一次無心嘅表白，竟然令到佢同咗我一齊: 第三十三章

其實我原本諗住同阿靜食m記，但聽見佢有幾聲咳，於是提議去食粥。

雖然一般粥鋪嘅粥都係水多米少架啦，但嗰兩碗白粥嚟到，我細心研究咗陣，真係忍唔住講咗句：「仆你個街，做咩俾碗洗米水我呀！」當然，只係係個心到講……

之後阿靜叫咗碟（冰）鮮蝦腸粉，但我發現佢唔係諗住食啲腸粉，而係諗住玩啲混醬。

我苦笑咁問：「你想點呀……」

「好玩呀，你睇下啲醬，同啲蛋黃一樣咁流，好好玩呀，嘻嘻~」





請再一次原諒我心邪，我個腦又浮現出一啲類似嘅白色液體……真係唔知啱唔啱玩呢……

係阿靜玩完之後，我為免執枱嗰個會問候我祖宗18代，於是我將啲混醬倒落我碗粥到……

阿靜俾我呢個舉動嚇呆咗，見我食咗一啖之後即刻問：「點呀，好唔好食呀？」

「你試下咪知囉！」說罷我就試圖餵阿靜食呢碗混醬洗米水。

你推我檔咁擾攘咗一陣之後先回復返正常。雖然間鋪啲嘢食係好通，但加埋我同阿靜嘅回憶，呢份味道真係無可取締。





「我今日約咗人呀，陪唔到你呀，sorry呀傻婆……」

「又係chloe同hailey呀？」

我相信阿靜絕對唔係咁小氣，佢只係關心我啫！

「今次真係唔係，男仔嚟，不過你唔識。」

「咁好啦…」





「傻瓜，如果你想嘅可以一齊嚟架！不過你唔好介意條友太mk就得啦。」

「嘻，玩下啫！你去啦，不過唔好咁夜返屋企喎！」我嘅阿靜真係呢…

「知啦！你呀，病就唔好飲凍嘢啦！記得飲多水，記得……」

「係唔係啦！長氣！」我想架？鬼叫你大小姐身子弱咩……明明淋到隻水鬼咁嘅係我，但病嘅幾乎滴水不沾嘅你咩……

送完阿靜返學之後，我都夠鐘返去上堂。

轉眼間，時間已經去到下晝6點，平時同阿樂出街都得個聽字嘅我，終於可以將呢個幾月嚟發生嘅嘢包括阿靜上過我屋企都話咗俾阿樂知。

點知阿樂聽完第一句就問：「食咗未？」

我只好苦笑咁回一句：「食咗，俾阿靜食住咗……」





「冇撚用。」阿樂拋低呢句評語後又再次搶返個發言權，又同我講佢食咗幾多女。嗰刻真係有少少望佢用開啲套都穿哂窿。

經我苦思咗10幾個鐘都對三雌碰頭毫無對策嘅低下，我返到屋企已經放棄諗解救方法，最好佢哋傾掂哂數，由我一妻兩妾，從此打麻將都唔洗搵腳就最好啦！

當然，我對阿靜咁專一，點會希望發生啲咁嘅事呢！係距離佢哋碰頭愈近，我上堂嗰陣就愈驚，仲差啲大叫：「共慘黨殺到黎，香港九龍新界無得避，要化身玉皇大帝打救蒼生……」

呆呆滯滯咁終於捱到落堂，我同阿靜先係太子到等，之後再落荃灣搵chloe同hailey佢哋。

沿途我個腦都係不停浮現緊前晚嘅超級惡夢……硬係覺得佢哋一間會開拖，一間你扯我頭髮，我打你塊面，跟住唔知邊到突然有條水喉通浮係半空同佢哋講：「拎起我打佢啦，係我唔忍啦。」之類嘅說話……雖然係幻想下啫，但都咪話唔得人驚，係人都知，女人打交仲凶殘架啦……

終於，到咗荃灣，同時我電話響起一首都可算係禁忌嘅鈴聲……

＜愛你是孤單的心事，不懂你微笑的意思……>（藍又時：孤單心事）





我連望都未望手機已經話：「chloe打俾我，等等。」

然後我就見到阿靜嘅表情突然變得過份和善…………而當時嘅我竟然冇為意呢點咁危險嘅地方……

「啊，咁得意嘅，明明其他人你都係一樣嘅鈴聲，點解係得chloe嗰首咁唔同架呢？」

我已經放棄辯護嘅機會，寧願早啲認罪博輕判……

「咁…你知啦…我之前鍾意佢架麻…」

係阿靜未有時間提出第二個問題出嚟審我之前，我嘅救星出現……但係個鈴聲之後，我都知救星都變咗剋星…

突然，阿靜係我耳邊講咗句：「chloe對波大過我呀！！！！！」

《當女人認為你錯嘅時候，認錯係唯一嘅方法……》