《我無啦啦得到咗穿越時空嘅能力》

──序章──

我想着想着，連被子也沒有蓋好，便倒在床上睡着了，我又再一次發上同一個夢……

~在夢中~

「你真係想時光倒流？」一把神秘的聲音問我。

「係！」我答。





「咁好啦，反正本身都係你嘅，我就暫時比番比你啦。」他一邊揮手一邊說。

他那一下揮手，便憑空變出了一團白色的光，那團光在我的身邊不停徘徊。

「咩本身都係我嘅話？仲有呢團光係咁圍住我想做咩阿？」我問。

「去！」他大叫一聲。

「阿阿！？！」突然，那團白光趁我說話，一下子往我嘴裹衝去，便從我的嘴巴流進了我的體內。我隨即感受到一股暖流正在我身體內不停遊走，這種感覺就好像在寒冬時喝一碗熱湯一樣，慢慢我感覺到身體內正有一絲力量在形成，感覺十分新奇但又很熟悉。





「呢團光入咗我身體會點架？做嘜個感覺好似咁熟悉嘅？」我繼續問。

他：「因為個能力本身都係你嘅，你覺得熟悉係正常嘅。不過始終未到約定解封果日，我唔可以完全比番曬100%嘅能力比你，我最多比番0.001%嘅能力比你。」

我繼續追問：「咩野本身個能力都係我嘅話？咩野約定解封？100%？0.001%？你解釋下好喎。」

他完全沒有理會我的意思，繼續說：「以你依家身上面嘅力量，夠你每日穿越5至6次左右，夠你用啦。我番上去上面先喇，係咁先！」說畢，他便慢慢向上升起。

「喂！你唔好走住呀！你嘜乜都未解釋就走。」我大叫。





「你自然會知嫁啦，同埋你遲啲應該會再見到我架，如果真係再見到我嘅你先再問喇，係咁先啦，拜拜」他說完便化成一團白光飛走了。