［人性/有甜］- 屍•家•馬鞍山（隔日更新）: Chapter 5 - 地產舖

「嘩，好似好多人咁！」一把陌生的女聲響起。

「我叫Eva，呢度啲人叫我 Eva 姐，喺呢間舖嘅經理。我唔介意你哋嚟避一避，不過唔好亂攪公司啲野！」

「八婆收皮啦，你頭先唔喺想鎖門唔比我哋入嫁咩？依家又扮好人！」說話的，竟然是一度走失的巴士大叔。

「如果唔喺我頂L住度門，我哋全部死L曬啦！」大叔罵得正起。

「你條友衝入嚟我都未同你計，呢度喺公司財產，我依家報警趕你哋出去都仲得呀！」Eva 不甘所弱。



「報警！哈哈！你咪報囉，出面咩情況你都唔知！我強哥夠膽話我喺度姦9你都冇人救倒你！」

「超！強哥？強伯咋話。睇你個款，就算有得比你屌，你都冇L用啦！」

「屌你吖，我而家就...」大叔正想行動，卻被 Ben 按著。「你哋收聲啦好冇？出面啲野就衝到入嚟啦，到時盞大家一鑊熟！」

「你咪兇我啦，無啦啦衝曬入嚟話有喪屍，你哋睇戲睇到 shot 上腦吖？」Eva 繼續呼喝。「都唔知喺咪同出面的人夾埋玩野，啲化妝差啲囉！」

「Eva 姐，你見唔倒唔怪你，不過有喪屍呢件事係真，我哋亦唔需要攪咁多野為咗入嚟。」Ben 耐心解釋。「依家我哋真係要諗方法離開呢度，呢度有冇樓梯通上樓上？」



「嗱，好似呢位哥仔講野咪好囉，有咩平心靜氣傾吖嘛。」Eva 的態度 180 度急變，不禁令人側目。她不其然走到 Ben 面前，用手摸著他的胸肌。「嘩，你都幾大隻嫁喎！」

「喂你痴線㗎？亂咁摸人！」Karen 甩開 Eva 的手，怒視著。

「哦...原來有條女喺度！」Eva 打量著 Karen。「不過，一般貨色啫，哈哈。」

兩女正要開展另一場戰爭，此時久被忽略的喪屍群已把一塊玻璃打破，但礙於塞在玻璃前的枱櫈，喪屍暫時不能湧入，男仕門見狀立刻上前頂着枱櫈，但這情況不能持久。

「Eva 姐，快啲諗吓方法啦！」Vicky 急道。



「你哋快啲搵吓有冇樓梯或後門之類。」Ben 頂著枱櫈，説得吃力。

「唔冼搵啦，呢度得外面有度門通去樓上，不過樓上唔係我哋既地方，大門鎖咗我哋唔會上倒。後門就有一個，不過一出去你哋自己就要諗走去邊。」Eva 語氣不佳地説道。

「我哋？咁你唔打算走？」Keith 問到。

「哈哈，你當我儍㗎留喺到？我間屋喺附近，我緊係番去先，不過我冇打算招呼其他人！」Eva 趾高氣昂地說道。

「求吓你啦 Eva 姐，我哋就咁走出去實死梗㗎！」Vicky 懇求著。

「係啦，多個人多個照應嘛。」少女幫口。

「何況我哋背囊有好多野食，我哋都未知有冇人嚟救，多啲野食會好啲。」Suki 加入遊説。

「其實你哋嘅生死唔關我事，況且你哋咁多人，多多食物都好快比你哋食曬啦！反而我一個人喺屋企，好肯定夠食兩三個禮拜。」Eva 不肯讓步。「不過，見你哋叫得我 Eva 姐，你哋咁瘦又唔似好大食，我比你哋嚟啦！叫埋另外嗰兩個靚仔，其他無謂人，喺度食自己啦！」Eva 指一下 Ben 跟 Keith 説。



估不到這個女人，竟然要將我們分化，還要將我們一些人（包括我）留在這個鬼地方。

Eva 好像看見我們表情的變化，轉身便走。正當我想阻止她離開時，身邊一個黑影閃過，朝著 Eva 走去，當 Eva 發現黑影走近時，已經太遲...