［人性/有甜］- 屍•家•馬鞍山（隔日更新）: Chapter 33 - 巴士之夜

「我哋番咗嚟一陣都冇講個嘢。唉... 一班由細玩到大嘅好朋友，就喺幾分鐘內冇咗兩個。仲要喺我哋面前比人分屍，真係好難受... 之後都唔知過咗幾耐，Kevin 大叫話 PK 喇，我比喪屍搲損咗！我哋即刻過去睇，見佢隻手真係有幾條血抓痕，不過唔係好深。跟住見到大佬明隻腳都有抓痕，但係佢哋都唔覺有咩唔妥，所以就無再理。」阿俊繼續訴説著他的經歷。

「之後我哋就食晚飯，我見個女仔冇野食，就諗住攞啲比佢。點知大佬明好大反應話唔比，除非佢肯代死咗個女仔同佢攪。」

「嗰女仔話寧願餓死都唔肯，大佬明聽到之後就發咗癲咁走埋去個女仔度，撕開佢啲衫同除咗佢條短褲，就咁強姦咗嗰女仔。我諗住叫埋 Kevin 幫手阻止佢，點知佢話，上次無攪到條女勁後悔。而家出面咁嘅環境，有得屌緊係屌！跟住就走埋過去。」

「我唔想睇住佢哋，所以就走咗去車頭食嘢。過咗一陣，佢哋應該攪完，大佬明就走埋嚟叫我去攪條女，但係我就話唔好喇！跟住仲比佢話我扮道德撚添。其實，我喺唔想執佢哋二攤啫，哈哈！」阿俊的笑容有點牽強。

「之後都冇乜特別嘢發生，佢哋都仲有攪個女仔，跟住冇幾耐我都瞓著咗。到我第二朝瞓醒，就發覺個女仔同我兩個 friend 都唔見咗。咁我就落樓下睇下啦，點知都唔見佢哋，但係度前門就開咗，咁我咪嗱嗱臨去閂返度門囉！跟住我就喺架巴士度成個下晝，食埋剩低啲嘢，之後就見到你哋嚟喇。」



面對滔滔不絕的阿俊，我也想不到應該給予什麼的反應，「唔使咁擔心嘅，可能佢哋出咗去搵嘢食呢！」説著我也覺得這個理由十分牽強。

「算吧啦，我已經打定輸數喇！咁你哋呢？點解會去到呢度嘅？」阿俊問道。

於是我便簡約地説著來到這裏的過程，順便向阿俊打探一下有沒有見過我弟弟一行人或 Karen 出現。

「吖，呢幾日都見倒有唔少人經過，都有唔少一男兩女嘅組合。不過，就唔肯定有冇你嘅朋友喺入便。係呢，你哋而家打算點？」阿俊問。

其實，我真的沒有細想過。



「吖，其實我想搵返我細路同啲朋友先。跟住就去恆安嗰邊...」我只能説出一個大概的計劃。

「哦... 不過唔係打擊你，如果呢一、兩人都搵唔倒佢哋，你打算繼續搵幾耐？一個禮拜？一個月？喺出面行多一秒就多一秒危險。更何況出面嘅環境，要搵人又談何容易呢？」阿俊笑著説，「倒不如定個時限，三日、或者一個禮拜，搵唔倒就要開始為自己長遠打算。」阿俊又忽然變得嚴肅。

我不是太認同阿俊的想法，始終他們是我的親友，我不會這麼輕易就説放棄。正想回應他時，躺在對面坐的素恩有些動靜。

「Ah... are you okay?」我走過去跟素恩説。

「Um... my head... still hurt...」素恩按著頭道。



「May be you can take a rest...」我不知道該怎麼辦。

「Hello, do you need some water?」阿俊在我身後搶著問。

「Ah... yes please...」素恩感謝地點頭。

「Here you are, enjoy...」阿俊原來一早已經預備好。

「Thank you... Ah... You are, Roy's friend? Nice to meet you...」素恩問。

「Yeah, my name's Fran, Frankie... I just met Roy here, nice to meet you too...」阿俊用不知道是不是剛剛才改的英文名去介紹自己，令我忍不住想笑。

「頂，你笑乜嘢喎，你之前又冇問我嗰英文名...」阿俊滿面通紅。

「明㗎喇，阿俊。吖，唔係，係 Frankie 先啱，我都 nice to meet you again ar, 哈哈哈哈！」我忍不住大笑。



「Ah... 其實，我喺度有學廣東話，如果唔介意我嘅口音唔正確，我哋可以講廣東話嘅。」素恩伸著舌頭説著。

我與阿俊 (即係Frankie) 都面色一轉，應該都想説，「頂！你唔早講！」

Frankie 想了想問，「咁，點解你會暈咗嘅？」

「應該問...」我忍不住搶著去問，「喺你暈之前，到底發生咗咩事？同埋你男朋友同 Karen 去咗邊？」

「吖，我明白嘅。不過有一樣嘢我要澄清，孝信，並唔係我嘅男朋友...」素恩淡然地説出了，一個令我覺得驚訝的事實。