(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 91

Chapter 91
 
晚上，阿俊與我同房，他睡在床上，我則睡在地上，這情況令我回想起與田中同房而睡的日子。
 
「阿俊。」
 
「嗯，咩事？」
 
「我估唔到有機會見翻你，我細過成日諗如果你仲係到，我地兩兄弟可以一齊踢波、一齊玩、仲可以好似依家咁瞓係到傾計，我真係好開心啊！」
 




「阿哥，我都一樣啊！」
 
「阿俊，我估唔到真係有平行世界嘅存在，更估唔到依啲仲難過中六合彩嘅事會發生係我身上，田中係嚟自另一個平行世界；而你又嚟自另一個平行世界。」
 
「哈，我仲以為我依個世界上得我一個人唔屬於依個世界，估唔到仲有另外一個人，更估唔到依個人係我未來大嫂，咁我都無咁孤獨？」
 
我想到光碟裡面與我長得很像的那個人，又想到曹尼瑪說殺田中的傑克信徒已經來到我們的世界。
 
那個與我像得很像的傑克信徒，難道會是阿俊？
 




想到這裡我決定試探阿俊，我道：「阿俊，你話你曾經係日本實習，咁你有無係北海道騎過渡渡鳥？同係東京迪士尼見過恐龍？」
 
「渡渡鳥係北海道？東京迪士尼有恐龍？阿哥，你唔好玩啦？渡渡鳥同恐龍已經絕咗種？」
 
「但係田中嗰個平行世界裡面，渡渡鳥同恐龍都未絕種喎？」
 
「阿哥，其實你係咪有啲咩想講？」
 
「阿俊，我唔知點講，我睇到一隻光碟，光碟嘅內容係一位戴住傑克面具嘅人姦殺咗田中，而嗰個人同我生得一模一樣，所以…」
 




「所以你就懷疑我係嗰個戴住傑克面具嘅人。」
 
「阿俊，對唔住，曹尼瑪話嗰位傑克信徒已經嚟到我地依個世界，佢已經殺咗好多人，我驚佢會再次傷害田中，所以我先問多句，既然你嗰個平行世界無恐龍同渡渡鳥，咁你即係唔係傷害田中嗰個人。」
 
「阿哥，唔好講埋啲傻嘢，其實見番你同媽子，我已經好開心，你保護心愛嘅人嘅心情，我係好明白，我曾經都一樣。」
 
當我聽到阿俊與他鍾愛的人的事，我就像每一位哥哥一樣，對弟弟的戀事生出強烈的好奇心。
 
我問道：「阿俊，你咁本事，同你一齊嗰個女仔一定係好好好架喇！」
 
「佢的確好好，佢同田中一樣都係一位好好嘅女仔。」
 
「咁你地點啊？有無結婚？」
 
「因為一啲誤會，我對佢做咗一啲好嚴重嘅傷害，係好難彌補。」




 
「你做咗啲咩錯事？你話嗰女仔好似田中一樣，咁我相信只要你誠心認錯，佢一定會原諒你。」
 
「太遲喇！係佢身邊已經出現咗一位男仔。」
 
「吓！嗰位男仔條件好好架？」
 
「完全相反，嗰條友條件好差，會考好低分，人又生得矮又樣衰，一無事處，但係我鍾意嘅女仔唔知點解就好鍾意佢。」
 
「哦！阿俊，雖然我無你咁叻，但係我都知道感情依方面係勉強唔嚟架。」
 
「嗰條友同我關係好密切，但係佢就好鍾意同我爭嘢，由細到大都同我爭，無論係咩嘢佢都要同我爭。」
 
一陣勞累猛然襲來，我的眼簾變得很沉重，我打了一個呵欠道：「哦！阿俊，我好眼瞓，不如下次再講啦？」
 




「阿哥，條友好討厭，如果嗰條友唔再係度阻止晒，你話幾好呢？」






以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl