給我的是這樣甜（完）: 16.sex on the beach

我整個星期也做著同一個夢，仿佛一切也來得有意思。我越是怕就越忐忑不安、越對她若即若離，一來怕善兒不相信真相，二來怕變回女生就不能再與她一起。

「文傑，想約你今晚去酒吧，你得5得？~11:16」是fiona傳來的。我其實應該避忌些，畢竟fiona對我的好感和行為也過了火，但她卻是我以往最親的閨蜜。

「好~今晚9點半見。~11:25」我回應。

我還是答應了會去。

「文傑~你呢排做乜神不守舍甘呀？」善兒坐在我身邊聽講課，一直與我十指緊扣。



「我……訓得唔好……」我苦笑。

「發惡夢？」她問，我呆了一會兒，有點撒嬌地對她說:「我想你晚晚喺我隔離陪我訓……」我很怕，很怕不再是谷文傑。她發笑了:「我都未見過甘無賴既男人既~」我耳朵也紅了，大概是我骨子裡太小女人。

「甘……我個hall點?quit左住邊呀？」她問。

「其實我都唔知……但係，我好想妳晚晚喺我身邊。」

她緊靠著我肩，偷偷地嘴角含春。



「如果我有左，你會唔會娶我呀？」她忽然烘近我。

「就算妳冇bb，我都會娶妳。」我答得甚爽快，卻有些沮喪。只是怕，妳不會嫁給一個女人……

「甘，如果我係個女人，妳估妳仲會唔會中意我？」我表情生硬了，不敢抱半絲期待。

「我淨係知我中意你~」她瞇起了笑眼，我很陶醉。

「曾經滄海難為水……」我眼中只剩下她。「除卻巫山不是雲~」她微笑。



沒錯，我心中只有他。但係鳩痕既時候我都係一個普通既男人。她晚上沒空，而我約了fiona，又可能見過fiona後，我會去酒吧找上次那個bartender。阿sam講過，「我食女係好有原則既，不屌老弱肥膏，不溝細路人母。軟飯可免則免，不過餓起上黎，粥粉麵飯通殺。」我冇去深究，因為我目標是結婚對象，而非為食而食。不否認亦要解決需要。

男人天性就有種傳宗接代的訊息在腦海，而女人，扶助建立及守護家庭。但當社會成形，身份不再單一，每個人的需要不似原初社會般單一，是否應該容許人類去放任？

「文傑！」fiona以往甚少穿得那麼少布，今夜卻出水芙蓉。

「兩杯sex on the beach~」她對調酒師說。

「喂，我以前都冇見過妳著成甘……」我有些看不過眼，就如以往般直言。

「你以前……見過我咩？」我仿佛說錯了，立刻釐清：「之前……夜場果次囉~」酒放在我倆面前。「你甘留意我既？又知我甘多野~」

「你係谷文希閨蜜，我梗係知~」我苦笑，閨蜜對自己「起痰」，呢次真系傑過宋世傑……

「你……约我有事？」我立刻轉方向。



「朋友唔約得？」「得~梗得架~……」我呷酒定驚。

「其實……」「其實我女朋友真系唔會呷醋，放心~」我有意無意地試探她。「你有女朋友拿？」她眼眸閃過一絲失望，令我知道我直接比拖着更好。「係呀。妳呢？」我說。「冇呀。」她淡然地說。

她一口氣把cocktail清光，「比杯macallen我。」

「唔洗喇！埋單唔該。」我很迅速地說。記得有次她失戀，她又拉我來狂飲，四杯就醉得使我很麻煩。「你做咩阻住我？」她連我的酒也搶過去，「喂！我架……」「我要飲酒，我唔埋單……」「唔得呀！唔好飲！……」「點解唔比我醉……」「fiona！你飲四杯就冧，我唔會好似之前甘拖你番去架~一係我陪你行街喇。」她呆望我，我不懂反應。

「文希？……」我迴避她眼神：「我意思系，你……個樣似四杯就醉，我怕要好似喺夜場甘救你。一系我地行……下條街，就走？」我努力地挽救，但她仿佛沒理睬我的辯解。

「食甜品？」她忽然說。這回我刻意猶疑下來，她說：「兩個幾月喇……唔係話過入左A1之後要一齊去食……」

「123lab 既testube同芒果拿破崙……」我與她異口同聲，「架咩？」



「你話要我跟埋你同你未來女朋友去荷蘭，做你伴娘~」她很堅定不移的眼神，仿佛已認定我是谷文希。

「你點解會變左「你细佬」既？係米同果次沉船意外有關？」

「我許左個願。」

「柯心潔……」她果然是最了解我的人。

「至於其他野，我一概唔知……」我微笑：「但我女友唔係柯心潔。好啦，我地去食甜品？」