我同阿妹交換左身體，去左女校返學……: 原作者Q&A

跟住呢就回應吓你地對於結局嘅睇法同少少疑問 


點解個結局係咁？ 
首先好似有幾位巴打對於嘉晞失憶嗰到比較介意 
其實最主要啦係想寫兩兄妹，就算唔記得咗佢地已經熟返，破冰其實依然係一件唔難嘅事黎 
尤其嘉晞由故事一開始，未交換嗰晚，已經想要一個肯關心佢嘅角色（啫係關心佢嘅阿哥） 
一世人兩兄妹 坦承相對 係嘉晞失去交換嗰段記憶底下都嗡得出嘅說話，其實佢一直以黎嘅心聲。 

至於手波比賽結果呢！其實阿鈞佢入波暈低嗰下，已經係八比八平手 正如幾位巴打提過，我廢事畫出腸啦 想喺結尾集中寫返兄妹、屋企同靖瑜 




不過我認，對於梁家穎同栗子妹係處理得唔多好...睇下以後有冇機會再見佢地先 比返個交代佢地 

到底最尾阿鈞係老豆衣櫃係咪再見到啲咩呢？ 
呢個我諗後記有講多咗少少，冇錯，其實唔係阿鈞特登拎阿爸出軌件事重提，而係衣櫃入面真係仲有嘢。現實上係咪有男人咁蠢呢？我都唔好意思答  係有嘅。惟有叫啲要出軌嘅人講聲，你唔好傷害人地啦，或者至少唔好留低蛛絲馬跡等人發現嘛 

點解係都唔比個好啲嘅結局比佢地屋企呀？ 
無辦法 個故事好似算寫實 我都想寫實 （Stop la啦交換點寫實呀 ） 
同埋後記都有提 解脫未嘗唔係一個好嘅結果

樓豬你是咪李靖瑜？ 




  大家唔會真係當咗個故係100％真人真事架可 
我唔否認入面好多角色嘅背景同特質都比我寫咗入去 
不過其實格硬要講嘅話，差唔多個個角色都有我嘅影子 
所以都係比靖瑜做返靖瑜啦 

樓主是咪同屋企人交換完／讀咗女校 
冇交換過 你地有真人真事請分享 
同女校係有啲緣份嘅 

做咩咁趕住完故？ 




其實本身諗住寫個好短好短嘅故（我知，好明顯冇用腦） 
跟住寫寫吓發現唔對路 交換故點短到 
所以就隨心寫到覺得差唔多停嘅位就停了 
不過見到你地叫我寫到去結婚定係出黎做嘢 真心嚇咗嚇 
仲有個原因就係 我第一次寫故啦 寫寫下真係發現讀書時嘅寫作技巧差唔多比返晒老師 
所以想自己睇返多啲書先再寫長故 

是咪比人威脅完故 
真是冇呀 純粹比故事入面一個角色發現咗呢個故同埋發現佢比我寫咗入去 情況有少少Hi Hi啫 
而家都冇咩好怕了 

寫加甜／續集／外傳好冇？ 
甜故唔識寫 
續集／外傳未答到住，其實我想寫，但我又好想花多啲時間睇吓書 不過初步idea已經有了（其實寫到中間已經開始有） 
人物應該仲係有一半會保留，係呢個故嘅其中一個角色做主角 




如果下個故唔一定係交換故 你地仲會唔會睇