再遇上中學女神: 1

2015年8月8號...我再一次同我中學既女神...阿婷有番聯繫...自從中四留班離開中學後...除左係街到撞過一次及一次搭單去吃飯見到之後...就無左見了

我係阿洪...係呢個故事既主角...一個平凡既男人...戴眼鏡...短頭髮...178cm高...瘦既身材...都係鐘意打機踢波咁。

自從上次拍拖戴左帽後就再無拍過拖...一直都單身左幾年...

有一日番番下工果陣...突然收到個whatapps...由我其中一個好兄弟阿庭既女友T小姐send黎

T小姐:「8月14號約左阿婷吃飯喎...黎唔黎呀?」





阿婷係我中學既女神黎...形容一下...佢係比較高瘦既女仔...好斯文...好弱質纖纖既感覺...善解人意...不食人間煙火...好有氣質咁。

「好呀，果日我放假」一聽到同女神有機會再見...咁緊係即刻話去啦...雖然知道佢早兩年做左人老婆...咪當聚下舊傾下計都好呀。

「咁過兩日再話妳知吃咩啦!」係到要提一提...T小姐同我兄弟阿庭都係我既中學同學...由中一就開始認識...但佢地當時係仲未認識兩方既。

睇完個whatapps後...上左facebook睇下阿婷既近況...緊貼番個近況嘛...

之前其實都聽過T小姐提及過阿婷去左我以前番工既寫字樓做...果下突然間個頭"叮"左聲心諗(inbox佢唔知會唔會覆我呢...)





諗完唔夠幾秒就已經向佢打左個嗨字...

過多一分鐘到...


xxxxx xxx發了訊息給妳...