(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 95
Chapter 95
回程時，Jude趁我獨個兒的時候，問道：「阿帥，究竟你同嗰個達輝嘅真正關係係咩？當佢唔見咗嘅時候，你不斷咁叫阿俊，唔熟水性嘅你又奮不顧身跳海，我覺得你地嘅關係唔似咁簡單？你係咪隱瞞住啲咩？」
我瞧著Jude，我可以對大舊隱瞞、我可以敷衍阿雄，但面對我視為姐姐一樣的Jude，我只能開誠佈公，向她說明達輝就是我的弟弟刑英俊。
Jude聞言嚇了一跳，道：「又係另一個平行世界過嚟？」
「阿姐，細聲啲喔！妳咁大聲其他人會聽到架。」
Jude臉色凝重，道：「又一個係另一個平行世界嚟人出現係你身邊，咁奇怪？唔知邊解我覺得嗰個阿俊怪怪地咁，阿帥，你要小心啲啊！」
「阿姐，妳唔係懷疑阿俊會害我啊！佢係我親生細佬嚟架，如果要害我嘅話，頭先就唔需要救我啦？」
「阿帥，我唔知你點睇，但係女人嘅直覺話畀我聽，佢唔係咁簡單，頭先佢以講笑嘅口吻用刀指住圭司嘅時候，我真係好心寒，我覺得佢真係打算劏咗圭司；佢劏魚嘅時候，雙眼流露住嗰種狂喜嘅眼神，真係好恐怖啊！」
Jude的話，我沒有放在心上，我和阿俊是親生兄弟，我不能相信他會傷害我。
這天，媽子要田中到我家吃飯，
我Whatsapp她：
我：今晚我收工接妳。
田中：唔洗啦！我依家上你屋企。
我：我屋企無人，你依家上去都無用。
田中：伯母配多咗條匙畀我。
我：妳咁早上我屋企做咩？
田中：上次我見你屋企咁亂，我想上去打掃一下。
我：係咪每一位女仔都容忍唔到男仔家中嘅凌亂，一定要加以整理。
田中：阿帥，可能我幫唔到你執屋執幾耐，你得聞要自己執下啊！
我：田中，妳講咩？係咪發生咗啲咩事？妳唔好嚇我。
田中：嘻嘻，你唔好旨意隨便整亂間屋，會有人幫你執。
我：嚇得我喔，我以為妳又要走，妳知啦，妳要走嘅話，我實追唔到。
田中：咁你奸爸爹！
我：我只係會為咗妳奸爸爹。
我下班回家，回憶起以前回家的時候，在家的田中一定會對我說：「餓 Car er lee。」
但當我把門敞開，預期的畫面並沒有出現，我喚道：「田中～」
沒有任何回應，難道在房間，當我扭開房間的門柄，入目的畫面把我震撼得把鎖匙掉在地上。
我看到阿俊把田中壓在床上。
「阿俊，你做咩？」
正打算侵犯田中的阿俊聞言，停止進一步行動，不斷掙扎的田中趁機掙開了阿俊，躲到我身後。
我轉向田中，問道：「田中，發生咗咩事？」
田中泣不成聲，用手捂住嘴巴，全身發顫。
我擁著她，撫著她的背，安慰道：「唔駛驚！有我係到，無人可以蝦妳。」
我瞧到田中一副梨花帶雨的可憐模樣，我怒從心上起。
沒有人可以欺負田中的，我不許有任何人欺負她。
我揪住阿俊的衣領，喝問道：「你對田中做啲咩啊？佢係我女朋友，換言之係你阿嫂嚟架？」話畢我一拳揍在阿俊的臉上。
因為田中被欺負的關係，我這一拳打得很重，把阿俊打得頭仰後撞向牆角，鼻血直流。
受了我一拳的阿俊，臉容變得猙獰扭曲，他不知從那裡來的力氣，把我反壓在身下，還我一拳，他這一拳把我打得眼冒金星，我奮然一腳蹬開他。
這時我已失去理智，站起來撲向阿俊，我們二人扭打一團，阿俊的力氣比我大，我被打得很慘。
「喂，你地兩兄弟做咩？快啲停手啊！唔好再打喇！」
我們聞言，終於回復理智，住手不打。
喝停我倆的正是媽子，我和田中坐在一邊，媽子與阿俊坐另一邊，媽子時而望向阿俊，時而望向我，我們兩人身上均留下明顯的打鬥痕跡。
媽子沉聲問道：「你地兩個做乜打交？」
我聞言，怒火再度重燃，道：「佢想攪田中？」
媽子聞言一臉震驚，難以置信地道：「阿…阿俊，阿帥講嘅嘢係咪真架？」
阿俊冷笑道：「我依家講咩都沒用架喇，妳只係會信晒阿哥、企晒係阿哥嗰邊，由細到大妳都偏心佢，妳以前選擇犧牲我，依家咪報警拉我，話我強姦囉？反正咁多年嚟，妳早就已經忘記咗我。」
我大怒，衝向阿俊面前，媽子拉著我，我罵道：「你依家咩態度？你做錯咗，無一啲悔意不特止，仲咁同媽子講嘢，你死咗，你知唔知媽子幾傷心啊！」
「咩啊！你依家擺起個大佬款教訓我啊！你不過比我早出世幾分鐘咋，除咗依樣，你有咩叻過我。」
阿俊的執迷不悟令我再度失去理智，我一拳打在他臉頰上，阿俊舉起拳頭想還擊，媽子擋在我們二人身前，喝道：「唔好再打，你地要打嘅就打我。」
架鐵定打不成，阿俊拉開閘，道：「妳始終都係企係佢嗰邊。」
我喝道：「死仔，你去邊啊？你快啲返嚟同田中道歉啊！」
阿俊沒有鳥我，逕自走遠。
以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl