愛神丘比特: 第一章 愛神降臨

我個名叫葉耀文,三年前我父母就因車禍身亡,只係留低我同細妹兩個相依為命,由於我唔想同細妹分開,16歲既我自己就唔讀書走左去打散工,一日兩份,先勉強可以照顧到細妹。
本來我以為我一直可以勉強落去,但係有次當我打工既時候,突然覺得天旋地轉,醒返既時候,已經係醫院到。
「啊.........」我慢慢打開眼,望下四周圍,周圍都係病床,我意識到自己訓左係醫院。
「啊哥!!!!!你醒返啦!!!!」細妹激動咁講
「係啊.....咦,點解我會係醫院既?」
「啊哥...醫生話你...末期腦癌,宜家得返半年命...點算啊!!!爸爸媽媽已經離開左我地啦!!!得返我地兩個!宜家你都要離開我!!!」細妹邊講邊喊,雖然我比尼件事嚇親,但見到細妹咁做啊哥唔可以喊
「細妹唔好哭,我諗可能係醫生搞錯左姐,呢!成日都有嫁啦,以為係有癌症,其實係無事呢!啦你記唔記得......」我不斷安慰細妹,佢既情緒都慢慢平復返落黎。
「細妹,聽日妳仲要返學啊,妳宜家返左屋企先,聽日再黎啦,,可能真係搞錯!你睇啊哥咁精神,點會似係有末期腦癌既人呢?」
「嗯...我啊哥咁精神,一定係醫生搞錯,啊哥咁我返去先,有咩要就wts我啦!」細妹邊揉眼淚邊講。
望住細妹走左之後,醫院病房一片寧靜,我訓返係病床到,覺得所有野己經無所謂。




「只有半年命,咁多年黎,我咩都未試過咁就要死..神你對我真係好,教識我咩叫絕望....」
「唔準你咁講上帝既壞話~若果真係對你衰就唔會派我過黎搵你啦~」
「唉?!邊個講緊野?」我打開雙眼,尋找剛剛聲音來源,但四周圍都無人。
「啊啊,末期腦癌會導致幻聽...」
「喂,人類,我係你頭項啊!!!」
「?」我慢慢往上望,只係見到.......白色底褲?!?!
「啊~真係咸濕~第一次見人就望人底褲~」
我唔敢相信自己既眼前既物體,一位少女背後究竟有對翼,雪白同好多羽毛既翼...
「妳究竟係....」
「我個名叫丘比特,世人稱我為愛神~黎尼到既目的就係要救你啊~」




「..點解要救我?」我好奇問眼前既神
「上帝愛護佢地既子女,每一個人既命運都係由佢掌握,上帝見到你咁既糟遇,唔忍心所以派左我落黎幫你~令你有美好既人生~」
「好啦咁我地開始啦~」愛神微笑望住我。
「咦?.開始D咩.............................」
突然之間,我既意識漸漸蒙糊。