［人性/有甜］- 屍•家•馬鞍山（隔日更新）: Chapter 101 - 目的地 • 恆安
「吓，即係要我同佢個... 一齊？老豆，你係咪特登㗎？」Vicky 大叫著説。
「冇計，我都係為咗大家嘅安全著想。今次行動唔係講玩，要我哋保護自己之餘再保護身邊嘅人，到時盞攬住一齊死...」華叔解釋道。
「我唔洗你哋保護，我會照顧好自己！我一定要去！」Vicky 依然蠻不講理地嚷著。
「阿女，你聽我講啦！我淨係想專注去救番大家嘅屋企人，你留喺度應該安全，我先可以放心出去，你就當聽吓老豆講好冇？」華叔臉色一轉，「更何況大家同屋共住，比啲機會大家了解吓唔好咩？哈哈...」
「唉... 老豆你話點就點啦...」Vicky 終於肯妥協。
之後我們便著手談論著外出的計劃，由於我們的裝備尚算充裕，於是我們四人都可以分配到一把手槍，外加一排子彈。而我和 Keith 則每人再裝備多一枝 MP5 衝鋒槍及兩排子彈，華叔則備有火力較強的 M16 自動步槍，以及兩排子彈。
由於預計開槍時產生的聲響，會吸引更加多的喪屍注意，故華叔叮囑我們如非必要切勿使用。所以我們都選擇了多一樣近戰武器傍身。
之後華叔再向我們講解各槍械的特點和使用方法，技巧等等... 他的槍械知識令我嘖嘖稱奇。
「係呢華叔，點解你對啲槍咁熟嘅？」我終於忍不住問。
「緊係啦，老豆之前係...」Vicky 正想搶著回答。
「殊！」不等 Vicky 説完，華叔已經打斷了她的説話。
此時 Carey 已經把早餐弄好，雖然色香味皆比不上 Vicky 的愛心早餐，但能夠吃到喜歡的人親手為自己烹調的早餐，我已經心滿意足了。
之後我亦向 Carey 説明了我們的計劃與安排，雖然 Carey 萬分不捨，但經我再三游説，她在不情不願下，也終於答應了我的要求。
吃過早餐，重新檢查一下裝備後，我們便打算背上背囊出發。
「嘞嘞嘞... 有... 冇人... 呀...」已經整夜沒有聲響的對講機，突然傳出類似人們求救的聲音來。
於是我們打算聽一下有沒有其他資訊，但等待了一會後，仍然沒有其他的聲音。
「唔等喇，我哋出發！」華叔發施號令。
我打算把對講機放入袋中，豈料被華叔喝止，「你唔係諗住帶埋舊嘢去引喪屍吓嘛？」
我立刻把它放低及連忙道歉。是的，我竟然沒有考慮到帶著它的後果。
「嗱，妳哋兩個乖乖哋等我哋返嚟。呢度有兩把槍，比妳哋傍身嘅。小心啲，冇必要唔好比人入嚟...」華叔吩咐著二女，她們只有點頭示意。
「好，出發！」於是我們這支看似裝備精良的小隊，便再次向未知出發。
華叔一馬當先，Keith 緊隨其後，然後到 Suki，我則負責殿後。華叔向大街左右觀察了一會後，便快速地跑離大廈，一直走到馬路口才停下。
空氣中瀰漫著一股燒焦的味道，上空仍是白茫茫一片，遠眺一些大廈仍然在燃燒。
「我而家過去攞車，你同 Suki 幫我睇住路口，有異樣就過嚟... 同埋，你把嘢借我一用。」華叔向我展示了一下，不知何時拿走了的螺絲批。
「Keith，跟我嚟...」話音剛落，華叔已經跑開。
我偷望了身旁的 Suki 一眼，卻剛巧與她的目光接上，令我有一點尷尬。
「我知你想問乜...」還是 Suki 首先開口，「我只可以講之前同 Keith 有啲誤會，而家已經解決咗，所以我同 Keith 已經喺番埋一齊... 詳情遲啲再講，而家專心救咗人先！」
我對 Suki 這突然的話來不及反應，當我打算追問時，Keith 已經在不遠處示意著我們可以過去。
原來華叔找來了一輛專線小巴，坐在駕駛座的他正示意著我們上車。
「華叔叔，點解要搵咁大架車嘅？」剛坐下的 Suki 便急不及待問。
其實，這也是我的疑問。
可能我的表情已經被華叔看穿，他竟然向著我問，「Roy 仔，你覺得呢？」
「吖...」我不想被這突如其來的問題難到，於是我硬著頭皮説，「架車大啲，到時救多啲人都載倒吖嘛！」
眼看華叔只自顧地關門開車，沒有回應我的答案。我的心亦已經被面前一瞬即逝的情景吸引住，在我們逃走之時被喪屍圍滿的客貨車，已經沒有了它們的蹤影。
直至小巴離開了 Coco 出事的地方，他才淡淡地説道，「你講啱咗一半，揀小巴嘅另外一個原因，係因為佢冇防盜系統，唔會響到引曬四圍啲喪屍嚟。」
我確實沒有想得那麼透徹，華叔的細心和經驗，是我不能比擬的。而這也正正是我作為領袖時，所缺乏的東西。
不知是否錯覺，街上的喪屍好像比之前多了很多。還未離開鞍駿街，小巴已經把三隻喪屍撞飛，還有十多隻喪屍嘗試追趕著我們。
小巴先轉了一個靠左的急彎，然後再高速向右轉，我真的擔心小巴會失控翻側起來。
過了一個又一個急彎，小巴終於進入了較少急彎的恆康街。
雖然它們無法趕上小巴的速度，但每一路段都有新的喪屍加入追趕，使我們背後長期都有著十數個的"追隨者"。
幸好離開市中心越遠，喪屍的數目亦相對減少。為了減少我們徒步行走的距離，華叔打算把小巴駛至商場旁停下。
可惜前往商場的去路，已經給數輛被棄置的車所阻擋。華叔只有吩咐我們立刻下車，步行前往不遠處的恆安商場...