她儘快離開。

我把她揹在身後，然後起身開步走。

差不多走到大門前，我們便躲在一旁觀察閘外的情況。

大閘外仍有零星數隻的喪屍，本來它們應該不能對現在的我造成威脅，但由於我背付了三個人的生死，我必須小心為上。

「目的地就喺對面，馬鞍山中心第四座...」我指著我們的目的地。

「而家冇可能行過去，所以你一陣同希婷坐上前面㗎車嘅後座先，我會狽佢上車，跟住開車走...」我輕聲示意著 Mandy 説。

「過到對面，妳哋就入去大堂先。如果情況危急，就自己搭𨋢上咗去先。我住廿八樓E...」我續説。



我把插在腰間的切肉刀拿在手上，把閘門打開後，便靜靜地背著 Connie 出發。

我成功把 Connie 放在前座，正要走到駕駛座的時候，冷不防 Mandy 關門時發出了「嘭」一聲的關門聲。

雖然在平時，這關門聲根本微不足道，但現在卻正正能刺激到，聽覺靈敏的喪屍。

幾隻徘徊在不遠處的喪屍已經聞聲襲來，我亦不願久留，立刻登車逃走。

車子引擎發動，我立刻加速把擋在前面的喪屍撞飛。

由於我們已經吸引了它們的注意，假若我們直接駛往對面馬路下車的話，我們的處境將會十分危險。

於是我一直往鞍駿街直駛，期間把車速減低，希望把更多的喪屍引離住所附近。甚至有些喪屍已經在拍打著車尾，嚇得希婷哇哇大叫。

車子一直慢駛，直至到達馬路分隔欄的盡頭時，我便立刻掉頭加速逃走。



我把車子直接駛上住宅大堂前面的行人路，然後便立刻吩咐她們下車。

幸好計劃十分順利，一直至電梯門關上，我們都沒有遇到喪屍出現阻攔。

此時我的心正在盤算著，如何向屋中二女解釋，Mandy 母女、與我背上祼女的由來...