［人性/有甜］- 屍•家•馬鞍山（隔日更新）: Chapter 45 - 米線舖的芳姐

Suki 向著廚房內的人説，「我哋真係冇惡意㗎！之不過我哋好耐冇食過嘢，想問下你有冇嘢可以比我哋食啫！」

還是沒有回應。

「不如咁吖，我哋陣間會過去新港城商場嗰邊，你話比我哋知有咩想要，我幫你留意下啦！」Suki 開出條件。

終於，廚房門除除打開。

「嗱！你哋話嫁！」一個語帶鄕音的中年女人在廚房走出來，手上拿著一個不銹鋼湯勺。「不過，我唔洗你哋幫我攞嘢，我要你哋同我去搵我個仔，佢係新港城嗰間乜嘢巴侯士做緊 Sell 屎。」



我面有難色，新港城商場人流集中，𥚃面應該有不少喪屍聚集。若果太危險，我們也會毫不猶豫地折返。

但要是去找尋她的兒子，若遇到危險，她也應該不會輕易放棄離開，為我們做成不必要風險。

她見我們猶豫不決，便催促道，「制唔制，唔制就咪洗旨意有嘢食。」

我不屑於她的威脅，更考慮到這件事會帶來的風險，我硬著頭皮説，「咁算啦，我哋出去再搵嘢食！」説著我便動身離開。

「呀... 對唔住呀靚仔靚女，係我唔啱，至多你哋陪我上去，有危險你哋走先！出面好多嗰啲嘢，我唔敢行...」女人的態度突然一百八十度轉變。



「我明白嘅，我都係番緊去屋企搵媽媽...」Suki 突然雙眼通紅道，「屋企人唔見咗真係會好掛住...」

「唔洗擔心嘅，我諗佢一定無事嘅！我哋要有信心！」我只能作出這個無力的安慰。

Suki 伏在我的膊頭上啜泣，中年女人看後説道，「你哋唔係肚餓咩，嚟啦，廚房入面有啲雞翼食住先，我再煮啲米線比你哋... 不過，你哋唔好介意廚房入面有陣味就得喇...」

我們露出疑惑的眼神。

女人露出尷尬的神情，「你知啦，都咁多日，啲大小二便要解決... 我又唔敢出嚟... 不過，開大我有包住喺傳菜位掟出嚟，開細我就喺渠邊嗰度去，所以有少少臭...」



原來，這是異味的來源。不過對已經餓瘋的我，這完全不影響我的食慾。

之後我再吃掉兩大碗米線才罷手，在廚房休息了一會，差不多六時多才準備出發。

言談間，得知女人叫芳姐，數年前才由深圳申請來香港定居，現居耀安邨。有一個廿多歲的兒子在附近連鎖服裝店做 Sales，兒子的名字叫吳港生。

「熄咗燈先開門！」芳姐叮囑著我們，「佢哋好似對燈光好敏感。」

「哦？你又知嘅？」我好奇問。

「唉... 本身呢度有十幾人哩埋係度，一直都冇事，到咗夜晚有人話黑得滯開燈，啲喪屍就發曬狂衝入嚟，我好彩同兩個人入得切嚟哩埋，如果唔係...」芳姐説道。

「咁嗰兩個人呢？」我問。

「佢哋係兩公婆嚟嘅，第二日就話要走，問我走唔走。我果陣時仲好驚所以唔去，之後就冇再見過佢哋喇。」芳姐説。



於是我們就出發前往新港城商場。秋天的好處是比較早入黑，而黑夜又對我們有絕對優勢。

我們越過一小段馬路，停留在一條長樓梯之前向上觀察。

扶手梯上方的天橋好像沒有危險，我們便沿著樓梯慢慢向上走。

順利來到二樓的行人天橋，右手邊便是新港城商場入口，𥚃面漆黑一片，看來室內照明已經關閉。

另外一邊是通往二期屋苑的天橋，確認沒有喪屍後，我們便不加理會。

我們全部蹲在商場的玻璃門外，空氣瀰漫著一陣熟悉的血腥味。我們嘗試透過街燈窺看裡面的情況，但視線非常有限。

迫不得已，我拿出並開啟手機以使用手電筒。由於手機沒有訊號，我從第一天已經把它關掉備用，所以還有大約70%的電力。



為免刺激到喪屍，我盡量呈水平向地面照去。在可見的範圍內，好像沒有它們的蹤影。

我示意她們可以進去，然後慢慢地把玻璃門打開，血腥味撲鼻而來。為免被喪屍發現，我們繼續半蹲著前進。

商場門口旁的千色零食店關上了大閘，無法內進，我們便深入商場的方向繼續探索。

跟據之前和芳姐的協議，我們會先找尋食物，日用品和衣服，最後才會去連鎖服裝店找尋她的兒子，這也是順著由這裡進入的最佳路線。

我們到達了萬寧的門前，它跟屈臣氏和超級市場都是我們要重點找尋的地方。因我們所需的食物和日用品，都可以在這些地方找到。

但是，看來我們運氣不佳，因這兩所店皆是重門深鎖。