［人性/有甜］- 屍•家•馬鞍山（隔日更新）: Chapter 72 - 反常的素恩

我已經準備好迎接一切， Coco 亦把臉靠近我的下體，慢慢地把褲頭鈕和褲鍊拉開。

巨龍漸漸露出，Coco 還溫柔地以手托著巨龍，以免"它"被拉鍊刮傷。

轉眼拉鍊已打開至盡頭，巨龍完全外露，Coco 亦鬼馬地套弄了一下。

柔軟的質感，巨龍在微微彈跳著回應。

「嘩！你都好大反應喎！不過唔好誤會，我幫你唔係咁嘅意思，嘻嘻...」Coco 向我做了個鬼臉。



説罷她便用剛才拿出的紙巾，圍著我的巨龍在"包紥"。

我不明所以地望著她，她幽幽地説道，「我知你諗乜，我唔係唔想幫你解決，不過咁樣治標唔治本嘛！到時出番去比喪屍追嗰陣又刮過，都唔知點攪好！同埋，你話唔會成人之危家嘛，哈哈！」

她好像説得很有道理，巨龍在她的包紥下看來十分安全，她更不忘用膠紙把包紥物固定好。

「好，攪掂！」Coco 滿意地把拉鍊關上，褲內的壓迫感不減反增。

我面無表情的看著她，「唔洗扁嘴嘅！」她説，「我覺得自己好污糟，有啲咩都等我返去沖乾淨涼再講...」説罷她就在我的面頰上輕輕一吻...



我好像被重新注滿了動力，收拾好一切後便再次出發。

安全起見，我每次都重新確認一下去路才前進。由於喪屍們都被吸引到另一邊的升降機口，而黑暗的環境亦防礙著它們移動，我們一路都沒有遇到阻礙。

轉眼我們已經越過扶手梯，到達平台出口。
之後，我依照約定走向停車場的保安控制室。

遠處已經看見素恩焦急地在門外踱步，我們便加快腳步走到素恩面前。

「你哋咁耐先返嚟㗎，攪乜嘢攪咁耐？」素恩一反常態，一開口就是質問，然後打量著我和 Coco 後問道，「佢就係你個朋友呀？」



「噢... 佢叫 Coco，同之前個女仔 Carey 一樣係我啱啱識嘅朋友...」我被素恩突然的質問變得有點不知所措，「呀係呢，唔見佢同 Kimi 嘅？」

「我就係等緊你返嚟！我嚟到 Kimi 已經唔見咗，所以我諗住等你返嚟睇住入面個女仔，我就出去搵佢...」説罷她已經準備離開。

「咪住先，你唔好咁衝動！首先你唔知道 Kimi 比人捉咗去邊，你可以去邊度搵？第二係你啲武器已經唔多，計埋我呢枝回收番嚟嘅箭，你只係淨番一共三枝箭，邊夠武器去救人。第三，救人咁危險，呢啲嘢都係交比我做啦！」我滔滔不絕地説著。

「你講夠未？你講完我走得啦？」説罷她已經轉身離開。

我伸手捉著她的手腕説，「我咪叫你唔好走囉！交比我同你出去搵啦！」

「交比你？」素恩忽然用幽怨的眼神看著我，「交比你嘅人邊個有好結果？小喬？旋旋？總之 Kimi 我會去救，你嘅身手亦唔見得比我好。同埋，我唔覺得你可以走得開囉！入面嗰個要你去攪番掂囉！」

素恩想要離開，但我仍然拉著她的手不放。



「對唔住，你唔好走啦！我唔想你一個人去冒險...」我真誠地對她道歉。

「次次做錯先道歉有用咩？你再阻住我，係咪想多一個女仔因為你而犧牲？」素恩再質問道，「如果我要你即刻揼低佢兩個同我一齊走，你會唔會咁做？」

我猶豫。

「咁你而家可以放手啦！」素恩不等我答覆。

「好，我唔阻住妳，妳自己小心啲！呢度有兩樣嘢，你帶住傍身...」我説罷將箭和切肉刀交到她手上。

「保重...」説罷我便讓她離去。

「哼！」素恩頭也不回，便向錦英路的樓梯走去。

我看著她消失的背影，呆立一會後，才聽到 Coco 對我的説話。



「唔好意思，頭先妳講緊乜嘢？」我實在沒有留心 Coco 的説話。

「我話，頭先個女仔講嘅嘢好似口不對心...」Coco 沒氣地説。

「點解你咁講？」我百思不得其解，「吖仲有，頭先冇時間介紹，佢叫素恩，韓國留學生...」

「冇！純粹係女人嘅直覺。」Coco 自信地説道，「同埋我唔洗知佢咁多嘢，我哋都應該唔會再見...」

我用疑惑的眼神看著她。

「唔好問，都係女人嘅直覺。哈哈！」Coco笑著説，「同埋，你唔覺得凍㗎咩？我哋可以入去未？」

經 Coco 一問，我才記得我現在是上身赤裸的站著，一般寒風吹來，不禁令我打了個冷顫。



於是我們便開門進入保安室。